Qaabacha Seera 3:5 - KITAABA WAAQA

⁵ Dira kana ch'ufa aka jaba olfageesani d'akhaani jaarani, balbala fullotifi waan isiini ch'ufanile, ammalle olla hedduti jira, ka ijaara jaba akasi suni inqamne.

Qaabacha Seera 3:5 ပူးပေါင်းရင်းမြစ်များ

Nehemia 9:25

Worri kanke dira jajabaafi lafa dadansaafi maneeni miha dansa qabdufi haroole qara qotanifi mukeeni ejersatifi mukeeni mid'aanitifi, zabibule boojie. Waan fed'ani ch'ufa sooratani gabbatanini, waan dansa atini kenniteefi ch'ufa iraa gammadani.

Esta 9:19

Tanaafi Yahudiini dira didiqa keesa teetu guyya kud'ani afreeso, ka jia Adari jed'ani, qaabate jila tolfatte, guyya wo nyaatani sagale woli kennani tolfatti.

Henna 13:28

Ammo gochiti achi teetu guddo irre qabdi, diri worraleeni gugurda, ammalle aka jaba maneenifi naabo isaale jaarani. Suni malele, nu ilmaani gosa Anaki worra gugurda d'eed'era kaani, argine.

Qaabacha Seera 1:28

Nu achi iyyaanu, insodaanna worri nu ergine waan nuni jed'e, worri lafa suni worra jajaba d'ed'eera, haga arba gagahu, ka dira worrale naabo isaa d'akhaani marsani waaqati d'aabani jaarani.

Qaabacha Seera 3:4

Ammalle nu yomsuni dira ch'ufa qamne, diri tokoleeni ka nu infud'atini injiru. Nu ch'ufa woltuma dira jaatama qamne — lafa Argobu, ta hayyu Oguni, ka Bashani, mohate.

Qaabacha Seera 3:6

Nu dira ch'ufa balleesine, d'iira, nad'eeni ijoolle ch'ufa akuma worra dira hayyu Sioni jed'ani ka Heshboni kaani, hobaamne.

Ebrania 11:30

D'ugefachati naabo Yeriko ch'abse jisse, eegi gochiti Israeli guyya torba ira marte.

1 Samueli 6:18

Ammalle hantuta worqi shananile dira hayyoota shanani Filisti ka maneeni jajabdu qabuufi ka ollowaani isaani naabo inqamneti erge. D'akhaani guddaani oobru Yoshua, ka worra Beth-Shemeshi, keesa jiru, ka worri Sanduqa Wold'aqisa ira kaye kaani arrale achuma jira aka waan gaafasi tahe kana d'ugeesu.