Qaabacha Seera 15:9 - KITAABA WAAQA

⁹ Ganni gati nama lakisani ya d'aate jettani, waan hamtu hereddani, gati ind'owatiina. Heregi akasi hamaani suni qalbi teesani inseeniini. Yo isani gati d'owattani, inni AABBO Waaqati bohe, isani ch'ubbu keesa seentani.

Qaabacha Seera 15:9 ပူးပေါင်းရင်းမြစ်များ

Aayubu 34:28

Worri hiyyeeyi dabse, maro sunifi isiini Waaqati boonnani inni qarqaarsa worri kad'atu d'agayeefi.

Faaru 101:3

waan hamtule inoobsu. Anini adaba nama Waaqa iraa goru injibba; worra akasi suni waan worri tahu iti ind'iad'u.

Faaru 12:5

AABBO Waaqi waan jed'u, waan hiyyeesa dabsani, d'ipatani tae ouufi, anini amma d'ufe qarqaarsa worri fed'u kennaafi.

Faaru 9:12

Waaqi nama gaargala keesa jiru ch'ufa inqaabata; inni boha isaani inded'u, inni nama worra dabsule haalo fuud'a.

Bahisa 22:22

Haad'a hiyeesatiifi hiyyeeyile ingaargalchina.

Bahisa 22:23

Yo isani gaargalchitani, anini, AABBO Waaqi, yo worri qarqaarsa nati bohe ind'agayaafi;

Bahisa 3:7

Duuba AABBO Waaqi waan jed'e, Anini yayu gaargala worra kiyya ka lafa Misiri keesa tau arge, boha worri nama worra hojachiisu iraa bohu d'agaye, d'iba worra kiyya hubad'e.

Mammaasa 14:21

Nami nama d'ibi tufatu nama dabaati, ammo nami hiyyeesa nahu nama eebaati.

Mammaasa 21:13

Nama boha hiyyeesa ch'aqasu dide, ato inni qarqaarsa bohele isa inch'aqasani.

Mammaasa 23:6

Nama woma iraa imbaane qoch'och'ama, sagale isaa inyaatini, ato inni sagale miooftu si kennele iti ind'araini.

Mammaasa 24:9

Daalleeni ch'ubbu male woma inhereddu, namileeni nama nama tufatu injibba.

Mammaasa 28:22

Ufooni namaa yoosu wo horachu fed'a, aka hiyyumti isa qabatule imbeekatu.

Mammaasa 4:23

Waan ch'ufa ira, herega kanke tissi, wonti akanatiifi heregi kanke suni madda jireenna sii taha.

Yeremia 17:10

Anini, AABBO Waaqi, qalbi nama ch'ufa laale, garaa namale ilaalad'a. Anini nama ch'ufa adabuma isaa gula waan male kennaafi, waan inni tolchu gula.

Yeremia 34:14

Eegi ganni torba dabre ch'ufa nama gosa teesani ka Ebrania, ka isaniti gurgurani, ka ganna jaa isani hojate, galakisa. Ammo ababooti teesani na ch'aqasu didde dubbi anini jed'eenile na jalaa qabu dide.

Matayo 15:19

Garaa keesaa herega hamafi ijeechafi wolbarachaafi ch'abanumafi hannafi d'arafi arabati baha.

Matayo 20:15

Anini hori kiyya waan fed'u intolchu? Yokhaani waan anini arja taheefi na qot'ifta?

Qaabacha Seera 15:1

Yo ganni torbeeso hobau ch'ufa, nama gati teesani qabu gati suni lakisaafi.

Qaabacha Seera 24:15

Guyya ch'ufa, ato aduuni ind'iine, beese guyya suni inni hojatteefi kennaafi; wonti akanatiifi inni hiyyeesa, beese suni male woma inqabu, guddo heregata. Hojja isani kennuufi baatani, inni maro teesaniifi AABBO Waaqati bohe, isanileeni wollaala argattani.

Qaabacha Seera 31:10

Inni waan worrani jed'e, yo ganni torba hobau ch'ufa, gaafa ganni gati namaa lakisani maru, dubbi tana jila Hoosati laalaba, biyyaa sooma.

Yakobo 4:17

Tanaafi nami aka waan dansa tolchuchuchu male ufi beekhu, ammo ka waan suni intolchine, ya daba tolche.

Yakobo 4:5

T'aafi qulqullo ta, lubbuuni Waaqi woliini nu d'ale d'araa hamtuuni guutamte jettu, waan isiini ufumaa jettu insehiina.

Yakobo 5:4

Isani worra oobru isanii hojatu hori imbaamne. Aka worri isani himatu ch'aqasa! Booti worra mid'aani keesani galchu, la gurra Waaqa Aabbo gudda geete!

Yakobo 5:9

Woltingungumiina, oboleyaani, aka Waaqi isani inqorre. Abbaani qorsuma balbala dura eja.

1 Petro 4:9

Gungumsu male, aananifi fooni qabdani woli kenna.