Qaabacha Seera 13:6 - KITAABA WAAQA

⁶ Hegeri oboleesafi ilmaafi intalafi niiti atini jaalatufi jaali kanke jabaani si sobe, koota waaqa d'ibi kad'anna (ka isanifi ababooti teesani imbeenne) sini jed'a.

Qaabacha Seera 13:6 ပူးပေါင်းရင်းမြစ်များ

Uumama 16:5

Jennaani Saraiini waan Abramuuni jette, Wollaala keetifi Hajiriini ch'eera na d'abde. Anumati isi sii kenne, ammo isiini haga garaacha ufirati garte ya ch'eera na d'abde. AABBO Waaqi anaafi si nama fulla injirre ha laalu.

2 Samueli 1:26

Oboleesa kiyya Yonathani, anini sii boha; anini guddo si jaalad'e, jaalalti atini na jaalate waan nami aka imbeenne, jaalala nad'eeni nama jaalatule inch'aalti.

1 Hayyoota 18:40

Eliyaani waan worraani jed'e, Raagoota Baali ch'ufa qaqaba, tokoleeni imbahini! Biyyiti raagoota suni ch'ufa qabde, jennaani Eliyaani galaana Kishoniti geese worra ch'ufa fit'e.

2 Hayyoota 11:18

Jennaani biyyiti ch'ufti mana Baali d'at'e ch'ach'absite; worri fulla sorio irati baasanifi waan boch'ani kad'atanile ch'ufa ch'ach'absani balleesani qaallicha Baali ka Maatani jed'anile waan sorio irati baasani durati ijeesani. Jennaani Yehoyadani nama Mana Waaqa eegu tolche,

2 Odu duri 15:13

Ammalle aka nama ch'ufa, diqaafi gudda yokhaani d'iirafi uwa, ka isa inkad'anne, fit'ani,

2 Odu duri 23:17

Jennaani biyyiti ch'ufti mana Baali d'at'e ch'ach'absite. Worri fulla sorio irati baasanifi waan boch'ani kad'atanile ch'ufa ch'ach'abse balleese. Qaallicha Baali, ka Mataani jed'anile, fulla sorio irati baasani durati ijeesani.

Aayubu 31:27

Anini taka soba nami na sobe aduufi jia harka iti qabi d'ungad'i guddisi naani jed'e, gula imbaane.

Bahisa 13:3

Musani waan gumiini Israelitini jed'e, Guyya kana ka isani lafa Misiri boola tissooma keesaa baatani, ka AABBO Waaqi harka ufitiini lafa suni keesaa isani baase qaabad'a; qit'a bukho qabu inyaatina.

Bahisa 32:27

inni waan jed'eeni, AABBO Waaqi Israeli waan jed'u, Isaniini kuni ch'ufti sheefti teesani guurad'a, olla kana ch'ufa keesa haga fullo tana iti keeyattani taani d'ibi d'aaba oboleyaani teesani taanaani, jaallowaani teesani taanaani, olla keesani taanaani ch'ufumayu hobaasa.

Mammaasa 18:24

Jaalani namaa hagi toko oboleesale ira namaa jirti, ammo hagi toko nama balleesiti.

Mammaasa 5:20

Ilma kiyya, atini maanifi niiti nama d'ibi jaalate gula maratta? Atini mid'aaguma niiti nama d'ibi maafi halchita?

Yeremia 28:15

Jennaani anini waan Hananiani jed'e, Hanania, na ch'aqasi! AABBO Waaqi si inergine, atini jara kana sobde dubbi d'ara dugefachisuu jirta.

Yeremia 28:16

Tanaafi AABBO Waaqi waan siini jed'u, Amma lafa keesaa si balleesa. Gannuma kana keesati doota, waan atini biyyaani, Dubbi Waaqa dida jetteefi.

Yeremia 44:3

wonti akanatiifi worri dira suni waan hamtu tolche na dallansiise. Worri waaqoota d'ibi sorio baase, waaqoota isanifi ababooti teesani waan isii imbeenne, hojate.

Zekaria 13:3

Duuba yo nami tokoleeni ammalle aka raaga ufi tolche, abbaafi haati isa d'alte waan isaani jettu, Atini duu malte, jiraachu himmalle, waan atini maqa AABBO Waaqatini d'ara dubbatteefi. Hojja inni wo himu, abbaafi haati isa d'alte isa woraante ijeefti.

2 Korintho 5:16

Nu armaa achi aada nama gula nama tokole inqorru. Yo duri aada nama gula Kristo qorrele, armaa achi intolchinu.

Galatia 2:4

ammo jari gari oboleyaani ufi tolche, qabanqaba qabuufi fed'e worri suni aka jajuusa gumi teenna seene, aka balchooma nu Kristo Yeso keesa qamnu argani, Tisse nu tolchu fed'ani.

Efessoon 4:14

Iti deebine ijoolle d'awaani galaana d'od'ooftu intaanu yokhaani ta barsiisaani nama d'ara ch'ufti chochooftu intaanu, ka malteeni nama d'ibi kara ira gorsu.

Qaabacha Seera 11:32

seera anini ara isanii kennu kana ch'ufa jabeesa guuta.

Qaabacha Seera 13:2

ammalle akheekhafi wonti mama ka inni himu yo guutamte, ammalle yo inni, waaqa d'ibi ka isani imbeenne gula nu yaasa inhojanna jed'e,

Qaabacha Seera 13:7

Worra suni keesa nami toko waaqa worra d'aatu teesani jiru, yokhaani ka sira fago jiru, sosobe sii kad'achiisa.

Qaabacha Seera 17:12

Nama dubbi iti murani fud'achu didi mata ufiti deeme, qaallu huji AABBO Waaqa harka qabuufi jaallabale ch'aqasu didu ha ijeesani; duuba akanaani hameenna akasi suni worra Israeli keesaa baaftani.

Qaabacha Seera 18:20

Ammo hojja raagi tokoleeni waan anini himi injed'ini, Waaqati jed'e jed'e, maqa kiyyaani hime, ha duuti; ammalle raagi maqa waaqa d'ibiini wohimuleeni ha duuti.

Qaabacha Seera 19:19

Waan sila inni nama kaani tolchu fed'e ha isa tolchaniti. Akanaani waan hamtu akana kana ufi keesaa baaftani.

Qaabacha Seera 21:21

Duuba nami d'iira ka dira suni ch'ufti, ha woltibahe d'akhaani isa d'aane ijeesuti; akanaani hameenni akasi duraa baatani. Nami gosa Israeli ch'ufti, yo waan akana kana d'agaye, insodaata.

Qaabacha Seera 22:21

duuba worri ha intala ch'icha abbaa durati gabaase, achiti d'iirti dira suni d'akhaani d'aante ijeeftuti. Isiini, ta ato infuud'iini, ka mana abba d'ale keesa jirtu, d'iiraani woliini rafte ya waan taka inargini gosa teenna ta Israeli keesati taate. Akanaani hameenna akasi duraa baatani.

Qaabacha Seera 24:7

Yo nami nama gosa isaa ka Israeli hatte tisse tolfate gurgurate hatticha suni ha ijeesani, akanaani hameenna akasi duraa baatani.

Qaabacha Seera 28:54

Nami dureesi, ka bulti dansa qabu ka t'uri ch'ufa lagatuleeni gaafa dira keesani marsani isaani had'ani ufi jibbaate, ilmaani ufii nyaata, maro inni sagale inqamneefi. Inni oboleesafi niiti isaa ta inni jaalatufi ilmaani isaa ta haftule ingahuuni.

Qaabacha Seera 29:18

Eegad'a, aka nami arra arma eju tokoleeni uwa taanaani, d'iira taanaani, worra taanaani, gosa taanaani AABBO Waaqa keenna iraa gore, waaqa gosa d'ibii inkad'anne, yo akasi inni mukha olguddate, had'aafi mid'aani had'ao qabu fakaata.

Qaabacha Seera 8:14

Eegad'a aka kiyyibdani ufi saaddani, AABBO Waaqa keesani ka lafa Misiri, ta tisse iti taatani, keesa isani baase indeene.

Kolosai 2:4

Tanaafi anini amma isaniti hima: nami tokoleeni hasaa d'aratiini isani insobini, ato akuma fed'u dansa fakaatele.

Yoshua 7:13

Kai, biyya qulqulleesi, waan jettuuni, Bori kurfaa ufi qulqulleesa, anini AABBO Waaqi Israeli, waan kana isaniini jed'a, Worra Israeli, isani waan gari ka anini balleesa isaniini jed'e, ya guuratani. Haga waan kana balleesitaniti isani dandeetani nyaapa keesani dura inejitani.

2 Petro 2:1

Raagooti d'ara duru biyyati d'ufte, ammalle akasuma raagooti, d'ara isaniti indufti. Barsiisa d'araatiifi ta nama balleesituuni d'ufte, Aabbo ka worra baase mormatte maro tokotu ufi balleesite.

Mudhii Yohaannisii 12:9

Jawe guddo taani gadigatani! Isiini suni bofa duri kaani, ka Sheet'ana yokhaani Jinni jed'aniini, ka lafa ch'ufa sobe. Isaafi malaika isaa ch'ufa lafati gatani.

Mudhii Yohaannisii 13:14

Nama lafa ch'ufa keesa tau waan mama ka inni fuula bineensa qara durati tolcheeni sosobe. Bineensi kaani nama lafa ch'ufatiini, Akheekha bineensa sheeftiini woraanani ammo induiini kaani fakaatu mid'aasa, guddisa jed'e.

Mudhii Yohaannisii 20:3

Malaikaani boola keesa isa buufte, ch'ufte, beesisa ira keyatte, aka inni haga ganni kunki toko hobauti nama tokole insomne. Eegi suni diqo toko isa hiikhu malani.

Jaallaboota 10:6

Ammalle worri Israeli AABBO Waaqaa durati waan hamtu tahe waaqa Baalifi Ashtorethi jed'ani Kad'atani, ammalle waaqa worra Shamutifi ka Sidonitifi ka Moabutifi ka, Amonitifi ka Filistile kad'atani. AABBO Waaqati wollaalani isa kad'achu lakisani.

Jaallaboota 2:13

AABBO Waaqa lakisani Baalifi Ashtorethi kad'atani.

Jaallaboota 20:13

Hurrisa, worra algala hama daba kana hojatte nuti kenna, aka nu worra find'e hameenna kana gosa Israeli keesaa baamnu. Ammo worri Benjamini dubbi worra odula kaasu dide.

Jaallaboota 5:8

Gaafasi Israeliini waaqoota d'ibi gula yaate, had'iisi lafati bue. Askarti Israeli ta kuma afurtama keesa nami woraanafi wonte qabu injira?

1 Samueli 18:1

Eegi Daudifi Sauloni haasaa buufatani, Yonathanini adaba Daudi arge maache akuma ufi jaalatu isa jaalate.

1 Samueli 18:3

Yonathanini maro Daudi guddo jaalatefi wold'aqani

1 Samueli 20:17

Ammalle Yonathanini aka haguma jiru ch'ufa Daudini isa jaalatu isa kakhachise, wonti akanatiifi Yonathanini akuma ufi jaalatu Daudi jaalata.