Qaabacha Seera 12:12 - KITAABA WAAQA

¹² Achiti isa durati, isanifi ilmaani teesanifi hojattu teesanifi worri Lawi ka dira keesani keesa tauleeni gammada; qaabad'a aka worri Lawi qooda lafa inqamne.

Qaabacha Seera 12:12 ပူးပေါင်းရင်းမြစ်များ

Qaabacha Seera 12:7

Achiti, AABBO Waaqa keesani ka isani eebise durati, isanifi worri keesani sagale nyaattani waan dansa isani hojattani iraa gammaddani.

Qaabacha Seera 26:12

Ganna sadeeso ch'ufa, mid'aani argattani ch'ufa kud'ani keesa toko worra gosa Lawi fa, worra gosa teesani intahinifa, ilmaani hiyyeeyifa, nad'eeni hiyyeeyifa keenna, aka fulla nami jiru ch'ufati nyaatani quufani. Eegi waan kana tolchitani,

Qaabacha Seera 10:9

Wonti gochiti Lawi qooda lafa aka gosa taani, inargatiinifi waan kana: Akuma AABBO Waaqi worraa kakhate, qoodi worraa huji qaallu.

Qaabacha Seera 14:29

Sagaleeni tunini ta worra gosa Lawiti wonti akanatiifi worri qooda lafa inqabu: ammalle sagaleeni suni ta keessumatifi ta hiyyeeyitifi ta nad'eeni d'iirsi ira due ta dira keesaani keesa teetuti. Worri ha d'ufe nyaate quufuti. Waan kana tolcha, duuba AABBO Waaqi keesani waan isani tolchitani ch'ufa keesa isani eebisa.

Qaabacha Seera 12:19

Ammalle eegad'a aka haga lafa teesani keesa teetani worra Lawi indeene.

Faaru 147:1

AABBO Waaqa faarsa! Aki Waaqa keenna faarsani guddo dansa: faaruni isaa waan dansa ta nami hojja ch'ufa d'aachu male.

2 Odu duri 29:36

Hezekiafi gumiini ch'ufti guddo gammadde, waan qarqaarsa Waaqatini hujiini tunini ch'ufti yoosu hobaateefi.

1 Hayyoota 8:66

Guyya saddeeteeso Solomonini nama ch'ufa galche, waan AABBO Waaqi hojattu isaa Daudifi gumi Israeli ch'ufa eebiseefi, nami ch'ufti Solomoni eebise kae gammadani gale.

Yoshua 14:4

Worri Yusufu gosa lama, Manaseefi Efraimu. Musani gosa Lawiti lafa tokole d'aala inkennineefi ammo dirafi lafa horiini worraa, loonifi reeni ooltu, kenneefi.

Yoshua 13:33

Musani gosa Lawiti lafa tokole d'aala inkennineefi, ammo waan jed'eeni, D'aalti teesani ha waan AABBO Waaqa Israeliti baasani taatuti.

Henna 18:20

AABBO Waaqi waan Harunini jed'e, Atini d'aala tokole inargatu, lafa tokole Israeli keesa sii inkennani, d'aalti tante ana AABBO Waaqa.

Yoshua 13:14

Gochiti Musani qooda lafa inkeniniifi ta Lawi ch'alla. Akuma AABBO Waaqi Musani jed'e waan gubani AABBO Waaqa Israeliti baasaniti d'aala worraati.

Henna 18:26

Waan atini ammalle worra Lawitini jettu, Hojja isani qooda AABBO Waaqi d'aala isanii kennu worra Israeli iraa fud'attani, qooda suni, kud'ani keesa toko keesa fuud'a, AABBO Waaqaa baasa.

Qaabacha Seera 18:6

Nami gosa Lawi ka fed'u, ha dira Israeli ka taatefu keesaa bahe, fulla AABBO Waaqi fohateeti d'ufe,

Qaabacha Seera 16:14

Jila suni keesa isanifi ilmaani teesani, hojattu teesani, worra gosa Lawiti, keessuma teesani, hiyyeeyefi nad'eeni hiyyeeyi ta dira keesani suni keesa jirtu woliini gammada.

Qaabacha Seera 16:11

AABBO Waaqa keesani durati gammada, isani, ilmaani teesani, hojattu teesani, worra gosa Lawiti, keessuma teesani, hiyyeeyifi nad'eeni hiyyeeyi ta dira keesani keesa teetu. Jila suni fulla AABBO Waaqi fohateeti tolfad'a.

Yohana 13:8

Petroni waan jed'eeni, Haga jiru jireennale na ind'it'u! Yesoni waan jed'eeni, Yo anini si d'iqu d'ibaad'e, atini woma nara inqabdu.

Huji Ergattu 8:21

Atini waan kana keesa diqole qooda inqabdu, garaani kanke fuula Waaqa durati dansaniti.

Qaabacha Seera 12:18

Isanifi ilmaani teesanifi hojattu teesanifi worri Lawi ka dira keesani keesa tauleeni waan Waaqaa baasani kana AABBO Waaqa keesani ch'alla durati soorad'a fulla kad'acha ta AABBO Waaqi keesani fohate suni ch'alla keesati soorad'a. Ammalle waan tolchitani ch'ufa ira gammadu maltani.

Qaabacha Seera 26:11

Waan dansa AABBO Waaqi keesani isanifi worra keesaniti kenne jed'a galata deebisaafi: ammalle isanifi worra Lawitifi keessuma isaani keesa jirtuleeni woliini gammada.

Nehemia 8:9

Biyyiti waan Seeri jed'u d'ageennaani laalefate boote. Duuba namicha gudda Nehemia jed'anifi, qaallicha Ezra jed'ani, ka waan Seera beekhufi, worri Lawi ka dubbi Seera Waaqa nama barsiisu waan biyyaani jed'ani, guyyaani kunini AABBO Waaqa keesani guyya qulqullo, tanaafi lalefattani imbohina.

Lawi 23:40

Guyya qara mid'aani dadansa mukhi keesani baasu fuud'a, qooti meet'itifi ta dame mukha d'ibi ch'ira, guyya torba AABBO Waaqa keesani durati gammada.

Qaabacha Seera 27:7

ammalle sorio wold'ageeti qala nyaad'a, AABBO Waaqa keesani durati gammada.