Qaabacha Seera 1:8 - KITAABA WAAQA

⁸ Lafti tunini ch'ufti lafa anini AABBO Waaqi ababoota teesani Abrahamufi Isaaqofi Yakobofi ilmaani worrale ch'ufa inkenna jed'e kakhad'e; d'aqaa iti qubad'a.

Qaabacha Seera 1:8 ပူးပေါင်းရင်းမြစ်များ

Uumama 12:7

AABBO Waaqi Abramuti mullate waan jed'eeni, Lafti anini ilmaani teeti kennu kuno tana. Jennaani Abramuuni artiti fulla sorio iti qalani AABBO Waaqaa, ka qara isati mullate, jaare.

Uumama 15:16

Eegi d'aloota ababoota tanteeti ilmaani tante lafa tanati deebiti, wonti akanatiifi anini gosa Amori lafa tana keesaa imbaasu, haga ch'ubbuuni worraa guddatte guyyaani ani worra gaargalchu gahuuti.

Uumama 15:18

Hojuma sunii achumati AABBO Waaqi Abramuuni wold'aqani waan jed'eeni, Anini lafa tana ch'ufa d'aloota keeti kenna, galaana Misiriti asi haga galaana gudda ka Frati jed'ani,

Nehemia 9:15

Worri beelae jennaani qit'a gubbaa buufteefi, worri d'eebonnaani; bisaani d'akha keesaa baafteefi. Atini beena, lafa duri anini isanii kakhad'e fud'ad'a worraani jette.

Bahisa 23:31

Anini lafa teesani haga galaana Diima qabe galaana Efrati d'aabe ammalle haga galaana Filistiti fuud'e lafa alooti d'aaba. Duuba anini worra qara lafa suni ke jiru harka keesaniti kenne, akasiini isani lafa suni keesaa baaftani.

Bahisa 33:1

AABBO Waaqi waan Musani jed'e, Beena, armaa yaa, sifi worri kunini ka atini lafa Misiri keesaa d'ufteeni; gara lafa anini Abrahamufi Isaaqofi Yakobofi d'aloota worrati Inkenna jed'e kakhad'e d'aqa.

Yeremia 32:22

Atini lafa aananifi dammi aka lola yau tana worraa kennite, akuma atini duri ababoota worrati kakhate.

Ezekieli 47:14

Anini duri ababoota teesani kakhad'e, amma tana wolqit'eti qoodad'a.

Henna 14:23

Tanaafi worri na dide kuni tokoleeni, ka lafa anini ababoota worraati kakhad'e seenu, injiru.

Henna 32:11

Anini inkakhad'a aka worri kuni, waan garaa tokooni na gula yau dideefi, nami worra ka ganna diddamati oli, ka lafa Misiri keesaa bahe, lafa anini Abrahamufi Isaaqofi Yakobo kakhad'e, tokoleeni inseenne.

Qaabacha Seera 1:11

AABBO Waaqi, Waaqi ababoota teesani, hagasile ira maro kuma isani daraarse isani deebansinna, akuma inni intolcha jed'e kakhate!

Qaabacha Seera 1:35

Waan jed'e, Isaniini tokoleeni, nami d'aloota ch'ubbu kana keesa jiru lafa gabbo dansa anini abbooti teesani kakhad'e inargattani.

Qaabacha Seera 10:11

Jennaani AABBO Waaqi waan nami jed'e, Beeni, worra kana dura deemi, aka worri lafa anini ababoota worraati kenne fud'atu.

Qaabacha Seera 11:24

Fullaani miili keesani bahu ch'ufti teesani taati. Lafti teesani haguma lafa aloo ta gamooji bitaa ejite haga gaareeni Lebanoniti ejiti, ammalle galaana Frati ilaboruti ejite Baariini Gudda ila adu jiruti ejiti.

Qaabacha Seera 11:9

Duuba ganna heddu lafa aananifi dammi aka lola yau keesa teetani lafa AABBO Waaqi ababoota teesanifi ilmaani isaaniti kakhate.

Qaabacha Seera 2:29

haga nu galaana Yordani taakine lafa AABBO Waaqi nu kennuni baanuti. D'alooti Esau ka Edomu taufi worri Moabu ka Ari tauleeni ya lafa worraa keesa nu dabarse.

Qaabacha Seera 26:15

Fulla tante qulqullo ta gubbati gadi laali, worra kanke ka Israeliti eebisi; ammalle lafa atini ababoota teenna kakhate nuu kennite, ta aananifi dammi aka lola yau jed'ani eebisi.

Qaabacha Seera 26:3

Duuba qaallicha guyya suni huji harkaa qabu gara isaa d'aqa waan jettani, Nu arra AABBO Waaqa keennati himna, aka lafa inni ababoota teennati kakhate fud'anne iti qubanne.

Qaabacha Seera 28:11

AABBO Waaqi isani horsiise, isani daraarse, ilmaani heddu, isanii kenne, loonifi mid'aani heddu lafa inni ababoota teesaniti kakhateti isanii kenna.

Qaabacha Seera 29:12

Wonti arra asi d'uftaniifi, aka wold'aqisa AABBO Waaqi keesani isanii woliini tolfatu fud'attani,

Qaabacha Seera 30:20

AABBO Waaqa keesani jaalad'a, isaa saalfad'a, iraa ingorina: duuba, yo akasi taatani, isanifi ilmaani teesani, lafa AABBO Waaqi ababoota teesani Abrahamufi Isaaqofi Yakobo inkenna jed'e kakhate, keesati lubbuuni teesani d'eeratti.

Qaabacha Seera 31:7

Jennaani Musani Yoshua yaame, gumi Israeli durati waan jed'eeni ilaafiini, garaa jabaad'u. Nami gumi taanaani deeme lafa AABBO Waaqi ababoota worrati kakhateti geesu, sii.

Qaabacha Seera 34:4

Jennaani AABBO Waaqi waan Musani jed'e, Tunini lafa anini Abrahamufi Isaaqofi Yakobooti kakhad'e, ilmaani teesaniti kenna jed'e. Anini ya sii agarsiise ammo atini achi ingeetu.

Qaabacha Seera 4:1

Jennaani Musani waan biyyaani jed'e, seerafi waan anini isaani barsiise ch'ufa jabeesa guuta, aka lafa AABBO Waaqi, ababoota teesaniini, isanii kennu fud'attani.

Qaabacha Seera 6:10

Akuma AABBO Waaqi keesani ababoota teesani Abrahamufi Isaaqofi Yakobooti kakhate, akuma suni inni lafa dira gugurda dadansa, ka isani iniijaariini, isanii kenna.

Qaabacha Seera 7:12

Yo isani dubbi tana ch'aqaftani garaa tokooni gula deemtani, AABBO Waaqi keesani wold'aqisa isani wold'at'ani kana guute jaalala ufii isani garsiisa, akuma inni ababoota teesaniti kakhate.

Qaabacha Seera 7:13

Inni isani jaalate isani eebisa, aka isani daraartani ilmaani heddu d'alttani; inni oobru teesani eebise, duuba isani mid'aani, daad'i, d'ad'ale keesa argattani ammalle inni isani eebise loonifi reele horattani. inni waan kana ch'ufa lafa inni ababoota teesani kakhate keesati isanii kenna.

Qaabacha Seera 7:8

Ammo AABBO Waaqi isani jaalate kakhu inni ababoota teesani kakhate guute. Tanaafi inni jabeenna isaa guddaani isani baase, harka Farao, hayyu Misiri, ka isani tisse isaa taatani keesaa isani baase.

Qaabacha Seera 8:1

Seera anini arra isani kenne kana jabeesa guuta, aka isani jiraattani, hortani lafa AABBO Waaqi ababoota teesani kakhate fud'attani.

Qaabacha Seera 9:5

Maro dansumafi qajeeluma teesanitifi AABBO Waaqi lafa suni isanii inkennu, ammo maro hameenna worraatifi maro inni kakhu duri ababoota teesani Abrahamufi. Isaaqofi Yakobooti kakhate guutu fed'uufi, inni worra lafa keesaa isaani duraa gussa.

Ebrania 6:13

Gaafa Waaqi Abrahamuti kakhate, inni aka waan qara jed'e guutu kakhate. Waan nami tokoleeni ka isa ira gudda injirreefi, inni gaafa kakhate maqa ufi d'ae.

Ebrania 6:14

Inni waan jed'e, Anini inkakhad'a, aka si eebise, ilmaani heddu sii kennu.

Yoshua 1:6

Ilaafini garaa jabaad'i wonti akanatiifi siti worra kana dura deeme, lafa duri anini ababoota isaani inkennaafi jed'e kennaafi.

Jaallaboota 2:1

Malaikaani AABBO Waaqa Gilgali kaate, Bokimu d'at'e waan worra Israelitini jette, Anini lafa anini ababoota teesaniti kakhad'e isaniini d'ufe, waan jed'e, Anini deebie wold'aqisa isani woliini tolfad'e inch'absu.