Nehemia 9:35 - KITAABA WAAQA

³⁵ Eeba tanteetiini hayyooti gumi tante fidde, gaafa worri lafa ballo dansa atini worraa kennite keesa tau; ammo worri ch'ubbu iraa deebie si hojachu dide.

Nehemia 9:35 ပူးပေါင်းရင်းမြစ်များ

Nehemia 9:25

Worri kanke dira jajabaafi lafa dadansaafi maneeni miha dansa qabdufi haroole qara qotanifi mukeeni ejersatifi mukeeni mid'aanitifi, zabibule boojie. Waan fed'ani ch'ufa sooratani gabbatanini, waan dansa atini kenniteefi ch'ufa iraa gammadani.

Nehemia 9:34

Ababootafi hayyootafi jaaroleefi qaaloleeni teenna Seera kanke guute jechaafi gorsa kanke inch'aqamne.

Isaya 63:7

Anini naasufu jaalala AABBO Waaqa namati odeese waan inni nuu tolcheefi isa faarsa. Inni maro naasufi jaalala isaatiifi yayu gumi Israeli qarqaare guddo eebise.

Yeremia 5:19

Hojja biyyiti si gaafate, AABBO Waaqi maafi akana nu tolche? jette, waan jettuuni, Akuma isani na lakiftani, lafa teesani keesati waaqa d'ibi hojatani, akasuma isani nama gosa teesani intahini, lafa d'ibi keesati hojatani.

Ezekieli 5:6

Ammo worri Israeli ch'ufti seera kiyya dide, gosa d'ibi ta lafa worraa d'aatu jirtu ch'ufa ira ch'ubbame, dubbi tiyya dide. Worri akanaani seera kiyya ch'abse dubbi tiyyale gula deemu dide.

Qaabacha Seera 28:47

Waan isani AABBO Waaqa keesani gammadafi qilit'amani hojachu diddaniifi, ka inni waan ch'ufa keesa isanii eebise.

Qaabacha Seera 28:48

Isani nyaapa keesani ka AABBO Waaqi isaniti ergu, qullafi beelafi d'eebuuni hojattani, waan ch'ufa d'abdani. Ammalle qaampara sibiila isaniti kayani, isani balleesani.

Qaabacha Seera 31:21

duuba gaargali hamaani hedduuni worrati d'ufa. Taatule sirba akana ilmaani isaani inuma sirbiti, duuba sirbi kunini d'uga naa taha. Hojja tanale, ato lafa anini worraa kakhad'e worraa ingeesini, anini herega worraa ch'ufa ya beekhe.