Mudhii Yohaannisii 9:20 - KITAABA WAAQA

²⁰ Nami lafati hafe kaani, ka gaargali kunini inijeesiini, waan harka ufitiini mid'aafatani kaani iraa indeebine, jinniifi waan harkaani boch'ani ka worqifi qarsifi saldaqafi d'akhafi mukhaani mid'aasani, ka dandae lafa ingarre, ka woma indandeenne, ka dandae indeemne, kad'achu illakimne.

Mudhii Yohaannisii 9:20 ပူးပေါင်းရင်းမြစ်များ

2 Hayyoota 22:17

Worri ya na dide sorio waaqa d'ibi baase, akanaani worri huji sunini na dallansiise, tanaafi dallansuuni sunini ta anini Yerusalemuti dallane deebite amma nara ingaltu.

2 Odu duri 28:22

Gaargali iti guddannaani hayyichi Ahazi jed'ani kaani haga qarale ira AABBO Waaqa durati ch'ubbu tolche.

2 Odu duri 34:25

Worri ya na dide, sorio Waaqa d'ibii baase, akanaani huji sunini na dallansiise, tanaafi dallansuuni sunini ta anini Yerusalemuti dallane deebite naraa ingaltu.

Faaru 106:37

Worri ilmaani ufii ta d'iiratifi ta dubrale qale, waaqoota d'ara ka Kanaaniti sorio baase.

Isaya 2:8

Lafti worraa worra waan harkaani boch'ani kad'atanini guutamte, worri waan harka ufiitini mid'aase yaamata.

Isaya 41:7

Hogeesi mukha boch'u nama worqi tumu garaa jabeese, namichi burrisaani wo qulqulleesuleeni nama tuubo irati wo tumu garaa jabeese waan jed'uuni, saldaqaani baqu kunini dansa. Duuba inni waan mid'aasani woltid'ise chochou d'owa.

Yeremia 1:16

Anini gumi tiyya ingaargalcha, waan worri nati ch'ubbamefi. Worri na lakise, waaqa d'ibii sorio baase, waaqa harkaani boch'ani mid'aafate kad'ate.

Yeremia 25:6

Waaqoota d'ibi gula yaatani hojattani inkad'atiina, waan harkaani boch'atani kad'attani AABBO Waaqa indallansisina. Yo isani akasi taatani Waaqi woma isani intolchu.

Yeremia 44:8

Isani maafi waan harkaani boch'ani kad'attani, lafa Misiri ta isani iti qubatani tana keesati waaqa d'ibi hit'aana aarsitani na dallansiiftani? Isani ufi balleesu feetanifi waan suni tolchitani? Aka nami lafa keesa jiru ch'ufti isani goyeese maqa keesanini woli abaaru.

Yeremia 5:3

Ee AABBO Waaqa, ilti tante d'uga imbarbaadu? Atini worra d'oofte ammo worri ind'ukubsanne, atini worra ch'arasite ammo worri mata jabaate ch'ubbu iraa deebiu dide.

Yeremia 51:17

Nami waan kana arge ch'ufti, daalle woma imbeenne ufi sehe; nami waan harkaani boch'ani kad'atuleeni, maro wonti worri kad'atu suni waan d'ara, ka lubbu inqamne taateefi waan tahu wollaale ufi d'aareefata.

Danieli 5:23

Atini Waaqa gubbati wollaalte, muduunufi qori mana isaa guurte d'ufteeni, duuba siifi jara kanke gugurdafi nad'eeni teetifi gaarayooti tanteleni daad'iini d'uddani, waaqa worqifi qarsifi sibiila diimafi sibiila guraachafi mukhaafi d'akhaani mid'aasani faarsitani — waaqa woma ingarre, ka woma ind'ageenne, yokhaani ka woma imbeenne. Ammo atini Waaqa duafi jireenna kanketifi ammalle waan atini tolchitu ch'ufa harkaa qabu guddisu didde.

Danieli 5:4

waaqa worqifi qarsifi sibiila diimafi sibiila guraachafi mukhaafi d'akhaani mid'aasani kaani faarse.

Lawi 17:7

Worri Israeli armaa achi deebie, AABBO Waaqa lakise hori ufi ballinna keesati qale laleesa jinni kad'achu himmalle. Worri Israeli haguma jiru jireenna aada tana ha jabeesu.

Mika 5:13

Anini akheekha isani kad'attanifi d'akha keesani ka woyyumale lafa teesani keesaa balleesa; isani deebitani gajettani waan harka keesaniini mid'aasitani inkad'atani.

Matayo 21:32

Yohanani nama batisu d'ufe kara d'uga isani agarsiise, ammo isani d'ugefachu diddani; tatule worra damoosa guurufi sharmut'ileeni isa d'ugefatte. Eegi waan kana gartanile, qalbi teesani garagalchitani isa d'ugefachu diddani.

Huji Ergattu 17:29

Waan nu ijoolle isaa taaneefi, waan Waaqi aka worqi yokhaani aka saldaqa yokhaani aka d'akha nami harkaani boch'u jiru nu sehu himmalle.

Huji Ergattu 19:26

Ammalle isani ya argitani d'ageettani, aka fulla Efeso ch'allaaniti, ammo fulla ch'ufa Asia keesa, Pauloni nama heddu sosobe qalbi worra garagalche, Wonti harkaani mid'aasani Waaqaaniti jed'u.

Huji Ergattu 7:41

Duuba artuma worri korma worqi mid'aase, sorio baaseefi waan harki worraa mid'aase suni jila tolche.

2 Korintho 12:21

Insodaad'a, aka yo anini ammalle d'ufu, Waaqi kiyya fuula keesani durati na diqeesa, ammalle aka anini worra duri daba tolche, ammo hameenna suni ka aka daba algaloomatiifi ka d'araa hamtu ira indeebiini bohu.

Qaabacha Seera 31:29

Anini imbeekha, eegi anini due isani garagaltani, waan hamtu tolchitani, kara anini isani barsiisele iraa gortani. Ammalle eegi tana gaargali isaniti d'ufa, waan isani waan hamtu AABBO Waaqi jibbu tolchitani, isa dallansiiftanifi.

Qaabacha Seera 32:17

Waan waaqa intahini, jinni, sorio baasanifi waaqa worri duri imbeenne, hareesa kale d'ufe, ka ababooti worraa taka insodaatini.

Qaabacha Seera 4:28

Achiti isani waaqoota heddu harki namaa mid'aase, waaqa mukhatifi ka d'akha, ka wo arge yokhaani ind'ageenne ka wo nyaate yokhaani insuumne kad'attani hojattani.

1 Timotheo 4:1

Lubbuuni Waaqa akuma dansa himti, aka nami gari eegi tana d'ugefachu lakise; lubbu d'aratiifi barsiisa jinni gula yau.

Mudhii Yohaannisii 15:1

Jennaani anini akheekha waan mama d'ibi gubbati arge: malaika torba ta gaargala torba harkaa qabdu. Tunini gaargala eegeeti, tanaani dalansuuni Waaqa hobaati.

Mudhii Yohaannisii 16:8

Jennaani malaikaani afreeso qori ufi adu gubbati jissite, duuba ee jed'ani aka isiini owa guddaani nama gubdu.

Mudhii Yohaannisii 9:19

Jabeenni fardoole afaanifi eege isii keesa jira. Eegeeni worra aka bofa jirti, mata qabdi, eege tanaani nama lafaa balleesani.

Mudhii Yohaannisii 9:21

Ijeechafi falfalafi algaloomafi hanna tolchani, tokole iraa indeebine.