Mudhii Yohaannisii 6:11 - KITAABA WAAQA

¹¹ Nama ch'ufa woya adi kennaniifi, Diqo toko boqod'a jed'aniini, haga henni oboleyaani teesaniifi nama isani woliini hojatu, ka aka isani ijeesani sila ijeesani guutamuuti.

Mudhii Yohaannisii 6:11 ပူးပေါင်းရင်းမြစ်များ

Danieli 12:13

Danieli, atini akuma kanke kaani, haga muumme, kara d'uga keesati buli, Duuba eege indoota, ammo yo dootele gaafa muumme kaate galata kanke argatta.

Matayo 10:21

Oboleesi oboleesa ufi duati geesa; abbaani ilma ufi akasuma tolcha; ijoolleleeni abbootifi haad'a ufi akasuma tolchiti.

Luqaas 15:22

Ammo Abbaani waan hojattu ufitiini jed'e, Woya ta ch'ufa ira dansaatiini koota, isati uyisa, qube quba isati kaya, kopele miila isati naqa.

Yohana 16:2

Maneeni Waaqa iti kad'atani keesaa isani yaasani. Tana male, hojjaani ind'ufti ta nami isani ijeesu waan Waaqaa hojatu ufi sehu.

Huji Ergattu 20:24

Ammo anini jireenna kiyya inheregu, waan dansale insehu, aka anini deema tiyya gammadaani hobaase huji tiyya ta Aabbo Yesoni naa kenne, ta Odu Dansa ta eeba Waaqa d'ugeesu guutu.

2Tasaloonqe 1:7

gaargaltanile isanifi nule inqarqaara. Inni gaafa Aabbo Yesoni malaika isaa guddo woliini gubba mullatu waan kana tolcha,

2 Timotheo 4:7

Anini ya haga dandau utaale, dogoomsu tiyya la hobaafad'e, d'ugefacha ya jabeese.

Ebrania 11:40

waan Waaqi waan hagasi ira dansa nuu heregeefi. Heregi isaa kana, nu male worri inqit'au.

Ebrania 12:23

Isani la jila ilmaani angafa ta Waaqati d'uftani, ta maqa isaani gara Waaqa gubbati t'aafani. Isani la Waaqati d'uftani, ka dubbi nama ch'ufa qoru, lubbu worra d'uga ka qit'eele.

Ebrania 4:10

Wonti akanatiifi nami boqota Waaqi kennuufi argatu ch'ufti akuma Waaqi huji isaa iraa boqote boqota.

Mudhii Yohaannisii 10:6

maqa Waaqa ka haga hegeri jiruufi ka gubbafi waan keesa jira ch'ufa uume, lafafi waan keesa jira ch'ufaafi galaanafi waan keesa jira ch'ufale uumeeni kakhate. Malaikaani waan jette, ammaa achi wonti kunini iti deebite inturtu.

Mudhii Yohaannisii 13:15

Ammalle bineensa lameeso kaani ee jed'ani, aka akheekha bineensa qara kaani hafuura jireenna iti guuru, aka akheekhi kaani dubbate, nama isa inguddimne ch'ufa ijeesu.

Mudhii Yohaannisii 14:13

Jennaani anini qonqo gubba baate ta, Waan kana t'aafi, Ayyaana isaa nama armaa achi huji Aabbo keesati duu jettu d'agaye! Lubbuuni waan jettu, D'uguma akasi. Worri suni huji jabdu iraa boqota, waan hujiini worraa worra gula deemtuufi.

Mudhii Yohaannisii 17:6

Anini aka niitiini d'iiga worra Waaqatiifi ka worra Yeso d'ugefate ka fit'aniini machoofte arge. Isi arginaani anini guddo maadefad'e.

Mudhii Yohaannisii 7:14

Anini waan jed'eeni, Anini imbeekhu, siti beekha. Inni waan naani jed'e, Kunini worra nagayaani gaargala jala bahe. Worri woya miich'ate d'iiga Hoolatiini adefate.

Mudhii Yohaannisii 7:9

Eegi waan kana anini millad'e gumi namaa guddo arge nami tokoleeni dandae nama suni ch'ufa inhedu! Gumiini suni lafa ch'ufa, gosa ch'ufa, afaani ch'ufa keesa baate, barch'uma guddafi Ilme Hoola dura ejaanjate woya adaadi keyate, dame qoone harkati qabate.