Mudhii Yohaannisii 21:7 - KITAABA WAAQA

⁷ Nami dabsatu waan kana nara argata: Anati Waaqa isaa tahe, inni ilma kiyya taha.

Mudhii Yohaannisii 21:7 ပူးပေါင်းရင်းမြစ်များ

Uumama 17:8

Lafa amma atini iti keessuma tana anini sifi ilmaani teeti kenna. Lafti Kanaani ch'ufti ta ilmaani teeti taati haga jiru jireennale, anileeni Waaqa worraa taha.

2 Samueli 7:14

Anini abba isaa tahe innileeni ilma naa taha. Yoyu inni wo yake anini akuma abbaani ilma d'aanu isa d'aana.

Faaru 89:26

Inni waan nani jed'u, Atini abba kiyyafi Waaqa kiyya, siida kiyyafi qarqaarsa kiyya.

Mammaasa 3:35

Nami qarooni gurra dansa argata, ammo daalleeni ch'eeruma ufiti darti.

Isaya 65:9

Anini worra Israeli ka gosa Yuda daraarse, d'alooti worraleeni lafa tiyya ta gaareeni d'aala. Ammalle gumiini anini fohad'e, ta naa hojatu, achi teeti.

Zekaria 8:8

ilaborutiifi ila galchule woltiini d'ufe, Yerusalemu qubachiisa. Worri gumi tiyya tahe, anileeni Waaqa worraa, ka d'ugaafi qajeelumaani worra fidu, taha.

Matayo 19:29

Ammalle nami maneenifi oboleesafi oboleetifi, abbaafi haad'afi, ilmaaniifi oobru, maro tiyyaafi lakise, maro d'ibba toko deebisaniifi, jireenna hegerile argata.

Matayo 25:21

Abbaani waan jed'eeni, Aka d'iiraa tolchite, atini aka dansaa daldalte, tanaafi anini waan guddo harka keetiti kenna. Kooti, woliini gammanna.

Matayo 25:34

Duuba Hayyuuni waan hooliye harka mirgatiini jed'u, Abbaani kiyya ya isani eebise, koota, guddinna haga lafa uumani isani mid'aasani seena.

Mariko 10:17

Ato Yesoni kara gula deemu, namichi toko isati utaala d'ufe, jilbifate isa gaafate waan jed'eeni, Aabbo dansa, anini maani tolcha aka jireenna hegeri argad'u?

Roomaa 8:14

Worri Lubbu Waaqa gula yau ilmaani Waaqaati.

Roomaa 8:19

Uumami ch'ufti haga Waaqi ilmaani ufi mullisuuti abdi guddooni eega.

2 Korintho 6:16

Mani Waaqa, waan harkaani boch'ani ka worri Waaqa imbeenne kad'atuuni wolintaani? Nu Mana Waaqa jiruuti! Akuma Waaqi ufiini jed'e, Anini mana kiyya worra woliini jaarad'e worra woliini taa, anini Waaqa worraa tahe, worrileeni gumi tiyya taha.

2 Korintho 6:18

Anini abba keesani tahe, isani ilmaani tiyya ta d'iiratifi ta dubra taatani, Aabbo Guddaani akana jed'a.

Ebrania 8:10

Aabbo waan jed'u, wold'aqisi taka tana gosa Israeli woliini tolchu kana: Anini Seera kiyya qalbi worra keesa kaye, garaa worra keesati t'aafa. Anini Waaqa worra taha, worrileeni gumi tiyya taha.

1 Petro 3:9

Nama waan hamtu isani tolche waan hamtu intolchiina; nama isani abaare inabaariina, ammo eebisaafi; wonti akanatiifi Waaqi, gaafa isani yaame, Eeba isanii kenna jed'e.

Mudhii Yohaannisii 2:11

Nami gurra qabu, waan Lubbuuni gumiini jettu ha d'agayu! Nami dabsatu duisa lameesotiini ingaargalu.

Mudhii Yohaannisii 2:17

Nami gurra qabu waan Lubbuuni gumiini jettu ha d'agayu! Nama dabsatu anini sagale manna jed'ani ta d'ossani kennaafi. Ammalle ch'abbi adi ta maqa hareesa irati t'aafani, ka nama argatu male nami d'ibiini imbeenne kennaafi.

Mudhii Yohaannisii 2:25

Ammo waan harkaa qabdani suni jabeesa, haga anini d'ufuti.

Mudhii Yohaannisii 2:7

Nami gurra qabu, waan Lubbuuni gumiini jettu ha d'agayu! Nama dabsatu anini mid'aani mukha jireenna, ka oobru Waaqa keesati bahu, nyaachisa.

Mudhii Yohaannisii 21:3

Anini qonqo guddo toko ta gubba dubbatte akana jettu d'agaye: Amma mani Waaqa nama woliini jira! Inni worra woliini tae, worrileeni gumi isaa taha. Waaqileeni worra woliini taa, innileeni Waaqa worraa taha.

1 Samueli 2:8

Inni hiyyeeyi awara keesaa fuud'e, nama laafa woma inqamne fulla daara iti harani keesaa baasa. Inni worra suni worra gugurda woliini teesise barch'uma guddinna kennaafi, yayabi lafaa ka AABBO Waaqati, inni isii irati waan ch'ufa jaare.