Mudhii Yohaannisii 17:4 - KITAABA WAAQA

⁴ Niitiini woya diimtufi daalati uyifatte, miha worqitiifi d'akha mimid'aagafi dooqa naqatte. Mudunu worqi ta waan t'uri qaba qabduufi ta t'uri algalooma isii qabdu harkaa qabdi.

Mudhii Yohaannisii 17:4 ပူးပေါင်းရင်းမြစ်များ

1 Hayyoota 14:24

Waan suni ch'ufa ira hamtu nami d'iiratifi ka uwaleeni fulla waaqoota d'ara iti kad'atani suni huji sharmut'a hojatani, worri Yuda waan fafa hamtu, ka worri AABBO Waaqi duri worra Israeli duraa gusse tolfatu ch'ufa tolfate.

2 Hayyoota 21:2

Akuma gosa AABBO Waaqi duri worra duraa gusse ta waan hamtu taate isa durati ch'ubbu hamtu tolchite taani Manaseleeni AABBO Waaqa durati ch'ubbu tolche.

Kitaaba Izra'aa 9:11

ka atini afaani hojatu tante raagootaani nuu kennite, yayu ch'absine. Worri waan nuni jed'e, Lafti isani amma iti qubachuti jirtani tunini lafa t'uroofte badde, wonti akanatiifi worri keesa tau kunini yayu ch'ubbu ufitini t'ureese balleese.

Isaya 66:3

Nami woma fed'u taha. Wonti ch'ufti worraa waan tokotu, ato jibicha korma sorio baasani, yokhaani nama sorio baasanile; ato ilmaani hoola qalani, yokhaani sare morma ch'absanile; ato mid'aani Waaqaa baasani, yokhaani d'iiga booyye d'ibaayu baasanile; ato hit'aana aarsani, yokhaani waan harkaani boch'ani kad'atanile. Worri aada hamtu akana, ta waaqaani kad'atani tana, tolfate iraa gammada.

Yeremia 51:7

Babilonini muduunu worqi, ta harka kiyya keesa jirtu, ta lafa ch'ufa macheesitu. Gochiti ch'ufti daad'i isi d'udde maraati.

Boha 1:9

T'urini isi iti marate, ammo isiini waan iti deemtu iyyaalle. Isiini gaafa jidde aka hama lafa d'oofte; nami tokoleeni ka iraa hafi jed'eeni injiru. Nyaapi yayu isi dabsate, duuba isiini naasu AABBO Waaqaati booti.

Ezekieli 20:30

Amma tana waan worra Israelitini jettu, AABBO Waaqi guddaani waan jed'u: Isani maafi ch'ubbuma abbootini teesani tolchite tolchitani, waan hamtu worri kad'ate kaani kad'atani ufi t'ureesitani?

Ezekieli 24:11

Duuba okote sibiila diima kaani ibida ira d'aabi, ha diimate aka ch'ile ibida taatu, duuba akasiini okote suni dandiini iraa baate qulqulloofti,

Ezekieli 24:13

Ee Yerusalemu, hameenni kanke ya si t'ureese ato anini si qulqulleesu fed'ele, t'urini siraa imbaatu, Haga dallansuuni tiyya naraa galtuti, atini deebite qulqullo intaatu.

Ezekieli 28:13

Atini oobru Waaqa ta Edeni keesa qubatte, faaya ch'uch'uluqa gosa heddu naqate: d'akha diima, d'akha adi ch'ulkicha, d'akha baricha, d'akha doti, ch'abbi ch'ululut'u d'akha ch'ulkicha, d'akha bule ch'ulkicha aka dulo dooqa, d'akha doti, d'akha diima d'iiga. Atini ammalle faaya worqi inqabda faaya kana ch'ufa, gaafa si uumani, sii mid'aasani.

Ezekieli 36:25

Anini bisaani qullo isaniti fifit'e, akasiini waaqoota d'ara ka isani kad'atanifi waan hamtu isani ufiini t'ureesitani ch'ufa isani iraa qulqulleesa.

Danieli 11:38

Ammo waaqi inni guddisu waaqa maneeni jajabdu qorqoratu. Inni waaqa taka ababooti isaa inkad'atiini, worqifi qarsifi d'akhaye ch'uch'ulut'ufi waan dadansa d'ibile ch'ufa baasafi.

Hosea 9:10

AABBO Waaqi waan jed'u, Gaafa anini qara Israeli arge, worri mid'aani zabibu ka lafa aloo keesati bahu nati fakaate. Ammalle gaafa anini qara ababoota teesani arge, worri mid'aani oda ka qara bahe nati fakaate. Ammo worri Gaara Peoritiini bahe jennaani waaqa Baali jed'ani kad'ate jaalate aka isaa hammaate waan hamtu tolche.

Qaabacha Seera 29:17

Isani waan hamtu, ka worri mukhaafi d'akhaafi qarsiini boch'e mid'aase aka waaqa kad'atu, ya agartani.

Mudhii Yohaannisii 14:8

Malaikaani d'ibiini ta qara taani gula deemte, qonqo guddooni waan jette, Ya jige, ya jige, Diri Babiloni guddaani! Inni daad'i ufi gosa ch'ufa obaase macheese — daad'i hamtu ta d'araa isaa.

Mudhii Yohaannisii 18:12

worqifi qarsifi d'akha dadansafi dooqafi booftafi woya didiimtufi woya mid'aadufi shiida; mukha dadansafi miha gosa ch'ufa ka ilka arbatiifi ka mukha gati guddotiifi ka saldaqatiifi ka sibiilatiifi ka ch'abbi mid'aasaniini.

Mudhii Yohaannisii 18:16

Waan daba! Gaargala dira guddati! Duri woya booftatiifi diimtufi shiida uyifatte, fayya worqitiifi faya ch'uch'uluqa dooqa naqatte!

Mudhii Yohaannisii 19:2

Qorsumaani isaa ta d'ugatiifi ta qajeelaati! Inni ya sharmut'iti guddo ta hameenna ufitiini lafa balleesite wollaala iti mure. Waaqi ya maro isiini tissele isaa fit'eefi gaargalche jettu.

Mudhii Yohaannisii 21:21

Fullooni kud'ani lamaani dooqa kud'ani lamaati fullo ch'ufa dooqa tokooni mid'aasani karaani dira worqi ch'alla, guddo bibiliqa.

Mudhii Yohaannisii 9:21

Ijeechafi falfalafi algaloomafi hanna tolchani, tokole iraa indeebine.