Mudhii Yohaannisii 11:17 - KITAABA WAAQA

¹⁷ Waan jette, Aabbo Waaqa Gudda, ka ammafi durile jiru! Nu galata sii deebimna, waan atini jabeenna kanke agarsiifte finna lafa iti keyatteefi!

Mudhii Yohaannisii 11:17 ပူးပေါင်းရင်းမြစ်များ

Uumama 17:1

Ganni Abramu sagaltami sagali geennaani AABBO Waaqi isati mullate waan jed'eeni, Anini Waaqa Gudda. Na ch'aqasi, waan hamtu intolchini.

Faaru 21:13

Ee AABBO Waaqa, nu jabeenna kanke faarsina, ammalle sirbineti irre tantele faarsina.

Faaru 57:11

Ee Waaqa, jabeenna kanke gubbati garsiisi lafa iraleti guddinna kanke garsiisi.

Isaya 52:10

AABBO Waaqi irre ufi qulqullooni gumi ufi baasa, duuba waan suni lafti ch'ufti inargati.

Danieli 2:23

Anini si faarseti si guddisa, ee Waaqa ababoota tiyya; atini yayu qaroomafi jabeenna naa kennite kad'acha tiyyale d'ageete, waan nu hayyuti himnu nu garsiifte.

Danieli 6:10

Danielini aka seera suni beesisa ira kayani d'ageennaani kae gale. Dereshani mana isaa toko Yerusalemuti fuula deefata. Duuba inni akuma aada isaa kaani deresha suni bane, artiti jilbiifate, guyya keesa maro sadi Waaqa kad'ata.

Matayo 11:25

Hojja suni Yesoni waan jed'e, Anini galata sii deebisa, Ee Aabbo, Abba lafafi gubba, waan atini waan kana worra qalbi qabuufi worra wo barate d'ossite ijoolle didiqoti mullifteefi.

Luqaas 10:21

Hojuma suni inni gammada Lubbu Qulqullotiini waan jed'e, Galata si deebisa, Aabbo, Abba lafafi gubba, waan atini waan kana qarofi nama wo beekhu d'ossite ijoolle didiqo garsiifteefi. Ee, Aabbo, wonti akana kuni fed'i tanteti.

Yohana 11:41

Duuba d'akha suni iraa gangalchani. Yesoni olmillate waan jed'e, Aabbo, galata sii deebisa, waan atini na d'ageetuufi.

2 Korintho 2:14

Ammo galati Waaqa imbadiini! Yo nu Kristo keesa jirru, Waaqi hojja ch'ufa aka nama Kristoni boojie dabsachaani galchu nu yaasa. Aka urgaa qayyaa ka fulla ch'ufaa yaatu, Waaqi nama ch'ufati Kristo nuuni mullisa.

2 Korintho 9:15

Maro qarqaarsa gudda kanatifi galata Waaqaa deebisu malle.

1 Timotheo 1:12

Anini Kristo Aabbo keenna galata deebisa, ka jabeenna anini huji isaatiini hojad'u naa kenne. Anini waan inni na herege, aka anini huji isaa hojad'u na fohateefi, galata deebisaafi,

Mudhii Yohaannisii 1:4

Anini Yohanani gara gumi torba ta lafa Asia keesa jirtu waan kana t'aafa: Waaqi ka amma jiruufi ka durile jiru, ammalle ka hegerile jiruufi lubbu torbaani ta barch'uma isaa dura teteetufi

Mudhii Yohaannisii 1:8

Aabbo Waaqi guddaani waan jed'u, Anini Alfafi Omega, ka amma jiruufi ka durile jiru ammalle ka duranale jiru.

Mudhii Yohaannisii 11:15

Jennaani malaikaani torbeeso magalata ufi d'oofte, qonqooni guddooni gubbaa baate waan jette, Jabeenni lafaani fidani amma ka Aabbo keennatiifi ka Kristo isaati, inni haga hegeri fida.

Mudhii Yohaannisii 15:3

Sirba Musa hojattu Waaqatiifi sirba Ilme Hoola sirbu jirani: Aabbo, Waaqa Gudda, wonti atini tolchitu ch'ufti waan mamaati! Karaani kanke ka d'ugaati ammalle qajeela!

Mudhii Yohaannisii 16:14

Tunini lubbu jinni ta waan mama tolchitu. Lubbuuni tunini sadeeni gara hayyoota lafa ch'ufa yaati, aka hayyoota tana guyya jaba ka Waaqa Gudda had'iisafi wolti yaamtu.

Mudhii Yohaannisii 16:5

Anini malaika bisaani ta akana jettu d'agaye: Atini qorsuma tolchite tana keesati ka d'ugaati, Ee Qulqullo, ka ammafi durile jiru.

Mudhii Yohaannisii 16:7

Jennaani anini qonqo fulla waan sorio, irati qalani ta, Aabbo Waaqa gudda! Qorsumaani tante ta d'ugaati jettu d'agaye.

Mudhii Yohaannisii 18:8

Maro waan kanatifi gaargali isii ch'ufti guyya toko isii d'aa: D'ukubafi lalefachafi beeltileeni; ibidaani isi gubani. Wonti akanatiifi Aabbo Waaqi ka isi qoru guddo jaba.

Mudhii Yohaannisii 19:11

Jennaani anini gubba banamtefi farda adi arge. Nami isa yaabatu, maqaani isaa ka d'ugefataniifi d'uga; d'uga ch'allaani nama qore ammalle duula.

Mudhii Yohaannisii 19:6

Jennaani anini waan aka qonqo nama heddufi waan aka bisaani guddo gubbaa gadi jigatifi, waan aka qawe mandiisu d'agaye. Ammalle waan jed'ani, Waaqa faarsa! Wonti akanatiifi Aabbooni, Waaqi keenna Guddaani, Hayyu!