Mika 5:13 - KITAABA WAAQA

¹³ Anini akheekha isani kad'attanifi d'akha keesani ka woyyumale lafa teesani keesaa balleesa; isani deebitani gajettani waan harka keesaniini mid'aasitani inkad'atani.

Mika 5:13 ပူးပေါင်းရင်းမြစ်များ

Isaya 2:8

Lafti worraa worra waan harkaani boch'ani kad'atanini guutamte, worri waan harka ufiitini mid'aase yaamata.

Isaya 27:9

Ammo hojaani Israeli daba araaramani, hojja d'akha sorio waaqa d'araati irati baasani ch'ach'absani daara tolchani. Ammalle waan hit'aani irati aarsanifi akheekha waaqa Ashera jed'ani balleesani ch'alla.

Ezekieli 16:41

Worri maneeni tante ch'ufa gube nad'eeni heddu durati gaargala kanke mullisa. Anini huji sharmut'oma iraa si deebise, gaarayoota teetile hori baasu si d'owa.

Ezekieli 36:25

Anini bisaani qullo isaniti fifit'e, akasiini waaqoota d'ara ka isani kad'atanifi waan hamtu isani ufiini t'ureesitani ch'ufa isani iraa qulqulleesa.

Ezekieli 37:23

Worri deebie waaqoota harkaani boch'ani kad'ate waan hamtu tolche, akasiini ufi int'ureesu. Anini kara worri dabaani tolche nara goruni ch'ufa worra iraa gorse worra qulqulleesa. Duuba worri gumi tiyya tae, aninileeni Waaqa worraa taha.

Ezekieli 6:9

worri achuma taa. Achiti worri na qaabate aka anini worra gaargalche ch'eerse beekha; wonti akanatiifi worri na lakise Waaqoota d'ara gula bahe Waaqa suni nara jaalate. Ammalle worri maro ch'eera d'abe waan hamtu taheefi ufi jibba.

Hosea 10:2

Garaani worraa d'articha, tanaafi worri gati ch'ubbu suni argachu male. Waaqi waan worri sorio irati baasu ch'ach'abse d'akha worraa ka woyyu balleesa.

Hosea 14:3

Worri Ashuru dandae nu imbaasu, ammalle fardi lolaleeni dandae woma nuraa ind'owu. Nu iti deebine waan harka keennaani boch'ine waaqa jenne inkad'annu. Ee AABBO Waaqa, nami hiyyeeyiini naasu iraa argatu siuma.

Hosea 14:8

Worri Israeli amma tana waaqoota d'ara maani iraa qaba? Anini kad'acha worraa d'agayeefi worra qorqorad'e, aka mukha doti worra gaadiseesa. Hormaati worraa ch'ufti naraa d'ufa.

Nahumu 1:14

AABBO Waaqi waan worra Ashuru akana jed'e: Worri deebie ilmaani ind'alu, tanaafi maqaani worraa imbada. Anini waan worri harkaani boch'e mid'aasu, ka mana waaqoota worraa keesa jiru, ka worri kad'atu, imballeesa. Anini worra Ashuruti awaala qotuu jira — worri jiraachu himmalle!

Sefania 1:4

Anini nama Yerusalemu keesa taufi ka Yudale ch'ufa nyaapa iti tahe waan waaqa Baali jed'ani ka hafe ch'ufa balleese, maqa qaalole worra ta d'ara sunile deebiani inqaabatani.

Zekaria 13:2

Gaafasi anini maqa waan harkaani boch'ani kad'atani kaani lafa keesa balleesa, nami tokoleeni deebie inqaabatu. Anini ammalle nama raaga ufi tolchufi herega waan boch'ani kad'ataniini kad'atani lafa keesaa balleesa.

Mudhii Yohaannisii 9:20

Nami lafati hafe kaani, ka gaargali kunini inijeesiini, waan harka ufitiini mid'aafatani kaani iraa indeebine, jinniifi waan harkaani boch'ani ka worqifi qarsifi saldaqafi d'akhafi mukhaani mid'aasani, ka dandae lafa ingarre, ka woma indandeenne, ka dandae indeemne, kad'achu illakimne.

Jaallaboota 18:17

Worri dooyaa kaani shanani mana olduude, akheekha mukha ka boch'ani qarsiini mat'ansani kaanifi akheekha d'ibifi woni efodi jed'ani kaani fuud'ani itiini d'aabatani, ka qaallichi nama d'ibba jaa sunini fulla fulloo woliini jiru.