Mika 2:12 - KITAABA WAAQA

¹² Ammo anini, ee Yakobo, isani worra Israeli ka hafe wolti yaama. Anini aka ree moonati galchani wolti isani galcha. Yokhaani aka ree wolti baate d'eedu, nami deebie lafa teesani akuma duri kaani guuta.

Mika 2:12 ပူးပေါင်းရင်းမြစ်များ

Isaya 11:11

Gaafasi Aabbooni ammalle harka ufii d'eerefate, nama isaa ka lafa Ashurutifi Misiritiifi, Pathrositifi Kushitifi Elamutifi Babilonitifi Hamathitifi lafa d'aatu baariinitifi lafa bisaani baariini jiddu jirtu keesati hafe, galcha.

Isaya 27:12

Guyya suni AABBO Waaqi haguma galaana Fratiti iti keeyate seera lafa Misiriti d'aabe, gumi ufi toko tokooni wolti guura akuma dargaye d'aanani ch'idiini gargari baasani.

Isaya 34:6

Goraadeeni isaa d'iigaafi gabbinnaani ka d'iigaafi gabbinna ilmoole hoolaatifi elemiyeefi korbeeyyi ta sorio qalani fakaatuni ch'uubamti. AABBO Waaqi sorio tana dira Bosra keesati qale lafa Edomu keesaleti waan guddo qala.

Isaya 5:17

Dira bade ona tahe kaani keesa hooliyeeni marra d'eedde laleesileeni achi tikhata.

Yeremia 23:3

Anini gumi tiyya ta hafte lafa iti firfirse keesaa guure, lafa worra ta qaraa taaniti galcha. Achiti worri ilmaani heddu d'ale lafa ira dabra.

Yeremia 3:18

Israelifi Yudaani takaa taate, wolumaani lafa qara worra iti boojiani, ta mirgati d'ufani, lafa anini duri ababoota isaniti d'aala kenneti galani.

Ezekieli 34:11

AABBO Waaqi guddaani waan jed'u, Anumati hooliye tiyya barbaade qorqorata.

Ezekieli 34:13

Anini lafa gosa d'ibi keesaa worra baase, wolti deebise, lafa isaniti galcha. Anini gaareenifi madda Israeliti worraa deebise, marra dansa tissa.

Ezekieli 34:22

Ammo anini hooliye tiyya waan kana jalaa baase, aka ituma deebiani indabsine tolcha. Anini hooliye tiyya ch'ufa fohe dansaafi hamtu gargari baasa.

Ezekieli 34:31

Isani hooliye tiyya ta anini tissu, aninileeni Waaqa keesani. Nami dubbi tana jed'e ana, AABBO Waaqa gudda.

Ezekieli 36:37

AABBO Waaqi guddaani waan jed'u, Anini ammalle kad'acha worra Israeli d'agaye, waan worri fed'u ch'ufa guutaafi: Anini worra daraarse deebanse aka hoola ree lafa ira dabarsa.

Ezekieli 37:21

Waan jettuuni, wonti AABBO Waaqi guddaani jed'u tana. Anini nama kiyya ka gosa d'ibi keesa jiru keesaa fuud'e wolti deebise lafa isaaniti galcha.

Hosea 1:11

Gosa Yudatifi ta Israeli wolti deebisani takaa tolchani. Worri nama toko ka mata worraa tahe worraani deemu fohata, duuba worri ammalle hore daraara. D'uguma guyyaani Yezreeli guyya jaba taha.

Amosi 1:12

Tanaafi anini amma ibida naabo dira Temani keesa buuse, ibida suniini maneeni jajabdu ta dira Bosra guba.

Mika 2:13

Waaqi kara worraa bane lafa worra iti boojiani suni keesaa baasa. Worrileeni balbala fullo dira suni ch'abse baqata, ammalle hayyuuni worraani deemu AABBO Waaqa.

Mika 4:8

Atileeni Yerusalemu, fulla Waaqi aka tissitu gumi ufii tissu, deebite dira gudda taate, guddinnileeni kanke taha.

Mika 5:7

Worri Israeli ka hafe fit'eesa AABBO Waaqi gosa hedduti ergu yokhaani ebele mid'aaniti roobdu fakaata. Ammalle worri suni Waaqa male nama inheregatu.

Mika 5:8

Ammalle worri gosa taani keesati hafe nyeench'a sagale raasa keesa yokhaani fulla reeni ooltu keesa barbaadu fakaata: inni ree keesa seene iti ch'ee qabe nyaate fit'a — nami tokoleeni ka dandae iraa baasu injiru.

Mika 7:14

Ee AABBO Waaqa, gumi tante ta atini fohatte, ule tanteetiini tissi. Ato worri lafa aloo koba keesa taele, lafa gabboti d'aatu worraa jira. Worri ha godaane lafa gabbo Bashanitifi Gileadi, ta worri duri keesa tauti deebie achiti nyaate d'uguuti.

Mika 7:18

Waaqi aka keeti injira? Ee AABBO Waaqa, atini ch'ubbu namaa araaramte wollaala gumi teeti ta hafte biraa deemtaafi. Atini haga jiru jireenna indallantu, ammo atini jaalala tante ta ind'umanne nu garsiisu feeta.

Sefania 3:20

Hojja guyyaani sunini d'ufu, anini nama keesani ka boojiani galche, lafa ch'ufa keesa maqa dansa isanii kenne, ammalle hormaata isanii deebisa. Nami dubbi tana jed'e AABBO Waaqa.