Mika 2:10 - KITAABA WAAQA

¹⁰ Kaa yaa, fullaani tunini nagaya isanii inqabdu, ch'ubbuuni teesani ya fulla tana yakite t'ureesite.

Mika 2:10 ပူးပေါင်းရင်းမြစ်များ

1 Hayyoota 9:7

anini gumi tiyya ta Israeli lafa duri worraa kenne keesaa balleese, Mana iti na kad'atani ka anini eebise kana lakise biraa deema. Ammalle fulla ch'ufati Israeli goyeesani tufatani.

2 Hayyoota 15:29

Gaafa Pekani lafa Israeli mohate, Tiglath-Pilesarini, hayyuuni Ashuru, dira Iyoni fa, ka Abel-Bethi Maakafa, Yanoafa, Kedeshifa, Hazurifa ammalle lafa Gileaditifi ta Galilayatifi ta Naftalile had'e dabsate, worra lafa suni ch'ufa boojie, lafa Ashuruti galche.

2 Hayyoota 17:6

ka ammalle haga Hosheani lafa mohate ganna sagali, hayyuuni Ashuru dira Samaria dabsate, worra Israeli boojie, lafa Ashuru geese, ka gari dira Hala geese, ka gari d'aatu galaana Habori, ka lafa Gozani, geese, ka gari dira worra Medi geese achiti qubsise.

2 Odu duri 7:20

anini lafa duri isanii kenne keesaa isani balleese, Mana iti na kad'atani, ka anini eebise kana, lakise biraa deema. Ammalle fulla ch'ufati mana kana goyeesani tufatani.

Faaru 106:38

Akanaani worri ijoolle woma iyyakini hobaase, laftileeni worra harka d'iiga sunini t'uroofte.

Faaru 95:11

Tanaafi anini dallane, kakhad'e waan jed'eeni, worri kunini boqota anini worraa kurfeese haguma jiru inargatu.

Yeremia 10:18

AABBO Waaqi lafa tana keesaa isani balleesu fed'a; inni isani ch'ach'arase hafto isani d'owa. Nami dubbi tana jed'e ana, AABBO Waaqa.

Yeremia 3:2

Fiit'e gaareeni laala. Fullaani isani aka sharmut'a iti intahini injirti? Isani d'aatu kara teetani, jaallowaani teesani eeddani, akuma Araftini lafa gamooji keesati nama ijeeftu eegatu. Isani lafa yayu Sharmut'oma keesanini t'ureesitani.

Yeremia 9:19

Qonqo nama Sioni keesa bohu ch'aqasa, ta teete nu ya banne! Ya guddo nu ch'eersani! Nu lafa teenna keesa godaanu male, maneeni teenna ya ch'ach'absani jettu.

Ezekieli 36:17

Namicha, gaafa worri Israeli lafa ufi keesa tau kaani, worri woma taheeni lafa ufi t'ureese. Anini ammalle worra suni jibbe, worri niiti aada uwa qabdu, ta qulqullo intahini nati fakaate.

Ezekieli 36:19

Anini finna worra kana jibbe lafa gosa d'ibi keesati worra firfirse.

Qaabacha Seera 12:9

wonti akanatiifi isani qara lafa AABBO Waaqi keesani isanii kennu ta isani nagayaani keesa teetani, ingeenne.

Qaabacha Seera 30:18

anini arra isaniti hima, isani imbaddani. Ammalle isani lafa galaana Yordanitini gama, ta isaani fud'attani iti qubachu geettani, keesati inturtani.

Qaabacha Seera 4:26

Lafafi gubbaleeni arra d'uga tiyya aka, hojja isani na d'ugefachu diddani, lafa ira hobaatani. Lafa Yordanini gama, ta isani diquma iti inqubatini taanile guddo keesa inteetani keesa isani balleesani.