Matayo 7:25 - KITAABA WAAQA

²⁵ Bokeeni roobe, guddo lolaase, bubbeeni bubbifte mana suni d'oofte. Ammo mani jigu dide, maro yayabi d'akha gubba jiruufi.

Matayo 7:25 ပူးပေါင်းရင်းမြစ်များ

Mammaasa 10:25

Bubbeeni jabduuni ch'ubbicha fuute badiini, ammo nami d'ugaa haga jiru jireenna inchochou.

Malaki 3:3

Inni aka nama qarsi basse qulqulleesu tahe, ilmaani Lawi aka worqifi qarsi basse qulqulleesa, haga isiini waan AABBO Waaqaa baasu malani baaftuti.

Matayo 16:18

Anini siti hima: Maqaani ke Petro yokhaani d'akha, d'akha kana gubbati anini gumi tiyya ijaara. Dooti dandeete jabeenna isii indabsattu.

Matayo 7:24

Duuba, nami dubbi tiyya tana d'agaye guutu nama qalbi qabu fakaata, ka d'akha gubbati mana ijaare.

Matayo 7:26

Nami dubbi tiyya tana d'agaye inguunne nama daalle ka mana maansa irati ijaare fakaata.

Matayo 7:27

Bokeeni roobe, guddo lolaase, bubbeeni bubbifte mana kaani d'oofte, mani jige. Jigisi mana suni waan gudda!

Huji Ergattu 14:22

garaa worra d'ugefate jabeese aka d'ugefacha keesa taani gorse waan jed'e, Nu gaargala guddaani Finna Waaqa argachu malle.

Efessoon 3:17

aka Kristoni, garaa keesani keesati qubatu, maro d'ugefachatiifi. Anini inkad'ad'a, aka hiddafi yayabi keesani jaalala keesa tau,

Kolosai 2:7

Hidda keesani isa keesati baasa, jireenna keesani isa gubbati jaarad'a, d'ugefacha teesani keesati jabaad'a, akuma duri isani barsiisani. Hojja ch'ufa galata deebisa.

Yakobo 1:12

Ayyaana nama gaargala obsuuti; eegi ilaalacha dabsate, eebafi jireenna argata, ta Waaqi nama isa jaalatu d'aamate.

1 Petro 1:5

Isiini teesani, worra maro d'ugefachatiifi jabeenni Waaqa qorqoratu, ato isani baafama amma kurfeesani guyya muumme mullisani eegattanu.

1 Petro 1:7

Wonti kunini aka d'ugefachaani teesani ta d'uga garsiifti. Worqi d'umattule bassani ibidaani laalatani; ammo d'ugefacha teesani, ta worqi ira wo baatu, laalachu malani, aka isiini haga hegeri teetu. Yoosi Guyya Yeso Kristoni mullatu saaduufi guddinnaafi ulfinna argattani.

1 Yohona 2:19

Worri kunini qarale gumi teennaaniti, tanaafi nu biraa yaa; yo sila gumi teenna keesa jiraatani, nu woliini taani. Ammo wonti worri nu biraa yaeefi aka tokoleeni gumi teenna intahiini agarsiifti.