8 Ayyaana worra garaa qulqullo qabu: Waaqa inargani!
Yakobooni fulla suni Penieli maqa baase waan jed'e, Ya Waaqaani fuula keesa wolargine iraa hafe.
Nama qulqullo atini iti qulqullo, ammo nama hama nyaapa iti taata.
Nama wollaala inqamne, ka waan qajeeltu ch'alla tolchu, ka dubbi d'uga ch'alla dubbatu,
Nama garaa qulqullo, ka harki isaa woi iyyakine, ka waan harkaani boch'ani inkad'anne, yokhaani ka waan d'araatiini inkakhanne.
Ee Waaqa, garaa qulqullo naa kenni, lubbu hareeti sira gara ingalle na keesa kai.
Atini d'ugaafi qajeeluma nama ira feeta, taanafi qarooma kanke naa kenni, qalbi tiyya keesa kai.
Waaqi guddo worra Israeliti dansa, worra garaani isaa qulqullo.
Nama garaani isaa qulqullo, ka dubbi dansa dubbatuti, hayyuu jaala taa.
Ammalle nufi worra gargari inherenne, ammo maro d'ugefacha worraatiifi garaa worra qulqulleese.
Wonti nu amma agarru kunini fakeenna dawiti keesaa ka aka dansa imullanne fakaatti; ammo gaafasi aka dansa wolagarra. Wonti anini amma tana beekhu qit'eniti; ammo gaafasi qit'oofti, akuma Waaqi naani beekhu qit'oofti.
Kakhu tana ch'ufa nuu khakhatani, jaalaani tiyya! Tanaafi waan nafafi lubbu t'ureesa laganna, qulqulloomne soda Waaqaa keesa tau malle.
Nama qulqulloti wonti ch'ufti qulqullo; ammo worra t'uri, ka ind'ugefanne, wonti tokoleeni iti qulqulloniti, maro qalbifi heregi worraa t'uri qabuufi.
Koota yoosi, Waaqati d'iaanna, garaa d'ugatiifi ka d'ugefachatiini, garaa herega hameenna ira qulqulleesaniifi nafa bisaani qullooni d'iqaniini.
Jabaad'a, aka nama ch'ufa nagayaani woliini teetani, jireenna qulqullo barbaaddani; wonti akanatiifi nami tokoleeni, qulqullooma male, Aabbo inargu.
Waan wonti kunini d'uga taateefi, d'iigi Yeso hagasi ira wo baha? Lubbu hegeritiini inni aka sorio d'uga Waaqaa ufi baase. D'iigi isaa herega keenna huji hamtu ira qulqulleesa, aka nu Waaqa jiru hojannu.
Ammo qalbiini gubba gadi d'uftu qara qulqullo, ammalle ta nagaya, ta laana, ta nama ch'aqaftu, ta naasufi mid'aani dansa qabdu, ta tuffifi kiyyiba inqamne.
Waaqati d'iaad'a, innileeni isaniti d'iaata. Harka keesani diqad'a, worra daba! Garaa keesani diqad'a, kiyyibdoole!
Eegi isani amma d'uga guuttani, suniini ufi qulqulleesitani, ammalle oboleyaani teesani aka dansa jaalattani, garaa keesani ch'ufaani aka dansa woli jaalad'a.
Worri fuula isaa arge, ammalle maqa isaa adda isaani gubbati t'aafatani.
