4 Ayyaana worra lalefatu: Waaqi garaa worra jabeesa!
Guyyaani ind'ufa, ka nami sirbe akana jed'u: Ee AABBO Waaqa, anini si faarsa! Atini qara ya nati dallante, ammo amma dallansuuni tante ya siraa galte, atini garaa na jabeesita.
AABBO Waaqi dua haga jiru jireenna balleese, nama ch'ufa imimaani ira haaqe, ch'eera lafa ch'ufa keesati gumi isaa qabate iraa fuud'a. Dubbi tana AABBO Waaqati jed'e!
Isani, worri Yerusalemu keesa tau, deebitani imbootani. AABBO Waaqi naaso. Hojja qarqaarsa isa kad'atani inni isani qarqaara.
Worri Waaqi baase sunini sirbe gammade Yerusalemuti gala. Worri haga jiru jireenna gammada, laalefachaafi booti worra biraa baqatti.
Anini waan worri tahe ya arge, ammo inuma fayyisa. Anini worra dura deeme qarqaare nama bohule garaa jabeesa.
Yerusalemu woliini gammada; isii jed'a, gammada, isani nami isii jaalatu ch'ufti! Ammatana woliini gammada isani worri qara isii bohe ch'ufti! Akuma daimi haad'a ufi hod'e quufu,
Nami lafafi gubba uume anumaniti? Nami anini iraa gammadu, nama ufi diqeese ch'ubbu lakise, na sodaate naa saalfatu.
Hagiini aka sabaliisa bale keesaa rifatu rifate gaareeniti baqata. Nami ch'ufti ch'ubbu ufitifi laalefate boha.
Beeni, dira Yerusalemu kana ch'ufa keesa deemi, nama waan hamtu dira kana keesati tolchani ch'ufaa jed'e laalefate bohu, adda isaani beesisa ira kayi.
Anini ilmaani Dauditifi worra Yerusalemu kaani d'ibi herega naasutiifi ka kad'achatiini guuta. Duuba namicha woraanaani ijeesani kaani laalani, akuma nama ilma tokocha bohu bohaniifi. Aka worri ilmi angafa iraa due bohu, garaa hamaatani bohaniifi.
Ammo Abrahamuuni waan jed'eeni, Gurba, qaabad'u, atini jireenna kanke keesati waan dansa argatte, Lazaroni waan hamtu argate; amma isa armati qorqoratani ammo atini gaargalu jirta.
Ayyaana keesani ka amma beela qabu: isani qufsani! Ayyaana keesani ka amma bootani: eegi tana inuma kofaltani.
Gaargala keesani ka amma quuftani: eegi tana imbeeloftani. Gaargala keesani ka amma kofaltani: eegi tana laalefattani bootani.
Isiini duuba fulla miila isaa ejatte boote imimaani miila isaa irati ch'och'obsite, rifeensa mata ufitiini haat'e, miila d'ungate, d'ad'a suni dibde.
Inni waan niiti taaniini jed'e, D'ugefachaani tante la si baafte; beeni, nagayaani gali.
Ayyaana nama gaargala obsuuti; eegi ilaalacha dabsate, eebafi jireenna argata, ta Waaqi nama isa jaalatu d'aamate.
Inni imimaani ch'ufa ila worraa iraa haaqa. Iti deebie nami induu, lalefachafi boafi d'ukubsachaani injirtu. Wonti duri ya badde.
