Matayo 22:4 - KITAABA WAAQA

⁴ Tanaafi hayyuuni kaani tissele d'ibi erge waan jed'eeni, Amma mirgoolefi jiboota tiyya yayu qalani, wonti ch'ufti ya kurfoofte, keessumaani jila fuud'a, Koota jed'aani.

Matayo 22:4 ပူးပေါင်းရင်းမြစ်များ

Nehemia 9:17

Worri waan atini tolchiteefi ch'ufa ded'e, Seera kanke guutu dide, waan mama ka atini tolchite ch'ufa wollaale. Ammalle, kiyyibe nama gudda ka tissooma lafa Misiriti worra deebisu tolfate; ammo atini Waaqa namaa araaramu, ka eebaafi naasu qabu, ka hure indallanne. Jaalalti tante guddo, tanaafi atini worra illakisini.

Faaru 86:5

Atini nuu dansa, ch'ubbule nu araaramta. Ammalle nama si kad'atu ch'ufa jaalala tante ta ind'umanne garsiifta.

Mammaasa 15:17

Fulla nami woljibbu fooni dansa woliini nyaatu, nama woljaalatu ka raafu woliini nyaatuti ira jira.

Faaru solomoni 5:1

Anini ya oobru tiyya seene, niiti tiyya bad'aaso. Anini qumbifi qayya kiyya wolti guure dammafi jiisa kinisale nyaad'e, daad'ifi aanani kiyyale d'ugu jira. Nyaad'a d'uga, worra woljaalatu, haga isani jaalalaani machooftaniti.

Matayo 21:36

Ammalle abbaani oobru kaani tissele d'ibi erge, ta haga qara ira jirtu, ammalle jari oobru qorqoratu kaani akasuma worra tolche.

Matayo 22:5

Ammo keessumaani ch'ufti jalaa didde; toko oobru ufi d'aqe, tokoleeni daldala ufi d'aqe;

Matayo 22:8

Jennaani tissele ufi gadi yaame waan jed'eeni, Jilti tiyya kurfo jirti, ammo worri anini yaame jilaa himmalle.

Luqaas 14:17

Eegi sagaleeni kurfo taate, inni garbicha ufi erge aka d'aqe keessuma yaame, Koota, wonti ch'ufti amma kurfo jirti jed'uuni.

Huji Ergattu 1:8

Ammo eegi Lubbuuni Qulqullooni isani ira buute jabeenna argattani, Yerusalemufi Yudeafi Samaria keesafi haga muumme lafale ch'ufa na d'ugeesitani.

Huji Ergattu 13:46

Jennaani Paulofi Barnabani garaa jabaatani waan jed'ani, Dubbi Waaqa qara isaniti hasau malani. Ammo maro isani diddani jireenna hegeri ka isanii male argachu dad'abdanifi nu gara gosa d'ibii d'anna.

Roomaa 8:32

Inni Ilma ufile nu ind'owanne, ammo nu ch'ufaa baase! Inni ka Ilma ufi nuu kenne, waan nu feenu ch'ufa tolaani nuu inkennu?