Matayo 17:5 - KITAABA WAAQA

⁵ Ato inni dubbatu, dumansi adiini toko worrati golle, qonqooni dumansa keesa waan jette, Kunini Ilma kiyya ka anini jaalad'u, ka na gammachiisu, dubbi isaa ch'aqasa jette.

Matayo 17:5 ပူးပေါင်းရင်းမြစ်များ

Aayubu 38:1

Jennaani AABBO Waaqi bubbe keesa Ayubuni dubbate waan jed'e,

Faaru 81:7

Isani gaafa gaargala qabdani na yaamatani, jennaani anini d'ufe isani baase. Anini fulla mandisu, ta iti d'okhad'u keesa, isani jala owaad'e madda Meribati isani ilaalad'e.

Bahisa 19:19

Ammalle akuma qonqooni magalata guddattuuni, Musani dubbate, Waaqi mandisuuni jalaa qabe.

Isaya 42:1

AABBO Waaqi waan jed'u, Hojattuuni kiyya ka anini jabeesu kuno kana, inni nama ani fohad'e, isumati na gammachiisa. Anini ya lubbu tiyyaani isa guute tanaafi gochiti ch'ufti maqa isaatini d'uga argatti.

Isaya 42:21

AABBOONI Waaqa guddo nama baasu fed'u, tanaafi inni seerafi barsiisa isaa guddise, aka gumiini isaa beetu fed'e.

Matayo 12:18

Hojattuuni tiyya ka anini fohad'e kana, ka ani jaalad'u, ka guddo na gammachiisu. Anini Lubbu tiyya isati erga, inni qorsuma tiyya gosa ch'ufati odeesa.

Matayo 17:6

Jari isaa qonqo tana d'ageennaani guddo sodaate fuula lafati deefate jige.

Matayo 3:17

Qonqooni gubba baate waan jette, Kunini Ilma kiyya ka anini jaalad'u, inni guddo na gammachiisa.

Mariko 1:11

Qonqooni gubba baate waan jette, Atini Ilma kiyya tokocha, ka guddo na gammachiisu.

Mariko 9:7

Dumansi d'ufe, worrati gaadiseese, qonqooni dumansa suni keesaa baate waan jette, Kunini Ilma kiyya tokocha, isa ch'aqasa.

Luqaas 3:22

Lubbuuni Qulqullooni ta bifa sabaliisa qabdu isa ira buute, qonqooni gubba d'ufte waan jette, Atini Ilma kiyya, ka anini jaalad'u, guddo na gammachiifta.

Yohana 3:16

Wonti akanatiifi Waaqi guddo lafa jaalate, tanaafi Ilma ufi tokocha namaa kenne, aka nami isa d'ugefatu tokoleeni imbanne, ammo jireenna hegeri argatu.

Yohana 3:35

Abbaani Ilma jaalate waan ch'ufa harka isati kenne.

Yohana 5:37

Abbaani na erge naa d'ugeesa. Isani qonqo isaa taka ind'ageenne yokhaani bifa isaa taka inagarre;

Huji Ergattu 1:9

Eegi inni dubbi tana dubbate, ato worri ilaalu, inni gubbati oldeebie, dumansi isaani dura isa d'osse.

Huji Ergattu 7:37

Namichi gumi Israelitiini, Waaqi isanuma keesa raaga aka kiyya isanii erga jed'e Musa.

Efessoon 1:6

Koota, Waaqa galata deebimna, maro eeba isaatiifi, waan inni Ilma isaa ka inni jaalatu keesa nu eebiseefi.

Qaabacha Seera 18:15

Fulla suni, inni raaga aka kiyya kana isanuma keesaa isanii, baasa; isaa ch'aqasu maltani.

Qaabacha Seera 18:19

Inni maqa kiyyaani dubbata, aninileeni nama isa ch'aqasu didu dubbi iraa qaba.

Qaabacha Seera 5:22

Tunini seera AABBO Waaqi gaafa isani fulla gaarati wolti baatani isanii kenne. Gaafa inni qonqo jabduuni ibidaafi, dumansa guddafi dukana guddo keesa isaniini dubbate, inni seera kana isanii kenne kad'ibiniti. Duuba inni seera kana d'akha hahafalicha lamaani irati t'aafe nati kenne.

Kolosai 1:13

Inni ya jabeenna dukana keesaa nu baase, nagayaani finna Ilma isaatiini nu gahe.

Ebrania 5:9

Inni qit'oomnaani, abba baafama hegeri ka nama isa saalfatu ch'ufaa tahe,

Mudhii Yohaannisii 1:7

Me ilaali, inni dumansa keesa d'ufuu jira! Nami ch'ufti isa arga, jari duri isa woraaneleeni. Gochiti lafa ch'ufa maro isaatiifi booti. Ha akasuma taatu! Amini.

Mudhii Yohaannisii 14:14

Anini millannaani, dumansa adi, ka nami Ilma Nama fakaatu gubba tau arge. Inni sure worqi mataa qaba ammalle haamtu qara qabdu harkaa qaba.