Malaki 1:14 - KITAABA WAAQA

¹⁴ Dabdichi ka hori dansa sorio suni male ree ufii keesa qabu, ka hori sorio himmalle naa baase, ha abaaramu. Wonti akanatiifi anini hayyu gudda, ka lafafi nami ch'ufti d'eetu.

Malaki 1:14 ပူးပေါင်းရင်းမြစ်များ

Uumama 27:12

Hegeri aabbooni na qabate, aka anini isa sobe beekate, fulla eeba anini abaarsa ufitiini d'ufa.

2 Samueli 24:24

Ammo hayyichi waan jed'eeni, Laki, anini hori sii baasa; anini sorio woma iti imbaasini AABBO Waaqa kiyya baasu infed'u, duuba hayyichi oobdifi sangoota taani qarsi shantamatini iraa bite.

Faaru 102:16

Hojja AABBO Waaqi dira Sioni ka qara bade jaaru, inni guddinna ufii nama garsiisa.

Faaru 47:2

AABBO Waaqi guddaani ka sodaachu malani; inni hayyu gudda, ka lafa ch'ufa fidu.

Faaru 47:3

Inni gosa ch'ufa nu dabsachiise, gosa ch'ufa nu mohachise.

Faaru 47:8

Waaqi barch'uma ufii qulqullo ira tae gosa ch'ufa fida.

Faaru 48:2

Gaari Waaqaa Sionini d'eera mid'aaga. Dira hayyu guddaa suniti lafa ch'ufa gammadaani iti d'ufa.

Faaru 68:35

Waaqi Israeli ka mana isaa qulqulloo d'ufu, akami nama sodaachisa! Inni jabeennaafi irre gumi isaati kenna, Waaqa ha faarsani!

Faaru 76:12

ilmaani hayyoota ta ufi gugudiftule, diqeese, hayyoota gugurdole mudamsise.

Faaru 95:3

Wonti akanatiifi AABBO Waaqi Waaqa gudda, inni hayyu gudda, ka waaqa d'ibi ch'ufa ira jiru.

Isaya 57:15

Anini Waaqa gudda, qulqullo, haga jirule tau. Anini gubba fulla qulqullo taa, ammo nama ch'ubbu iraa deebie ufi diqeesule woliini taa, aka akasiini garaa worraa jabeese abdi kennuufi.

Yeremia 10:10

Ammo AABBO Waaqa, atini Waaqa d'ugaa, atini Waaqa jirufi hayyu haga jiru jireenna jiru. Hojja atini dallantu, lafti inchochooti, gochitileeni dallansu tante dandeete inoobsitu,

Yeremia 46:18

Anini, AABBO Waaqi guddaani, hayyu, Waaqa jiru. Akuma gaari Tabori, gaareeni ch'ufa iraa d'eerate, gaari Karmeli galaana ch'ufa iraani mullatu, akasuma nami isani had'u nama irre qabu taha.

Yeremia 48:10

(Nama huji AABBO Waaqa garaa tokooni inhojanne abaara! Nama goraadeeni isaa woma inijeemnele abaara!)

Yeremia 48:15

Moabufi dira isii ya balleesani, kaima isii dadansa ch'ufa ya qaqalani. Nami dubbi tana jed'e ana, hayyicha, AABBO Waaqa gudda.

Danieli 4:37

Amma anini, Nebukadrezani, hayyu gubbaa faarse ulfeese guddisa, hujiifi karaani isaleeni ch'ufti ka d'ugaati. Inni nama ufi guddisu ch'ufa dandae kiyyiba iraa kuta.

Danieli 9:4

AABBO Waaqa kiyyati bohe, ch'ubbu gumi tiyya iti hime waan jed'e, Waaqa gudda, atini gudda, nuleeni si guddimna, atini wold'aqisa kanke jabeesite, nama si jaalate dubbi tante guutule hojja ch'ufa jaalata.

Sefania 2:11

AABBO Waaqi worra sodaachiise, waaqoota worrale waan woma keesa injirre tolcha. Duuba gochiti ch'ufti lafa ufi keesati isa durati gajette kad'ati.

Zekaria 14:9

Duuba AABBO Waaqi hayyu lafa ch'ufaa tahe, nami ch'ufti aka Waaqa isa guddise maqa isaa ka AABBOTIINI isa beekha.

Malaki 1:11

Maqaani kiyya, gosa ch'ufa durati, ka haga muumme lafa tana eje taaniti eju, inguddata. Ammalle fulla ch'ufa maqa kiyyafi hit'aana aarsani sorio qulqullo baasani. Wonti akanatiifi maqaani kiyya gosa ch'ufa durati gudda.

Malaki 1:8

Yo isani hori ballaafi naafa, yokhaani ka fayya inqamne, sorio naa d'uftaniini, isani waan suni dansaa seetani? Yo isani hori akasi gudda lafa teesaniti kennitani, inni ingammada? Yokhaani inni waan isani feetani isanii intolcha?

Malaki 2:1

AABBO Waaqi Guddaani waan jed'u, Ee qaalole, seeri kunini keesani.

Malaki 3:9

Isani ch'ufti waan na sobdaniifi abaarsa qabdani.

Matayo 24:51

Abbaani kaani gargari isa ch'ich'ire jara kikiyyibani wolti dara. Achiti bohe ilkaani qara.

Matayo 5:35

yokhaani lafaleeni; isiini fulla Waaqi miila keyatu; yokhaani Yerusalemuleeni, isiini dira Hayyu Guddaati.

Mariko 14:8

Isiini waan dandeetu naa tolchite, nafa kiyya d'ad'a dibde, awaala kurfeesite.

Luqaas 12:46

abbaani hojattu suni guyya inni insehannefi hojja inni imbeenne d'ufe aka male isa d'aane, aka jara d'ugefacha inqamne tolcha.

2 Korintho 8:12

Yo isani guddo wo kennu feetani, Waaqi waan isani qabdani ka isani baaftani fud'ata, waan isani inqamne imbarbaadu.

Qaabacha Seera 28:58

Yo isani dubbi seera, ta kitaaba kana keesati t'aafani, jabeesitani guutu diddani, ammalle maqa jaba ka AABBO Waaqa keesani ka guddisani ulfeesani sodaachu diddani,

1 Timotheo 6:15

Yo hojjaani geete, Waaqi eeba, ka inni ch'allaani nama fidu, Hayyuuni Hayyoota ch'ufa, Abbaani Abbooti ch'ufati isa mullisa.

Ebrania 12:29

wonti akanatiifi Waaqi keenna ibida wo balleesu.

Mudhii Yohaannisii 15:4

Eennuti sii insodaanne Aabbo? Eennuti maqa kanke inguddimne? Si ch'allati qulqullo. Gochiti ch'ufti d'ufteti si guddiftu. Maro huji tante ta d'uga, ta nami ch'ufti arguutiifi.

Mudhii Yohaannisii 21:8

Ammo nama daafanafi kiyyibafi hamafi nama nama ijeesufi algalaafi ka murma baafatufi ka waan harkaani boch'ani guddisuufi ka nama sobu, fullaani worraa galaana ibidaati, ka duisa lameeso.