Malaki 1:13 - KITAABA WAAQA

¹³ Isani na tufattani, Wonti kunini ch'ufti ya nu dad'absiifte jettani. Isani hori hatanifa, naafafa, yokhaani ka fayya inqamnefa, sorio naa baaftani. Isani duuba waan anini hori akana harka keesani ira fud'ad'u seetani?

Malaki 1:13 ပူးပေါင်းရင်းမြစ်များ

2 Samueli 24:24

Ammo hayyichi waan jed'eeni, Laki, anini hori sii baasa; anini sorio woma iti imbaasini AABBO Waaqa kiyya baasu infed'u, duuba hayyichi oobdifi sangoota taani qarsi shantamatini iraa bite.

Isaya 1:12

Eenuti waan kana ch'ufa hojja kad'acha na dura d'uftani, kootani isaniini jed'e? Eenuti, koota Mana kiyya keesa yaa isaniini jed'e?

Isaya 57:6

Isani d'akha qulqullicha achi fuutani, old'ad'aabdani, waaqa jettani kad'attani. Ammalle daad'i iti d'ibaafattani, mid'aani kennitaniifi. Isani waan anini waan kana ch'ufa iraa gammadu seetani?

Isaya 61:8

AABBO Waaqi waan jed'u, Anini d'uga jaalad'e dabaafi ch'ubbu jibba. Anini d'uga gula gumi tiyyaa woi kenne wold'aqisa jiru jireenna worra woliini tolfad'a.

Ezekieli 4:14

Ammo anini waan jed'eeni, ee AABBO Waaqa gudda, akasi intau, anini takaa ufi int'ureesine, haguma d'alad'ele takaa fooni waan ufiini due yokhaani ka bineensi d'ibiini nyaate inyaanne. Anini taka sagale nami lagatu insooranne.

Ezekieli 44:31

Qaaloleeni simpirree taanaani, horifi bineensale taanaani, waan tokole ka ufiini due yokhaani ka bineensi d'ibiini ijeese nyaachu himmalle.

Hosea 13:9

Worra Israeli, anini isani balleesa! Eentu isani qarqaara re?

Lawi 22:8

Inni fooni hori ufiini due, yokhaani ka bineensi ijeese inyaatini; wonti suni isa t'ureesiti. Anini AABBO Waaqa.

Lawi 6:4

Hojja nami kara suni tokoleeni ch'ubbame, inni waan kara maleeni argate suni ha abba dabse iraa fud'ate kaani deebisu. Guyya ch'ubbuuni isaa mullatu, inni ha nama dabse kaani waan isaa deebise, ammalle waan shani keesa toko iti daruufi.

Amosi 8:5

Isani waan ufiini jettani, Jilti baati yoomi dabarti? — aka nu mid'aani keenna gurgurru; yokhaani, Sabatoni yoomi dabarti? — aka nu dargaye teenna deebine gurgurru. Duuba yo guyyaani sunini dabre dandeenne gati iti darre waan biimaniini gadiqeesine yokhaani miisana woini biimaniini yakine nama dabsina.

Mika 6:3

AABBO Waaqi waan jed'u, Gumi tiyya, anini maani isani tolche? Anini maaniini isani dad'absiise? Nati hima.

Malaki 1:10

AABBO Waaqi Guddaani waan jed'u, Ato tiyya, isani nami toko balbala Mana Waaqaa ch'ufa, aka ibida woma isani imbaane fulla sorio iti naa baasaniti imbobeesine. Anini isani iraa gammade waan isani naa baaftani imfud'ad'u.

Malaki 2:12

AABBO Waaqi ha gumi Israeli keesaa nama waan kana tolcheefu baase, nami suni waan gochiti teenna AABBO Waaqa Guddaa baaftu deebie keesa inseeniini.

Malaki 2:13

Wonti d'ibiini isani tolchitani tana. Fulla sorio AABBO Waaqa iti baasani deemtani waatani imimaani bootani, wonti akanatiifi inni waan isani baaftanifi deebie imfud'atu.

Matayo 6:16

Yo Waaqa kad'achaafi agabdani, fuula iyakatiina, aka worra kiyyiba. Worri fuula yakata, aka agabu worraa nami argu. D'uguma, waan anini isaniini jed'u, Worri suni gati ufi ya argate.

Matayo 6:5

Yo Waaqa kad'attani, aka nama kiyyibu intahiina! Wonti akanatiifi worri Maneeni Waaqa iti kad'atani keesafi d'aatu kara ejaanjani kad'achu fed'ani, aka nami worra argu. D'uguma, waan anini isaniini jed'u, Worri suni gati ufi ya argate.

Qaabacha Seera 15:21

Ammo yo horiini sunini aabo qabaate, yo naafafi balla taate, yokhaani aabo hamtu d'ibi inni qabaate, AABBO Waaqa keesani sorio imbaasina.

1 Samueli 2:29

Atini maanifi soriofi waan na baasani ch'ufa ka anini worra kiyya iraa fed'u, d'araatafi? Ammalle atini maanifi ilmaani tante nara ulfeesite fooni dandansa sorio ka gochiti tiyya ta Israeli na baaftu iti lakifte, akanaani ilmaani tante ufi gagabbifte?