Luqaas 3:16 - KITAABA WAAQA

¹⁶ inni waan worra ch'ufaani jed'e, D'uguma anini bisaaniini isani batisa, ammo nama nara gudda tokoti d'ufa ka seemsa kope isaa anini hiikhu himmalini. Inni Lubbu Qulqulloofi ibidaani isani batisa.

Luqaas 3:16 ပူးပေါင်းရင်းမြစ်များ

Mammaasa 1:23

Gorsa kiyya ch'aqasa; anini dubbi dansaani isani gorse beekha kiyyale isanii qooda.

Isaya 32:15

Ammo Waaqi deebie lubbu ufi nuu erga. Lafti badde taani wo baafte oobruleeni sagale baafti.

Isaya 4:4

Jabeenna isaatini AABBO Waaqi nad'eeni Yerusalemu qulqulleese ch'ubbu worratiifi d'iiga achiti jissani d'iqa.

Ezekieli 36:25

Anini bisaani qullo isaniti fifit'e, akasiini waaqoota d'ara ka isani kad'atanifi waan hamtu isani ufiini t'ureesitani ch'ufa isani iraa qulqulleesa.

Zekaria 13:9

Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna.

Matayo 3:11

Anini bisaaniini isani batisa, aka akasiini isani daba iraa deebiti garsiiftani; ammo nami faana tiyya d'ufu nara jaba; seemsa kope isaa anini qabachu himmalle. Inni Lubbu Qulqullofi ibidaani isani batisa.

Matayo 3:12

Hafareeni isaa harka isaa keesa jirti. Oobdi ufi inqulqulleesa, dargaye wolti qabe khod'oti naqa, ammo qola ibida haga jiru ind'aamneti naqa.

Yohana 1:26

Yohanani waan jed'eeni, Anini bisaaniini nama batisa, ammo jiddu teesani keesa nama isani imbeenneti jira.

Yohana 1:27

Inni eegi tiyya d'ufa, ammo anini seemsa kope isa iti d'iaad'e hiikhu himmalle.

Yohana 1:33

Anini isa imbeekhu, ammo Waaqi ka aka anini bisaaniini nama batisu na erge waan naani jed'e, Atini Lubbu gubba gadi buute nama gubbaa teetu agarta; nami suni ka Lubbu Qulqullooni nama batisu.

Yohana 7:38

Nami na d'ugefatu, aka t'aafiini jettu, garaa isaa keesaa bisaani jireennati yaa.

Huji Ergattu 1:5

Yohanani bisaaniini isani batise, ammo eegi bulti diqo toko isani Lubbu Qulqullooni batifamtani.

Huji Ergattu 10:44

Ato Petroni ammalle dubbi tana dubbatu, Lubbuuni Qulqullooni worra dubbi tana d'agaye ch'ufa ira bute.

Huji Ergattu 2:33

Ya harka mirgicha Waaqati olfuud'ani, inni Lubbu Qulqullo isa ira argate, akuma Abbaani kakhate; wonti isani amma argitani d'ageettani kunini qarqaarsa inni nuu kenne.

1 Korintho 12:13

Akasuma nu ch'ufa, Yahudifi gosa d'ibile, tisseefi balchale, ya Lubbuuni nafa tokocha kanati nu batifte, ammalle nuu ch'ufa ya Lubbu taka quufsani.