Luqaas 2:10 - KITAABA WAAQA

¹⁰ Ammo malaikaani waan jetteeni, Insodaatiina! Anini odu dansa ta nama ch'ufa gammachiiftu isanii d'ufaani.

Luqaas 2:10 ပူးပေါင်းရင်းမြစ်များ

Uumama 12:3

Nama si eebisu anini eeba kennaafi, ammo nama si abaaru anileeni inabaara. Si gula anini gosa ch'ufaa eeba kennaa.

Isaya 40:9

Ee Sioni, gaara gubbaa kori, odu dansa odeesi! Ee Yerusalemu, qonqo guddooni lalabi, odu dansa odeesi! Dubbi insodaatini lalabi waan dira Yudatini jettu, Waaqi keesani kunooti!

Isaya 41:27

Nami qara odu Sioniti odeese ana AABBO Waaqa; anini qonqo Yerusalemuti erge waan jed'e, worri kanke ya gale, kuno gad'ufu jira.

Isaya 49:6

AABBO Waaqi waan nani jed'e, Anini huji jabdu sii kennu qaba, hojatu tiyya. Atini worra Yakobo galchite, worra Israeli ka hafe guddinnati deebifte; ammo hagasi ch'allaniti, anini ifsa gosa ch'ufale si tolcha, aka akasiini lafti ch'ufti baafama kiyya argattu.

Isaya 52:10

AABBO Waaqi irre ufi qulqullooni gumi ufi baasa, duuba waan suni lafti ch'ufti inargati.

Isaya 52:7

Miili worraa odu dansa nagaya odeesu akami mid'aaga! Inni baafama odeese waan Sionini jed'u, Waaqi kanke hayyu lafa mohatu!

Isaya 61:1

AABBO Waaqi guddaani yayu lubbu isaatini na guute. Inni yayu na muude na erge, aka anini odu dansa hiyyeeyiti odeese, nama guddo garaani laalala qabu fayyise, nama hid'aansa keesa jiru ha hiikhaani jed'e, nama hid'anile hiikha.

Danieli 10:19

Isiini waan nani jette, Waaqi si jaalata, insodaatini, naguma, garaa jabaad'i. Isiini dubbi suni jennaani, haga qara kaanile ira humna argad'e waan jed'eeni, Aabbo, waan jechu feetu jed'i atini yayu humna nati deebifte.

Zekaria 9:9

Gammada, qilit'ama, worra Sioni! Gammada, lalaba, worra Yerusalemu! Laala, hayyuuni keesani isaniti d'ufuu jira! Inni ka waan ch'ufa dabsate irre guddo qabuti d'ufa, ammo inni ufi insaadu, harre yaabata — bukhura harreeni d'altuni d'alte gubba taa.

Matayo 14:27

Ammo hojuma suni Yesoni worrati dubbate waan jed'eeni, Garaa jabaad'a, ana insodaatiina.

Matayo 28:18

Yesoni worrati d'iaate waan jed'eeni: Jabeenna ch'ufa, ka lafafi gubbale, ya nati kennani.

Matayo 28:5

Malaikaani waan nad'eeni taaniini jette, Insodaatiina; anini imbeekha, isani Yeso maskaliti fannisani barbaaddani.

Mariko 1:15

waan jed'e, Hojjaani yayu geete, Finni Waaqa la d'iaate, daba iraa deebia, Odu Dansa d'ugefad'a jed'e.

Mariko 16:15

Inni waan worraani jed'e, Lafa ch'ufa keesa yaa, Odu Dansa nama ch'ufati odeesa.

Luqaas 1:13

Ammo malaikaani waan jetteeni, Insodaatini, Zekaria, kad'acha tante la d'agayani, niitiini tante Elisabeti ilma sii d'alti, atini maqa isaa Yohana baafta.

Luqaas 1:19

Malaikaani waan jetteeni, Anini Gabrieli, ka fuula Waaqa dura ejatu, ana siti ergani aka odu dansa tana siti himu.

Luqaas 1:30

Malaikaani waan jetteeni, Mariamu, insodaatini, Waaqi ya si eebise.

Luqaas 2:11

Halkani kana dira Daudi keesa Qarqaarsi ya isanii d'alate, ka Kristo Aabbo jed'ani.

Luqaas 24:47

aka haga Yerusalemu iti keyatani iraa deebitifi araarama daba maqa isatiini gosa ch'ufati odeesu malani.

Luqaas 8:1

Eegi waan kana Yesoni diraafi ollowaani ch'ufa keesa dedeeme Odu Dansa ta Finna Waaqa odeese. Jari kud'ani lamaani kaani isaani woliini yae,

Huji Ergattu 13:32

Nu Odu Dansa isaniti odeesina, aka kakhu suni ta ababooti teennati kakhatani,

Roomaa 10:15

Dubbi akamiini odeesani yo nama odeesu inergiini? Akuma t'aafiini jettu, Miili worra odu dansa odeesu akami mid'aaga!

Efessoon 3:8

Anini gumi Waaqa ch'ufa maand'a qit'issu, ammo Waaqi huji gosa d'ibiti Odu Dansa odeesani nati kenne, aka durooma Kristo ka ind'umanne barsiisu,

Kolosai 1:23

Tanaafi isanileeni d'ugefacha keesa jabaattani dura yau maltani, aka yayaba Oduuni Dansaani isanii kennite iraa inchochoone, ammalle aka abdi gaafa Odu Dansa d'ageetani argattani iraa ingorre. Oduuni Dansaani ta nama lafa ch'ufati odeesani tana; anini Pauloleeni ya hojattu isii tahe.