Luqaas 10:42 - KITAABA WAAQA

⁴² ammo waan toko ch'alla fed'ani. Mariamuni yayu waan ira dansa fohatte, isi iraa imfuud'ani.

Luqaas 10:42 ပူးပေါင်းရင်းမြစ်များ

Faaru 119:111

Anini aada tante haga jiru jireenna injabeesa, isiini waan garaa kiyya gammachiisaati.

Faaru 119:173

Hojja ch'ufa aka na qarqaartu kurfo tai, waan anini aada tante gula deemufi.

Faaru 119:30

Anini yayu aka sii saalfad'u kutad'e; anini yayu dubbi tante ira ufi kaye.

Faaru 142:5

Ee AABBO Waaqa, anini siti boha, atini fulla anini iti baqad'u; wonti anini lafa tana irati fed'uleeni siuma.

Faaru 17:15

Ammo waan anini ch'ubbu intolchiniifi, anini si arga; hojja anini hiribaa kae si argu, anini ingammada.

Faaru 27:4

Anini waan toko ch'alla AABBO Waaqa kad'ad'a, waan toko ch'alla isaa iraa fed'a: aka haga jiru ch'ufa mana AABBO Waaqa keesa tae mid'aaguma isaa mame, Mana isaa keesati isa kad'ad'u.

Faaru 73:25

Anini gubbaa si male maani qaba? Anini eegi si qabaad'e lafa ira maani fed'a?

Abba herega 12:13

Eegi waan kana ch'ufa jecha toko ch'allati hafa: Waaqa sodaad'i, seera isaa gula deemi; wonti akanatiifi wonti nama iraa fed'ani tana.

Mariko 8:36

Maal namaa baati, yo nami waan lafa tana ch'ufa argate, ammo jireenna ufi d'abe? Woma tokole imbaatu.

Luqaas 10:39

Isiini oboleeti qabdi ta Mariamu jed'ani; Mariamuni miila Yeso jala teete dubbi isaa ch'aqafte.

Luqaas 11:1

Gaafa toko Yesoni fulla tokoti Waaqa kad'ate jennaani nami toko waan jed'eeni, Aabbo, aka Waaqa kad'atani nu barsiisi, akuma Yohanani jara ufi barsiise.

Luqaas 12:20

Ammo Waaqi waan jed'eeni, Atini daalle, halkani kana lubbu tante fed'ani; horiini atini olkeete suni ka eennu taha duuba?

Luqaas 12:33

Waan qabdani gurgura, eebaani wo namaa kenna. Subba indulomane mid'aafad'a, hori gubba jiru ka inhobaamne olkeyad'a, fulla hattuuni iti ind'iaanne yokhaani fulla bilaachi imballeesine.

Luqaas 16:2

Jennaani inni isa yaame waan jed'eeni, Wonti anini siti d'agayu kuni maani? Hori kiyya ch'ufa hedi, harka kiyyati deebisi, armaa achi iti deebite na inhojattu.

Luqaas 16:25

Ammo Abrahamuuni waan jed'eeni, Gurba, qaabad'u, atini jireenna kanke keesati waan dansa argatte, Lazaroni waan hamtu argate; amma isa armati qorqoratani ammo atini gaargalu jirta.

Luqaas 18:22

Yesoni akasi d'ageennaani waan isaani jed'e, Waan toko fitate; waan atini qabdu ch'ufa gurguri, hiyyeeyi qoodi, duuba hori gubba argatta, duuba deebii, na gula kooti.

Luqaas 8:18

Tanaafi waan d'ageetani ch'ufa keesa ufi eegad'a. Wonti akanatiifi, nama wo qabu hagasi ira iti daraniifi, ammo ka woma inqamne diqo inni qabule iraa fuud'ani.

Yohana 11:1

Nami toko, ka Lazaro jed'ani, ka oboleyaani isaa ta dubra Mariamufi Martha, ka worri isaani Bethania fayyad'abe.

Yohana 11:19

Yahudiini hedduuni gara Marthatiifi gara Mariamu d'ufte aka maro lubbu oboleesa worraatiifi iraa hafaa jettuuni.

Yohana 12:3

Jennaani Mariamuni kiila toko ka d'ad'a qayya dansa qabu, ka gati guddo, fuute miila Yeso dibde, rifeensa mata ufiitini iraa haat'e. Urgaani d'ad'a suni mana suni ch'ufa qabatte.

Yohana 17:3

Ammalle jireenni hegeri kana: aka atini Waaqa tokocha d'uga si beekhani, Yeso Kristole ka atini ergite beekhani.

Yohana 4:14

ammo nami bisaani anini kennu d'ugu haga jiru jireennale deebie ind'eebotu. Wonti akanatiifi bisaani anini kennu suni isa keesa maddani burqa tahani, haga jiru jireennale deebie ind'eebotu.

Yohana 5:24

D'uguma waan anini isaniini jed'u, Nami dubbi tiyya d'agaye ka na erge d'ugefate, jireenna hegeri qaba. Isa wollaala iti imurani, ammo ya duisa keesa bahe jireenna argate.

Yohana 6:27

Sagale d'umattu inhojatiina, ammo sagale haga jireenna hegeri teetu ta Ilmi Nama isanii kennu hojad'a, wonti akanatiifi Waaqi Abbaani yayu beesisa ufi isa ira keyate.

1 Korintho 13:3

Yo anini waan qabu ch'ufa biyyaa kenne, Nafa kiyyale guba jed'e, ammo jaalala inqamne woma naa imbaatu.

Galatia 5:6

Wonti akanatiifi yo nu Kristo Yeso keesa jiraanne, qabanqaba qabachafi qabachu baannaanile haga tokotu; wonti jabduuni d'ugefacha ta jaalalaani hojattu.

Qaabacha Seera 30:19

Tanaafi anini amma waan kana lamaani wolbira isani qaba, duafi jireenna, eebaafi abaarsa, aka lafafi gubbaleeni d'uga isanii taatu. Tanaafi jireenna fohad'a, aka jiraattani.

Yoshua 24:15

Yo isani AABBO Waaqa hojachu diddani arra ka hojattani fohad'a, yokhaani waaqoota d'ara ka ababooti teesani duri lafa galaani Frati gama kad'atte, yokhaani waaqoota d'ara ka worra Amori, ka amma isani lafa worra keesa teetani: Ammo anaafi worri kiyya gama keennani AABBO Waaqa hojanna.

Yoshua 24:22

Jennaani Yoshuani waan worraani jed'e, D'ugaani teesanileeni isanuma, aka isani AABBO Waaqa fohattani isa hojattani worri waan jed'eeni, hataatuti, d'ugaani teennalleeni ha nuuma taatu.