Lawi 4:3 - KITAABA WAAQA

³ Yo nami ch'ubbu suni tolche qaallicha gudda tahe, akasiini ch'ubbuuni gumi qabatte inni ha jibicha korma ka aabo inqamneeni d'ufe, maro ch'ubbu isaatiifi AABBO Waaqa durati qale sorio baasuti.

Lawi 4:3 ပူးပေါင်းရင်းမြစ်များ

2 Odu duri 29:21

Worri koromi looni torbaafi elemiye torbaafi ilmoole hoola torbaafi korbeeyyi torba d'ufeeni, maro daba worra hayyutifi worra Yudatifi, ammalle aka Mana Waaqa qulqulleesani sorio baasani. Jennaani hayyichi waan qaalole d'aloota Harunitini jed'e, Hori kana qala, mesa irati sorio baasa.

Kitaaba Izra'aa 8:35

Jennaani worri eegi boojiani gale kaani ch'ufti waan gubani Waaqa Israeliti sorio baasanini d'ufe. Horini worri baase — koromi looni kud'ani lama ta maro gosa Israeliti baasanifi elemiye sagaltami jaatiifi ilmoole hoola ta torbatami torba; worri ammalle korbeeyyi kud'ani lama sorio dabaani ufi iraa baasani baase. Hori kana ch'ufa gubani sorio AABBO Waaqaa baasani.

Bahisa 29:14

Foonifi gogafi miha garaa ka jibicha suni fuud'i, alati baasi fageesi gubi. Tunini sorio daba qaalole iraa balleesitu.

Bahisa 29:21

D'iiga waan mesa fakaata kaani gubba jiru, d'ad'a muudaa woliini fuud'i, Harunifi ilmaani isaa nafafi woya worraleeti fifit'i. Akanaani isaafi ilmaani isaatiifi woya worrale qulqulleesani.

Bahisa 29:7

Duuba d'ad'a fuud'i, mata isaa muudi.

Bahisa 30:10

Guyya toko ganna keesa Harunini ha waan mesa fakaata kaani gaafa isaa afraanu d'iiga sorio dabaani ufi iraa baasani ibse, akasiini aada mesa suni guutu. Aada tana ha ganna ch'ufa haga jiru jireenna guutani. Mesaani kunini gara AABBO Waaqa waan guddo qulqullo.

Ezekieli 40:39

Dinqa suni keesa mesa afuriti jira, mesa suni lama lamaani moga moga d'ad'aabani. Mesa kana irati hori sorio qalanifi ka gubani baasanifi ka sorio dabaani ufi iraa baasani baasanifi, hori sorio gati baasani ch'ufa qalani.

Ezekieli 43:19

Qaalole gosa Lawi, ta d'aloota Sadoki ch'allati, na dura d'ufe naa hojata. Jibicha korma, ka sorio dabaani ufi iraa baasani baasani, ha iti kennaniti. Nami, waan kana tolcha jed'u ana, AABBO Waaqa gudda.

Ezekieli 44:27

duuba naabo Mana Waaqa gaaraa keesa d'aqe, sorio ufiini qulqulleesu baasu male, aka dandae Mana Waaqa keesa deebie hojatu. Nami dubbi tana jed'e ana, AABBO Waaqa gudda.

Lawi 1:10

Yo namichi suni ree isaa sorio baasu fed'e, wonti inni baasu suni ha korma aabo inqamne tatuuti.

Lawi 1:3

Hojja inni looni isaa keesa korma gubani sorio baasani baase, kormi suni ha korma aabo inqamne tahu. Korma suni ha balbala Waaro Woyyuma duraani d'ufu, aka AABBO Waaqi ee jed'e isa ira fud'atu.

Lawi 16:11

Hojja Harunini korma kaani sorio dabaani ufi iraa baasani maro isaatiifi ka worra isaa baasu,

Lawi 16:3

Hojja inni Fulla, Fulla Ch'ufa Ira Qulqullo seenu, inni ha jibicha korma, ka sorio dabaani ufi iraa baasanifi elemo sorio gubani baasanini d'ufu.

Lawi 16:5

Ammalle inni ha gumi Israeli ira korbeeyyi lama ta sorio dabaani ufi iraa baasani baasanifi elemo toko, ka sorio gubani baasani fuud'u.

Lawi 16:6

Inni ha jibicha korma suni sorio qaluti aka isaafi worra isaale daba iraa fuud'ani.

Lawi 4:14

akuma ch'ubbuuni suni beekhamteeni, gumiini ha jibicha korma fuute, Waaro Woyyuma ta AABBO Waaqatini d'uftu.

Lawi 4:23

akuma ch'ubbuuni isaa suni mullateeni, inni ha korbeesa aabo inqamne tokooni d'ufe sorio baasuti.

Lawi 4:28

akuma ch'ubbuuni isaa suni mullateeni, inni ha reeti aabo inqamne tokooni d'ufe sorio baasuti.

Lawi 4:5

Duuba qaallichi guddaani ha d'iiga korma suni ka gari fuud'e, Waaro Woyyumati geese,

Lawi 5:6

gati hoola d'ala yokhaani reeti toko maro wollaala isaati AABBO Waaqatini d'ufu. Qaallichi ha sorio suni maro wollaala nama suniti jed'e baasu.

Lawi 6:18

Haga jiru jireenna nami d'iira ka d'aloota Haruni ha nyaatu; wonti kunini qooda worra ka guyya ch'ufa waan AABBO Waaqaa baasani keesaa worraa kennani. Nami sagale suni qabate ch'ufti nama qulqullo taha.

Lawi 8:12

Inni d'ad'a suni Harunileeni muude eebisefi.

Lawi 9:2

waan Harunini jed'e, Jibicha korma tokofi elemo toko, ka kamu aabo inqamne fuud'i, AABBO Waaqaa baasi, jibicha sorio dabaani ufi iraa baasani baasi, Elemo sorio gubani baasani baasi.

Lawi 9:3

Ammalle waan atini worra Israelitini jettu, Korbeesa toko fuud'a, sorio dabaani ufi iraa baasani baasa, ammalle jibicha ganna tokotifi Elemo ganna toko, ka kamu aabo inqamne, fuud'a, sorio gubani baasa;

Henna 16:22

Ammo Musafi Harunini lafati gajejed'ani waan jed'ani, Ee Waaqa, ka lubbu nama ch'ufa harkaa qabdu, hojja nami toko ch'ubbu tolche atini gumi ch'ufati dallanta?

Henna 8:8

Duuba worri ha jibicha korma tokofi dargaye daakhanifi d'ad'a wolti makhani Waaqaa baasani taani fuud'uti. Atinileeni jibicha korma d'ibi fuud'i, ka sorio dabaani ufi iraa baasani baasani.

Roomaa 8:3

Waan seeri maro laafinna nafatiifi tolchu dad'abe, Waaqi ya tolche. Inni daba nafa nama keesa jiru wollaala iti mure, Ilma ufi erge, ka nafa namatiini d'ufe sorio daba balleesitu tahe.

2 Korintho 5:21

Kristoni daba inqabu, ammo Waaqi maro teennaafi isaa daba tolche aka nu maro Kristotiifi d'uga Waaqa argannu.

Ebrania 5:3

Maro waan kanatifi inni, maro daba gumi ch'allaaniti, ammo maro daba ufile sorio qallu male.

Ebrania 9:12

Gaafa Kristoni waaro ke bahe dabre Fulla Fulla Ch'ufa Ira Qulqullo maro toko keesa seene, inni d'iiga sorio reetiifi ka yabiye imfud'anne; ammo d'iiguma ufi fud'ate, baafama hegeri nuu tolche.