Isaya 9:17 - KITAABA WAAQA

¹⁷ Tanaafi AABBO Waaqi kaima tokole fiigu d'owu dide, nad'eeni hiyyeeyifi ilmaani hiyyeeyile nahu dida; wonti akanatiifi gumiini tokoleeni Waaqa imbeetu, waan hamtu tolchite hameenna ch'alla dubbatti. Ato akasile taate, dallansuuni AABBO Waaqaa isa ira ingaltu, inni harka d'eerefate ammalle worra d'aanuu fed'a.

Isaya 9:17 ပူးပေါင်းရင်းမြစ်များ

Aayubu 15:34

Nami Waaqa imbeenne woma ind'alu, mana gumbooni jaaranile ibidati guba.

Faaru 109:12

Nami tokoleeni isaa nahe ilmaani inni iraa due inqorqoratiini.

Faaru 147:10

Inni jabeenna fardati ingammadu, yokhaani humniti namaa isa ingammachiiftu,

Isaya 1:4

Badi teesani, isani gosa ch'ubbiti dabditi hameennani yaatu! Ch'ubbu teesaniti gadi isani hirkisa! Isani yayu AABBO Waaqa qulqullo Israeli diddani, dudda iti garagaltani.

Isaya 10:2

Aki isani hiyyeesa d'uga d'owitani dabsitani balleesitani akana. Aki isani hori nad'eeni hiyyeeyitifi ka ilmaani hiyyeeyi saamtani guurattani akasi.

Isaya 10:4

Wonti isanii hafe, aka isani hobaasani yokhaani boojiani ch'alla. Ato akasile taate dallansuuni AABBO Waaqaa isa ira ingaltu, inni harka ufii d'eerefate ammalle isani d'aanu fed'a.

Isaya 10:6

Anini gosa Waaqa imbeenne ta na dallansiftuti erga, aka worra hatani saamani akuma huura kara keesati ira ejaanjatani.

Isaya 13:18

Worri t'iyaani kaima fit'e, ijoollele ch'ufaa nahu dida.

Isaya 14:20

Waan atini lafa tante balleesite, nama kanke fit'eefi, aka hayyoota d'ibi awaala dansa inargattu. Nami worra keeti, ch'ubbichi tokoleeni, ka bahu injiru.

Isaya 24:5

Biyyiti yayu seera Waaqa balleesite kakhu inni haga jiru kakhate ch'absite, akanaani lafa t'ureesite.

Isaya 27:11

Dameeleeni mukhaa ya gogodde ch'ach'abt'e, duuba nad'eeni guurte qoraani tolfatti. Waan biyyiti woma inhubannefi, Waaqi worra uume worraa nahe ineebisufi.

Isaya 3:8

Yerusalemuni ya badde, Yudaleeni jiguu jirti! Worri waan hojatufi waan dubbatu ch'ufa keesa Waaqaani morka; worri diiduma keesa Waaqa didu jira.

Isaya 31:2

Inni waan tolchu jiru imbeekha, gaargala namati erge, worra ch'ubbu qabuufi worra worra qorqoratule illakisu.

Isaya 31:3

Worri Misiri namuma, Waaqaniti; fardi worraleeni farduma, waan gubbaa gabueeniti. Hojja AABBO Waaqi wo tolchu, gochiti jabduuni irre d'abde gochiti laaftuni worri qarqaareleni badi. Worri lachu wolumaani d'umata.

Isaya 33:11

Isani mala woma keesa injirre d'aatani, wonti isani tolchitani tokoleeni woma imbaatu. Lubbuuni tiyya ibida isani balleesu fakaati.

Isaya 33:12

Isani aka haama gubani taatani, qoraati gubate daara taate fakaatani.

Isaya 40:30

Ijoolleeni lalaafte, kaimileeni gagagaba;

Isaya 5:24

Tanaafi amma tana akuma okhayafi buuyooni godduuni ibida keesati gubatu, akasuma hiddi keesani shame, daraaraani keesani goge bubbeeni fud'atti, waan isani, waan AABBO guddaani, Waaqi Israelii, qulqullooni nu barsiise, diddaniifi.

Isaya 5:25

Duuba amma AABBO Waaqi yayu gumi isaati dallane, harka d'eerefate, balleesaa iti kaye. Gaareeni chochoote, reefi nama hobae aka huura kara dira keesa ch'iisa. Ato akasile taate, dallansuuni AABBO Waaqa isa ira ingaltu, ammalle harka d'eerefate nama d'aanu fed'a.

Isaya 62:5

Akuma kaimi dubra fuud'u, ka si uumeleeni si fuud'a. Akuma nami dubra fuud'a intala iraa gammadu, akasuma Waaqi kanke siraa gammada.

Isaya 65:19

Anini Yerusalemu iraa gammade, nama isiile maacha. Deebiani achiti imbohani yokhaani ilaalefatani.

Isaya 9:12

Worri Ashuru ka ilaborutiifi worri Filisti ka ila aduuleeni yayu afaani worra Israeliti baane worra liqimse. Ammo ato akasile taate dallansuuni AABBO Waaqaa isa ira ingaltu, inni harka d'eerefate ammalle worra d'aanu fed'a.

Isaya 9:21

Worri gosa Manasetifi ka Efraimuleemi woli had'e, ammalle eege wold'aqani Yuda had'ani. Ato akasile taate, dallansuuni AABBO Waaqaa isa ira ingaltu, inni harka ufii d'eerefate, ammalle worra d'aanu fed'a.

Yeremia 18:21

Ammo amma tana, ee AABBO Waaqa ijoolleeni worraa ha garaachafi woraanani hobaatu. Nad'eeni ha d'iirsaafi ilmaanile d'abduti. D'iirti ha d'ukubaani hobaate, kaimileeni ha woraanani hobauti.

Yeremia 5:1

Worra Yerusalemu kara keesani gula oria! Ilaala, hubad'a! gabaya keesa barbaada! Nama tokole ka waan dansa tolche d'uga gula deemu ingartani? Yo isani agartani, AABBO Waaqi Yerusalemuu inaraarama.

Ezekieli 20:33

Anini inkakhad'a haga anini AABBO Waaqi guddaani jiru, aka anini isaniti dallane irreeni isani bulchu.

Amosi 4:10

Anini gaargala aka lafa Misiriti buuse isaniti buuse. Anini kaima keesani lola keesati fit'e, fardoole teesanile isani iraa fuud'e, ammalle fulla isani teetani reefa namatiini ajeese. Taatule isani nati indeebine.

Amosi 8:13

Guyya suni kaima dubraatiifi ka d'iiraleeni d'eebuuni gagaba,

Mika 7:2

Nami d'ugaafi qajeeluma gula deemu, ka Waaqa sodaatu, tokoleeni injiru. Nami ch'ufti gaade wolijeesa. Ch'ufti oboleesa ufii yokhaani gosa ufii t'ururaani qabe balleesu fed'a.

Zekaria 9:17

Lafti sunini akami midaad'u dansa! Nami kaima mid'aanifi daad'i isiitiini jabaate irre baasa.

Matayo 12:34

Isani ilmoole bofaati! Akami dandeetani waan dansa dubbattani, yo isani hamamo taatani? Wonti akanatiifi afaani waan garaani qabu dubbatani.

Matayo 16:3

Ammo diirama, Bokai irrooba jettani, waan dumansi guraatae d'ud'ufaeefi. Isaani waan gubba beetani, ammo akheekha bara kana gargari barachu imbeetani.