Isaya 8:7 - KITAABA WAAQA

⁷ anini, Aabbooni hayyu Ashurutifi duula isaa ch'ufa d'ufeeni, lafa Yuda haasisa. Worri aka bisaani galaana Efrati fach'ae, lafa ch'ufa qabate d'ufe,

Isaya 8:7 ပူးပေါင်းရင်းမြစ်များ

Uumama 6:17

Duuba anini bokaya guddaani d'ufa, aka lolaani lafati fach'ae waan lubbu qaba ka lafa jira ch'ufa balleesu. Wonti lafa gubbaa jira ch'ufti indooti,

2 Hayyoota 19:32

Wonti hayyu Ashuru, ka AABBO Waaqi jed'e, tana: Inni dira kana seene t'iya tokole indarbatu. Askartini wonte qabdu tokoleeni dira suniti ind'iaatu, ammalle booliti qotani dira sunini marsani injirtu.

Kitaaba Izra'aa 4:10

ammalle worra gosa d'ibi ka Asurbanipalini, namichi guddaani irre qabu godaansise dira Samariatifi fulla d'ibi lafa Efrati ta ila adubi qubsise.

Faaru 46:4

Galaanati jira, ka dira Waaqaa gammadani iti d'ufu, Mana qulqullo Waaqaa guddati.

Faaru 72:8

Inni ha muumme baariini ch'ufaati d'aabe lafa mohatuti, haga galaana Efratifi muumme lafale.

Isaya 10:16

AABBO Waaqi guddaani nama nyaachisa nyaatu, d'ukuba iti buuse gaargalcha; nafa worra ibidati keesa bobaa.

Isaya 10:5

AABBO Waaqi waan jed'e, Anini worra Ashuru boku tolfad'e nama anini iti dallaneeni d'aana!

Isaya 11:15

AABBO Waaqi galaana Misiri gosse, galaana Frati bubbe owituuni gosse laga didiqa torba tolcha, aka nami miilaani taaku.

Isaya 28:15

Isani kiyyibdani waan jettani, Nu yayu duisani wolti kakhaanne irreesaleeni wold'anne. Ammalle hojja gaargali hamani lafa teenna d'ufele woma nu intolchu, wonti akanatiifi, yayu d'ara fulla iti d'eennu tolfanne, fulla kiyyibati baqanne jettani.

Isaya 28:17

Yayaba suni d'ugaani biimani, qajeelumaani qajeelchani. Bokeeni d'akhaani roobu kiyyiba isani fulla iti d'eetani tolfatani hare, fach'ai bisaanileni fulla isani iti baqatani balleesa.

Isaya 28:2

Aabbo Waaqi nama jaba irre qabu, ka worra had'u, ya kurfeese, ka aka bokaya d'akhaani roobutifi bokaya guddaafi fach'aa bisaani d'ufe lafa fud'atu.

Isaya 43:2

Hojja isani bisaani qile keesa buutanile anini isani woliini jira; yo galaana keesa deemtanile bisaani isani illiqimsani. Yo ibida keesa yaatanile ingubattani; bobai ibidaa woma isani tolchu.

Isaya 59:19

Ila borutiifi ila adule ch'ufa nami isa sodaate, nami ch'ufti maqa isaatiifi jabeenna isaale d'eeta. Inni akuma laga yau, ka qilleensi AABBO Waaqa yaasu, d'ufa.

Isaya 7:17

AABBO Waaqi siifi worra kanketifi gosa tantele guyya gaargala hama, ka haguma gaafa hayyuma Yudatifi ka Israeli gargari baasani takaa inargini itiini d'ufa, gaargala suni hayyu Ashuruti worratiini d'ufa.

Isaya 7:20

Guyya suni AABBO Waaqa nama mata isani ira haadu Efrati gama suni d'ufani — hayyicha Ashuru! Inni areedafi rifeensa matatiifi ka nafa ch'ufa isani ira haada.

Yeremia 47:2

waan nani jed'e: Laali, lagi ya mirgaa d'ufe, bisaani lafa ch'ufati fach'aani. Bisaani suni lafafi waan keesa jiratifi dirafi nama keesa taule ch'ufa fud'atani. Nami qarqaarsa kad'ate, nami lafa keesa jiru ch'ufti aka hama boha.

Yeremia 51:42

Bisaani baariini yayu Babiloni gubbati fach'aani, d'awani isaanileeni isii ira deebite mullachu d'owarte.

Ezekieli 26:19

Wonti AABBO Waaqi guddaani jed'u tana: Anini aka dira bade ona tae nami keesa injirre si tolche, bisaani baariini siti fach'aase si liqimsiisa.

Danieli 11:10

Ilmaani hayyu lafa mirgaa duula gudda kaafte lola kurfefatti duuba duuli suni d'ufe aka lolaa worrati fach'ae, dira worraa jajaba ch'ufa had'a.

Danieli 11:22

Nama isa didu, ato inni qaallicha Waaqa guddale teete, lafa iraa balleesani qile boola buusani.

Danieli 9:26

Eegi bari sunini dabre, namicha Waaqi fohate kaani akanumati ijeesani wollaala male. Duuli hayyicha jaba toko lafa suni had'e dirafi Mana Waaqa balleesa. Duuba muummeeni akuma lolaa fach'aate, woraanafi badi Waaqi kurfeeseni d'ufti.

Amosi 8:8

Maro waan kanatifi lafti inchochootu? Yokhaani nami keesa tauleeni imbohu? Lafti ch'ufti chochoote, akuma galaana Misiri ka fach'ae deebiu.

Amosi 9:5

AABBO Waaqi Guddaani lafa tuqe chochoosa, nami keesa tau ch'ufti imboha. Lafti ch'ufti aka galaana Misiri fach'aate deebiti.

Mika 1:9

Mada Samaria wonti fayyisa injirtu, Yudaleeni diquma akasi intahiini; gaargalileeni ya balbala fullo Yerusalemu, fulla worri kiyya tau, gahe.

Mika 5:4

Inni gaafa d'ufu jabeenna AABBO Waaqatifi guddinna isaatiini gumi ufii tissa. Gumiini isaaleeni nagayaani teeti, waan nami lafa keesa jiru ch'ufti guddinna isaa beekhuufi;

Mika 5:5

ammalle inni nagaya lafatini d'ufa. Hojja worri gosa Ashuru lafa teenna d'ufe had'e naabo teenna ch'ach'abse nuu dabsatu, nu jara nuu mataa jajanna had'iisaa worrati ergina.

Nahumu 1:8

Akuma bisaani lolaa ka fach'aati, inni nyaapa ufii ch'ufa hobaase, nama isaani morku ch'ufa fit'a.

Luqaas 6:48

Inni nama mana ijaare, lafa qote, gadi fageese, d'akha gubbati yayabe fakaata. Bokai guddaani lolaase d'awaani mana suni d'omnaani chochou dide, maro aka dansa ijaaraniifi.

Mudhii Yohaannisii 17:15

Malaikaani ammalle waan naani jette, Bisaani atini garte, ka niitiini gubba teetu, gosafi gumifi lafafi afaani heddu.