Isaya 8:13 - KITAABA WAAQA

¹³ Qaabad'a, AABBO Waaqi guddaani anuma, anumati qulqullo, ka isani sodaachu maltani.

Isaya 8:13 ပူးပေါင်းရင်းမြစ်များ

Uumama 31:53

Waaqa Abrahamutiifi Waaqi Nahori jiddu teenna tae ha d'uga arguti. Jennaani Yakobooni maqa Waaqa abbaani isaa Isaaqooni sodaateeni kakhu kakhate,

Faaru 76:7

Ammo, Ee AABBO Waaqa, nami ch'ufti si sodaata. Yo atini dallantu nami tokoleeni dandae si dura inejju.

Bahisa 20:20

Jennaani Musani waan biyyaani jed'e, Insodaatina; wonti akanatiifi Waaqi isani laalu d'ufe, aka isani isa sodaatani ch'ubbu intolchine.

Isaya 29:23

Hojja worri ilmaani anini worraa kennu argu, worri hojja suni aka anini Waaqa qulqullo Israeli beekhe, na guddise na sodaata.

Isaya 5:16

Ammo AABBO Waaqi guddaani waan d'uga tolche, guddinna ufii garsiise, gumi ufii qore, akasiini qulqullooma ufii mullisa.

Ezekieli 38:16

Atini gumi tiyya ta Israeli aka hurri iti lafa qabate haata. Hojja guyyaani sunini gahe anini lafa tiyya had'iisaa iti si erga, aka akasiini gochiti ch'ufti na beete, qulqullooma kiyya, waan anini si hojachisuni, argitu.

Lawi 10:3

Jennaani Musani waan harunini jed'e, Wonti AABBO Waaqi gaafa inni nama na hojate anini qulqullooma garsiisa, duuba gumi tiyya ch'ufa durati na guddisani, jed'eefi tana. Ammo Harunini inch'alise.

Lawi 22:32

Maqa kiyya qulqullo int'ureesina; gumiini Israeli ch'ufti ha aka anini qulqullo beetu, anini AABBO Waaqa, ka isani qulqulleesu.

Malaki 2:5

Wold'aqisa kiyya keesa anini ya hormaatafi nagaya kakhad'eefi, ammalle waan kana la kenneefi, aka worri naa saalfatu. Bara suni worri naa saalfate na sodaate.

Henna 27:14

Wonti akanatiifi isani lachu nani morkitani lafa aloo ta Sini keesati, gaafa gumiini ch'ufti Meribati nati gungumte, isani na d'aarefatani gumi ch'ufa durati na ch'eersitani (Meribani maddo Kadeshi lafa aloo ta Sini keesa.)

Matayo 10:28

Nama nafa ijeese ammo lubbu woma tolchu indandeenne insodaatiina; ammo nama nafafi lubbu ibida keesa buusu dandau sodaad'a.

Luqaas 12:5

Ammo nama sodaachu malani anini isaniti hima; Waaqa sodaad'a, ka eegi nafa ijeese jabeenna ibida keesa buusuuni qabu. Ee, waan anini isaniini jed'u, sunuma sodaad'a.

Roomaa 4:20

D'ugefachaani isaa diqole ilaamne, innileeni kakhu Waaqa ind'arefanne, ammo d'ugefachaani isaa jabeenna isaa kennite, inni Waaqa faarse.

Qaabacha Seera 14:23

Duuba fulla AABBO Waaqi keesani fohate isa iti kad'attani d'aqa, achiti isa duraa mid'aani, daad'i, d'ad'a, waan horiini goroomuma d'ale, ka loonitifi ka reele, kud'ani keesa toko nyaad'a. Waan kana tolcha, aka hojja ch'ufa AABBO Waaqa keesani sodaatani.

Mudhii Yohaannisii 15:4

Eennuti sii insodaanne Aabbo? Eennuti maqa kanke inguddimne? Si ch'allati qulqullo. Gochiti ch'ufti d'ufteti si guddiftu. Maro huji tante ta d'uga, ta nami ch'ufti arguutiifi.

1 Samueli 11:7

Jennaani inni qotiyo lama fuud'e, qale garagari ch'ire, fooni suni nama lafa Israeli ch'ufa keesa erge waan jed'e: Nama Saulofi Samueli had'iisa gula indeemne ch'ufa qotiyo isaa akana tolchani! Worri Israeli waan hegeri AABBO Waaqi tolchu sodaate, nami ch'ufti haguma gahuni wolti bahe.