Isaya 57:13 - KITAABA WAAQA

¹³ Hojja isani qarqaarsa kad'attani, waaqooti teesani ta d'ara suni ha isani qarqaartu! Waaqooti suni ufiftu qilleensi diqaani tokoleeni afufe balleesa! Ammo worri na d'ugeefatu lafa tana keesa tae Mana kiyya keesati na kad'ata.

Isaya 57:13 ပူးပေါင်းရင်းမြစ်များ

2 Hayyoota 3:13

Elishani waan hayyu Israelitini jed'e, Anini maanifi si qarqaara, beeni, raagoota abbeetifi haate gula yaani d'aqi. Ammo hayyuuni Israeli waan jed'eeni, Hiyo, laki, achi ind'aqu, nami hayyoota sadeeni tana harka Moabuti kenne AABBO Waaqa.

Aayubu 21:18

aka buuyo qilleensi fuud'u fuud'e, yokhaani aka awaara bubbeeni fuutu ya fuud'e?

Faaru 1:4

Ammo nami ch'ubbu diqole akasi injiru; inni bua buuyo ta bubbeeni fuutu fakaata.

Faaru 118:8

Fulla nama abdatani ira ufi kayani ira hojja AABBO Waaqa d'ugeefatani ira jirti.

Faaru 125:1

Nami AABBO Waaqa abdatu gaara Sioni fakaata, ka nami dandae chochoose imbuqimne.

Faaru 37:11

ammo nami ufi inguddimne lafa d'aale woi horate, nagayaani taa.

Faaru 37:22

Nami AABBO Waaqi eebise lafa d'aala, ammo ka inni abaare keesaa gussani.

Faaru 37:29

Nami d'ugaa lafa d'aale, haga jiru jireenna keesa taa.

Faaru 37:3

AABBO Waaqa d'ugeefad'i, waan dansaa tolchi; lafale nagayaani keesa tai.

Faaru 37:34

AABBO Waaqa d'aabad'i, dubbi isaa gula deemi; inni lafa sii kenne akasiini gurra siti tolcha; duuba atinileeni worra ch'ubbuu ka lafa suni keesaa gussani agarta.

Faaru 37:9

Nami AABBO Waaqa eegatu lafa d'aala; ammo ch'ubbicha keesaa gussani.

Faaru 58:9

Ato worri imbeekanne aka buuyo haamaani; dallansu isaa hamtu keesa Waaqi, ato worri jiru, afufe balleesa.

Faaru 84:12

Ee Waaqa gudda, nami si d'ugeefatu gammada akami qaba!

Mammaasa 28:25

Nami ufooni waan hamtuni lafa d'ufa, ammo nami AABBO Waaqa d'ugeefatu waan guddo horata.

Isaya 11:9

Gaara Waaqaa qulqullo Sioni gubbati nami waan hamtu woli intolchu. Akuma baariini bisaani guutani. Akasuma laftileeni beekha AABBO Waaqatini guutamti.

Isaya 14:32

Nama Filisti ka nuti ergani, maani jennaani? Woni nu jennuuni, AABBO Waaqi yayu Sioni jabeese jaare; nami isaa ka gaargala qabu achiti baqata.

Isaya 25:4

Hiyyeesafi nami qarqaarsa inqamne guyya gaargala siti baqate, qarqaarsa siraa argata. Atini dao taateefi bubbe iraa d'owarte, gaadisa taateefi adu ira d'owarte. Nami hamani aka bubbe adolesa nama d'ae, akuma oola lafa gamooji nama qabata.

Isaya 40:24

Worri mukha diqaya d'io oobrani, ka hidda imbaasini, fakaata. Yo AABBO Waaqi bubbe gadi ergu, gogoge aka bua buuyo bubbeeni fuuti.

Isaya 41:16

Duuba isani qilleensati oldarbitani, qilleensi fuud'e, bubbeeni gargari firfirsiti. Duuba isani waan anini Waaqa keesani tahefi gammaddani ana, Waaqa qulqullo Israeli, faarsitani.

Isaya 45:20

AABBO Waaqi waan jed'u, gumi gosa ch'ufaa wolti koota, isani ka nyaapa keesani jalaa baatani, wolti baha! Worri mukha boch'e waaqa tolfate sunini yau, ka waaqa dandae nama imbaamne kad'atu, worra wo beekhuniti!

Isaya 49:8

AABBO Waaqi waan gumi ufitini jed'u, hojja guyyaani isani baasani gahu, anini isanii nahe, kad'acha teesani isanii d'agaye isani tisse isani qorqorad'e, kara keesanini gosa ch'ufa wold'aqisa woliini tolfad'a. Lafa teesani ta amma badde ona taate tana keesa deebise isani qubachiisa.

Isaya 56:7

Anini Sioni, gaara kiyya qulqullooti, isani geese, Mana kiyya ka iti na kad'ataniti isani gammachiise, sorio isani naa baaftanile isani iraa fud'ad'a. Mana kiyyaani, fulla gochiti ch'ufti Waaqa iti kad'atu jed'ani.

Isaya 60:21

Gumiini tante ch'ufti waan d'uga tolchite, haga jiru jireenna laftileeni ta worraa tati. Anini worra oobre mid'aasa, aka nami ch'ufti guddinna kiyya argu.

Isaya 65:11

Ammo isani worri na lakise gaara qulqullo yaala bahe waaqoota milkifi ayyaana ta Gadifi Menini jed'ani kad'atu, aka d'ibi taha.

Isaya 65:25

Yaifi ilmaani hoola woliini d'eedde, nyeench'ileeni aka looni buuyo nyaate, bofileeni deebie nama inyaatu. Gaara kiyya qulqullo gubbati waan hamtu intolchani yokhaani woma inijeesani.

Isaya 65:9

Anini worra Israeli ka gosa Yuda daraarse, d'alooti worraleeni lafa tiyya ta gaareeni d'aala. Ammalle gumiini anini fohad'e, ta naa hojatu, achi teeti.

Isaya 66:20

Worri nama gosa teesani ch'ufa gosa d'ibi keesaa galche naa kenna. Duuba fardaafi gaangeefi gaalafi gaarini gaara kiyya qulqullo Yerusalemutini d'ufani, akuma worri Israeli mid'aani Waaqaa baasani miha woyyuti naqe mana Waaqatini d'ufu.

Yeremia 2:28

Waaqi isani mid'aafattani meeti? Yo isani gaargala qabaatani ha isani baasuti, yo dandae! Yuda, waaqi kanke akuma dira keeti heddu.

Yeremia 22:20

Worra Yerusalemu waan goli teesani dabsatanifi, Lebanoni d'aqa iyya, lafa Bashanile d'aqa, arrifad'a; gaareeni Moabule keesa arrifad'a.

Yeremia 22:22

Jaarole teesani bubbeeni fud'atte, goli teesani ch'ufa boojiani, nama dira keesani maro ch'ubbu teesanitifi ch'eersani balleesani.

Yeremia 30:14

Jaalani teesani ch'ufti ya isani deete, worri diqole waan keesani iyyaalu. Waan dabi keesani heddate, ch'ubbuuni teesani lafa ira dabarteefi, anini aka nyaapa isani had'e gaargala gudda isanitini d'ufe.

Ezekieli 20:40

Achiti isaani worri Israeli ch'ufti gaara kiyya d'eera qulqullo Israeli gubbati na kad'attani. Duuba aninileeni: huji teesani maache, sorioofi d'ibaayufi waan isani naa baaftani qulqullo ch'ufa isani iraa eegad'e isani iraa fud'ad'a.

Hosea 13:3

Tanaafi worri kunini aka hurri diiramatiifi fit'eesa diirama ka badu jira. Ammalle worri ch'idi qilleensi oobdi iraa afufe fakaata, yokhaani aara qaa mana keesaa yau fakaata.

Yoeli 3:17

Duuba isani aka anini AABBO Waaqa keesani, ka gaara kiyya qulqullo Sioni ira tau, akasiini beetani. Yerusalemuni dira qulqullo taha; nami gosa d'ibi deebie had'e indabsatu.

Zekaria 7:13

Waan worri jecha kiyya ind'agayinifi, anileeni kad'acha worraa d'agayu dide.

Jaallaboota 10:14

Beena, waaqoota isani fohataniti boha; yo isani d'iba argattani ha worri isani baasuti.