Isaya 54:7 - KITAABA WAAQA

⁷ Haga diqa toko anini si lakise ammo eege naasu guddooni si deefad'a.

Isaya 54:7 ပူးပေါင်းရင်းမြစ်များ

Faaru 106:47

Ee AABBO Waaqa keenna, nu baasi, gosa keesati nu firfirsani keesaa nu deebisi, aka nu galata sii deebimne maqa kanke qulqullo faarsinu.

Faaru 107:3

Inni harka nyaapa keesani keesaa isani baase. Lafa nyaapa keesa isani deebise ilaborutiifi ila adutii mirgaafi bitaa woltiini isani d'ufe.

Faaru 30:5

Dallansuuni isaa yoosu badi, ammo eebiti isaa haga jirtu imbaddu. Halkani imbohani, ammo hojja lafti bariite ingammadani.

Faaru 30:6

Anini hojja hormaatafi bultuma qabu waan ufiini jed'e, nami dandae na inchochoosu.

Isaya 11:11

Gaafasi Aabbooni ammalle harka ufii d'eerefate, nama isaa ka lafa Ashurutifi Misiritiifi, Pathrositifi Kushitifi Elamutifi Babilonitifi Hamathitifi lafa d'aatu baariinitifi lafa bisaani baariini jiddu jirtu keesati hafe, galcha.

Isaya 11:12

AABBO Waaqi baandera oliqabe gosa ch'ufa garsiisa, aka inni worra Israelitiifi ka Yuda ka gargari firfirsani boojiani, wolti guure, gama lafa ch'ufaa woltiini d'ufa.

Isaya 12:1

Guyyaani ind'ufa, ka nami sirbe akana jed'u: Ee AABBO Waaqa, anini si faarsa! Atini qara ya nati dallante, ammo amma dallansuuni tante ya siraa galte, atini garaa na jabeesita.

Isaya 14:1

AABBO Waaqi ammalle gumi ufii ta Israeliti nahe, worra fohate, ka ufi tolfate, lafa isaani ta qara taaniti deebise, achiti worra qubsisa. Nami gosa d'ibileeni d'ufe worra woliini taa.

Isaya 26:20

Gumi tiyya, kaa manati gala, balbala ch'ufad'a, haga dallansuuni Waaqa iraa galtuti d'okhad'a.

Isaya 27:12

Guyya suni AABBO Waaqi haguma galaana Fratiti iti keeyate seera lafa Misiriti d'aabe, gumi ufi toko tokooni wolti guura akuma dargaye d'aanani ch'idiini gargari baasani.

Isaya 27:8

AABBO Waaqi gumi ufi lafa nyaapati geese, akasiini gaargala itiini d'ufe. Inni bubbe hamtu ilaboruuti d'ufteeni worra fuud'e itiini d'aabate.

Isaya 40:11

Inni aka tissituuni hori tissitu gumi ufi tissu jira; ammalle ilmoole wolti guure hampaare qomati qabata, hawani isiile laanuma bobaasa.

Isaya 49:13

Ee gubba, sirbi, ee lafa gammadi, lalabi! Gaareenileeni ha farqatte sirbitu! AABBO Waaqi gumi ufi jabeese, nama isaa ka gaargala qabu naha.

Isaya 49:18

Ufi d'aatu millad'i, waan tahuti jira ilaali! Worri kanke ya wolti bahe, gara kanke d'ufuu jira! Anini maqa Waaqa jirutini kakhad'a, atini akuma intalti fuud'ani faaya isiitiini shoobdu worra keetiini shoobda.

Isaya 49:21

Duuba atini waan ufiini jettu, Eenuti ilmaani tana ch'ufa naa d'ale? Anini ilmaani tiyya ya d'abe, ta d'ibile dandae ind'alu. Na boojiani, lafa d'ibi na geesani — ilmaani tana eenuti guddise? Kobuma na lakisani — ilmaani tunini eesa baate?

Isaya 50:1

AABBO Waaqi waan jed'u, Isani waan anini gumi tiyya, aka niiti d'iirsi ufi jalaa baasu, ufi jalaa baasu seetani? Yo akasi taate tatabeeni anini ufi jalaa baaseni meeti? Isani waan anini harka nama isani boojieti isani gurgure seetani? Akuma nama ilmaani ufi tisoomaa gurguru. Hiyo akasiniti, maro daba keesanitifi isani boojiani, maro ch'ubbu teesaniifi ufi jalaa isani baasani.

Isaya 56:8

AABBO Waaqi guddaani ka gumi isaa ta Israeli ta boojiani galche, waan jed'u, Anini nama d'ibi ka boojianile galche, worra woliini teesisa.

Isaya 60:10

AABBO Waaqi waan Yerusalemuni jed'u, Nyaapi naabo te jaare hayyooti worraleeni sii hojati. Anini duri dallane isani gaargalche, ammo ammatana isanii nahe eeba isanii kenna.

Isaya 60:4

Me millad'a, waan taha kana ilaala: worri kanke wolti bahe siti galuu jira. Ilmaani tante ta d'iira lafa fagooti d'ufte, dubra tantele hamparaani d'ufanini.

Isaya 62:4

Deebiani ta lakisani siini injed'ani yokhaani lafa tanteetileeni, Niiti d'iirsi baase injed'ani. Maqaani kanke amma, Waaqi ya isi jaalate taha, lafa tanteetileeni, Ta gammadaani fuud'ani jed'ani, wonti akanatiifi AABBO Waaqati si jaalate, lafa tanteeti d'iirsa taha.

Isaya 63:7

Anini naasufu jaalala AABBO Waaqa namati odeese waan inni nuu tolcheefi isa faarsa. Inni maro naasufi jaalala isaatiifi yayu gumi Israeli qarqaare guddo eebise.

Isaya 66:18

Anini heregaafi huji worra imbeekha. Duuba anini d'ufe nama gosa ch'ufa wolti baasa. Worri yo wolti d'ufe, waan irreeni tiyya tolchu dandeetu arge,

Yeremia 51:5

Anini AABBO Waaqi guddaani worra Israelitiifi ka Yuda illakimne, Ato worri, ana qulqullo Israeliti ch'ubbamele.

Boha 3:31

AABBO Waaqi naaso, haga jiru jireenna nama indidu.

Boha 3:32

Inni dandae laalala namatiini d'ufa, ammo jaalalti isaa ta inni nu jaalatu jaalala d'ugaati, ammalle jabdu.

Ezekieli 36:24

Anini gosa ch'ufafi lafa ch'ufa keesaa wolti isani guure lafa teesaniti isani galcha.

Mika 4:6

AABBO Waaqi waan jed'u, Guyyaani ind'ufa, ka anini naafa wolti yaame, worra boojiani gaargalchani wolti deebisu.

Matayo 23:37

Ee Yerusalemu, Yerusalemu, atini raagoota fitt'e ergattu Waaqi siti erge d'akhaani d'oossite. Maro hagami anini nama kanke ch'ufa, aka lukuuni ilmoole ufi koola jalati guuratu sila guuru fed'e, ammo atini indidde.

2 Korintho 4:17

Gaargali diqaani, ka yoosu hobau, ka nu qamnu kunini eegi tana guddinna hegeritiini nu d'ufa, ka gaargala suni ira jiru.

Efessoon 1:10

Wonti Waaqi tolchu fed'u, aka yo hojjaani geete, uumama lafa ch'ufa ka lafafi gubba jiru woltiini d'ufe Kristo mataa tolchu.

Qaabacha Seera 30:3

AABBO Waaqi keesani isani naha. Inni gosa d'ibi ta inni keesa isani firfirse keesaa isani deebise, ammalle isani horsiisa.

Yakobo 4:6

Ammo eebiti Waaqi namaa kennu hagasi ira jabdu. Wonti akanatiifi t'aafiini waan jettu, Waaqi nama ufi guddisu dide, ka ufi diqeesu eebisa.

2 Petro 3:8

Ammo waan kana inded'ina, jaalaani tiyya! Waaqa durati guyya tokofi ganni kunki tokoleeni haguma taka.