Isaya 5:24 - KITAABA WAAQA

²⁴ Tanaafi amma tana akuma okhayafi buuyooni godduuni ibida keesati gubatu, akasuma hiddi keesani shame, daraaraani keesani goge bubbeeni fud'atti, waan isani, waan AABBO guddaani, Waaqi Israelii, qulqullooni nu barsiise, diddaniifi.

Isaya 5:24 ပူးပေါင်းရင်းမြစ်များ

2 Hayyoota 19:22

Nama atini arabsite goyeesite kana eenu seeta? Nami atini tufate sunini anuma, Waaqa Israeli qulqullo.

Nehemia 9:26

Ammo gumiini tante si lakifte si ch'aqasu didde, Seera kanke dudda iti galte. Worri raagoota worra gorsite, Waaqati deebia worraani jette fit'e. Ammalle worri maro heddu si arabse,

Aayubu 18:16

Hiidi isaa jalati gogoge, dameeni isaa gubbaati qanch'oorati.

Aayubu 8:17

Ammalle hiddi isaa d'akhaati mamarate, siida d'akha ch'ufa qaba.

Faaru 50:17

Isani gorsa kiyya diddani, seera kiyyale ch'absitani.

Bahisa 15:7

Jabeenna kanke guddaani ati nyaapa kanke buufte ufi dura gorsita; dallansuuni tante bobeete aka buuyo gubde worra balleesiti.

Bahisa 5:12

Jennaani worri gargari babahe gara ch'ufa lafa Misiri ke yae ch'idi barbaade.

Isaya 1:31

Akuma buuyo goddu qaanqeeni qabsiiftu, akasuma jari irre qabu huji ufii ta ch'ubbutiini badde, nami worra baddu d'owu injiru.

Isaya 1:4

Badi teesani, isani gosa ch'ubbiti dabditi hameennani yaatu! Ch'ubbu teesaniti gadi isani hirkisa! Isani yayu AABBO Waaqa qulqullo Israeli diddani, dudda iti garagaltani.

Isaya 24:6

Tanaafi Waaqi yayu lafa abaare, biyyitileeni maro wollaala ufitifi gaargaluu jirti. Duuba biyyiti d'umatte, nami diqayaani hafe.

Isaya 26:11

Nyaapi, kanke aka atini worra gaargalchu feetu imbeekhu. Ee AABBO Waaqa, worra ch'eersi gaargalchi. Ha gaargala atini worraa kurfeesite argatuti. Aka atini worra kanke jaalatu worra agarsiisi.

Isaya 30:12

Ammo wonti Waaqi qulqullooni Israeli jed'u tana: Isani waan anini isaniini jed'u diddani nama dabsitani sobdani,

Isaya 30:9

Worri kunini hojja ch'ufa Waaqa dide d'ara dubbate barsiisa AABBO Waaqa gula deemu dida.

Isaya 47:14

Worri sunini jirma buuyo ka ibidi gubu fakaata! Worri sunini dandae ibida suni jalaa ufi imbaasu, ibidi sunini waan nami qanqamaatuniti.

Isaya 7:9

Worri Israelii worra Samariaa ira injiru, worri Samariaa hayyu Peka ira injiru. Yo d'ugefachaani tante irre inqamne atini jabeennaani inteetu.

Isaya 8:6

Waan worri kunini bisaani maddo Shiloa ka laana yaa dide, Resiniifi hayyu Peka durati holateefi,

Isaya 9:18

Ch'ubbuuni gumi aka ibida bobeete, mukha qoraatitiifi mogorele gubde, akuma ibida badda gubu, ka aari guddaani keesaa olbahu taati.

Isaya 9:19

Waan AABBO Waaqi guddaani guddo dallaneefi lafti ch'ufti gubate, ibidi gumi balleese, nami tokoleeni ka arma bahi woliini jed'u injiru.

Yeremia 6:19

Ee lafa ch'aqasi! Waan worri woi malateefi anini badi itiini d'ufa; wonti akanatiifi worri dubbi tiyya dide seera kiyya ch'abse.

Yeremia 8:9

Jara keesani qarootale yayu ch'eersani; worri ya waan tahu wollaale t'urura keesa seene. Worri ya dubbi tiyya dide; qaroomi worri qabu maani?

Ezekieli 15:6

Tanaafi wonti AABBO Waaqi guddaani jed'u tana: Akuma zabibu badda keesa ch'irani gubani akasuma anini nama Yerusalemu keesa jiru tolcha.

Hosea 11:9

Dallansu tiyyaani isani ingaargalchu, deebie Israeli imballeesu. Anini Waaqa, namaaniti. Anini Qulqullicha jiddu teesani jiru. Anini d'ufe isani balleesu imfed'u.

Hosea 5:12

Duuba anini Israeli badi iti buuse worra Yudale balleesa.

Hosea 9:16

Worri Israeli mukha qanch'oorate hiddi goge mid'aani imbaamne fakaata. Worri ijoolle ind'alu, ato d'alelle, anini ijoolle worri jaalatu suni imfit'a.

Yoeli 2:5

Hojja worri fiit'e gaara gubba gulufu, akuma gaari fardi hirkisu qiqillisa; ammalle akuma ibida jirma marraa gubu d'ud'uqisa; akuma nama lola yau ch'orora.

Amosi 2:4

AABBO Waaqi waan jed'u, Worri Yuda ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri ya seera kiyya dide aada tiyyale lakise. Waaqooti d'ara, ta ababooti isaani kad'ate, ya worra kara iraa gorse balleese.

Amosi 2:9

Ammo, gumi tiyya, anini worra gosa Amori, d'ed'eera aka mukha hind'eesa, jajaba aka mukha ejersa, isanii jed'e daara d'owe balleesa.

Nahumu 1:10

Aka hot'e qoraatitiifi gaga buuyo gogodde isani gubani hobaasani!

Malaki 4:1

AABBO Waaqi Guddaani waan jed'u, Guyyaani ind'ufa, ka ch'ubbichafi nami ufi saaduleeni aka buuyo godde gubatu. Guyya suni worri ch'ufti gubate hobae daara d'aba.

Matayo 3:12

Hafareeni isaa harka isaa keesa jirti. Oobdi ufi inqulqulleesa, dargaye wolti qabe khod'oti naqa, ammo qola ibida haga jiru ind'aamneti naqa.

Luqaas 10:16

Nami isani d'agayu nale d'agaya, ka isani didu nale dida; ammalle ka na didu nama na erge dida.

Luqaas 3:17

Inni hafare harkaa qaba, aka fulla dargaye iti hafarsani qulqulleese dargaye khod'oti galfatu; ammo qoola isii fulla ibidi ind'aamneti guba.

Luqaas 7:30

Ammo Farisayoofi jari Seera beekhu mala Waaqaa didani batiso Yohana tuffatani.

Yohana 12:48

Nami na dide dubbi tiyya imfud'anne, nama iti muru toko qaba. Dubbi anini jed'e suniti guyya muumme wollaala iti mura.

Huji Ergattu 13:41

Ilaala, isani ka nama tuffattani! Mama, bada! Anini huji toko bara keesani kana keesa tolcha, huji isani ind'ugefanne, ato nami isaniti odeesele! jettu.

Qaabacha Seera 28:24

Fulla bokaya AABBO Waaqi awaarafi hobombolati isaniti buusa, haga isani hobaataniti.

1Tasaloonqe 4:8

Tanaafi nami barsiisa tana dide ch'ufti nama indinne ammo Waaqa ka Lubbu ufi Qulqullo isanii kennu dida.

1 Samueli 15:23

Diditini isa didani akuma falfala hamtu. Kiyyibi isa durati kiyyibanileeni akuma nama waaqa harkani mid'aasani kad'ate hama. Waan atini dubbi AABBO Waaqa diddeefi, innileeni aka atini hayyu tate worra Israeli dura deemtu ya dide.

1 Samueli 15:26

Ammo Samuelini waan jed'eeni, Anini si woliini indeebiu, atini yayu dubbi AABBO Waaqa didde, innileeni yayu aka atini hayyu Israeli taatu si dide.