Isaya 41:29 - KITAABA WAAQA

²⁹ Waaqooti akana kunini ch'ufti woma keesa injirtu; isiini dandeete woma intolchitu — irreefi jabeenna womatu tokole inqabdu.

Isaya 41:29 ပူးပေါင်းရင်းမြစ်များ

Faaru 96:5

Waaqooti gosa d'ibi taani ch'ufti waan harkaani mid'aasani, ammo AABBOONI ka gubba uume.

Isaya 17:8

Worri deebie waan sorio irati baasani, ka harka ufiitini mid'aasani, inabdatu, yokhaani waan ufiini mid'aasani inheregatani — akheekha waaqa Ashera jed'anitifi waan hit'aana irati aarsani.

Isaya 2:8

Lafti worraa worra waan harkaani boch'ani kad'atanini guutamte, worri waan harka ufiitini mid'aase yaamata.

Isaya 37:19

Waaqa worrale ch'ufa gubde waaqa woma keesa injirre, ka nami mukhaafi d'akha boch'e harkaani mid'aafatu.

Isaya 41:24

Isanifi wonti isani tolchitanileeni woma keesa injirtani; nami isani kad'atuleeni kara badii keesa jira!

Isaya 46:7

Yo nami d'ufe kad'atele, inni indubbatu, yokhaani gaargala keesaa isa imbaasu.

Yeremia 14:22

Waaqi harkaani boch'ani ka gochiti d'ibiini qabdu dandae bokayaani d'ufa? Gubbaleeni dandeete ebele iroobdi? Hiyo, ka namaa roobu siuma AABBO Waaqa keenna. Nami waan kana ch'ufa tolchu sii, abdiini teennaleeni gamuma kee jirti.

Yeremia 5:13

Worri waan jed'e, Raagooti womaniti, qilleensuma, dubbi AABBO Waaqa indubbatu. AABBO Waaqi guddaani waan nani jed'e, Yeremia, waan gumiini tunini dubbi tana jetteefi, Anini dubbi tiyya afaani kanke keesati aka ibida tolcha. Gumiini tunini qoraani fakaati, ibidi gube worra balleesa.

Habakuki 2:18

Wonti harkaani mid'aasani kad'atani kunini maani namaa baati? Isiini ufiiftu akheekhuma, ka nami harkaani mid'aase; d'ara male huji d'ibi inqabdu. Wonti dansaani isiini abba mid'aase d'ugeefatu sunile tolchitu maani? — ka ufiiftu dandeete indubbanne!

Zekaria 10:2

Nami waaqoota d'ara ta harkaani mid'aasani ira wo eegate nama wo himule wo gaafata, ammo dubbi d'araatiifi ta woma keesa injirre iti himani. Nami gari waan oobjuuni d'ooftu hima, ammo d'uga ira isani gorsa; worri sunini qarqaarsa woma imbaanne isanii keenna. Tanaafi biyyiti aka hooliye badde yayaati, aka nama nama tissu inqamne, gaargalti.

Jaallaboota 18:17

Worri dooyaa kaani shanani mana olduude, akheekha mukha ka boch'ani qarsiini mat'ansani kaanifi akheekha d'ibifi woni efodi jed'ani kaani fuud'ani itiini d'aabatani, ka qaallichi nama d'ibba jaa sunini fulla fulloo woliini jiru.

1 Samueli 12:21

Waaqoota d'ara gula iyyaina; waaqooti akasi sunini dandeete isani qarqaarte yokhaani isani imbaaftu, wonti akanatiifi isiini waaqoota d'ugatiniti.