Isaya 41:10 - KITAABA WAAQA

¹⁰ Tanaafi insodaatina, anini isani woliini jira! Anini Waaqa keesani wonti tokoleeni isani imudansisini! Anini isani jabeese isani qarqaare, irre isanii tahe harka kiyyaani isani baasa.

Isaya 41:10 ပူးပေါင်းရင်းမြစ်များ

Uumama 15:1

Eegi suni Abramuuni qonqo AABBO Waaqa ta daayya keesa iti d'ufte d'agaye. Qonqooni suni waan jette, Abramu, insodaatini, anini wonte sii tahe waan guddo sii tolcha.

Uumama 26:24

Halkanuma suni AABBO Waaqi iti mullate waan jed'eeni, Anini Waaqa abba kanke Abrahamuuti. Woma insodaatini, si woliini jira. Anini si eebise ilmaani heddu sii kenna, maro hojattu tiyya Abrahamutiifi.

Uumama 31:5

anini aka abbaani keesani aka duri kaani nati dansa intahiini ya arge, ammo ha taatu, Waaqi abba kiyya taka na illakimne.

Uumama 49:24

Ammo guubeeni isaa inchochoone, harki isaaleeni jabeenna qaba, ka Waaqi Guddaani ka Yakobo kenneefi, yokhaani ka Tissaani Jabaani Israeli tolcheefi.

2 Samueli 22:19

Gaafa anini d'iba keesa jiru nyaapi na had'e, ammo AABBO Waaqi naraa d'owe.

1 Odu duri 12:18

Jennaani lubbuuni Waaqa jara keesa, namicha Amasai jed'ani toko, ka eege jara sodoma kaani mata iti tahe, ira buute, jennaani inni waan jed'e, Daudi ilma Yese, nu goli tanteeti! Waaqi siifi goli tante ch'ufa qarqaare eebisinna, inni gamuma kanke jira, Daudini worra fud'ate goli ufiiti dare askarti isa keesa guddinna kenneefi.

2 Odu duri 20:17

Isani worra inhad'ina, ammo kurfo eegad'a, aka Waaqi isani dabsachiisu inagartani. Isani worra Yudatifi ka Yerusalemu, sodaatani imudamina. Kaa, nyaapa fuula keesa yaa, AABBO Waaqi isani woliini jira.

2 Odu duri 32:8

Irreeni isaa ta namaati, ammo teenna ta AABBO Waaqa keennati, ka nu qarqaare nyaapa keenna nuraa d'owu. Biyyiti dubbi hayyu tana d'ageete jennaani garaa jabaate.

Faaru 144:11

Woraana hama duraa na baasi; harka nyaapa hojja ch'ufa d'ara dubbatu, ka hojja kakhachiisanile kiyyiba dubbatu, jalaa na baasi.

Faaru 144:8

harka nyaapa, hojja ch'ufa d'ara dubbate, hojja kakhachiisanile kiyyiba dubbatu jalaa na baasi.

Faaru 145:14

Inni nama gaargala keesa jiru qarqaare, nama jigele kaasa.

Faaru 147:12

Ee Yerusalemu AABBO Waaqa faarsi, ee Sioni Waaqa kanke faarsi!

Faaru 18:36

Atini kara naa balifte, miila kiyya gufachu d'owarte.

Faaru 27:1

AABBO Waaqi ifsafi baafama kiyya; anini nama tokole insodaad'u. AABBO Waaqi gaargala lubbu ch'ufa duraa na baasa, anini woma insodaad'u.

Faaru 29:11

AABBO Waaqi gumi ufii eebise nagaya kennaafi.

Faaru 33:12

Ayyaana gosa suni, ta AABBO Waaqa, Waaqa ufii tolfatu; ayyaana worra inni fohate gumi ufii tolfate!

Faaru 37:17

wonti akanatiifi AABBO Waaqi ch'ubbicha irre isaa iraa fuud'a, ammo nama d'ugaa jabeese qorqorata.

Faaru 37:24

Inni yo jigele achiti inhafu, wonti akanatiifi AABBO Waaqati isa kaasa.

Faaru 41:12

Maro anini waan d'uga tolchufi atini na qarqaarte, haga jiru jireenna fulla tante na teesifta.

Faaru 46:11

AABBO Waaqi guddaani nu woliini jira, fullaani nu iti baqannu Waaqa Yakobooti.

Faaru 46:7

AABBO Waaqi guddaani nu woliini jira, fullaani nu iti baqannu Waaqa Yakobooti.

Faaru 63:8

Anini siti marad'e, harki keetileeni jabeese na qaba.

Faaru 65:5

Atini dabsacha nu kennite, waan mama tolchite nu baafte, akasiini kad'acha teenna nuu d'ageete. Nama lafa keesa jiru ch'ufafi ka galaana gama jiruleeni ch'ufti si abdata.

Faaru 99:4

Ee Hayyu gudda, atini waan d'uga jaalate, Israeli keesa d'uga suni jabeesita; atini d'ugaafi qajeeluma lafaani d'ufte.

Bahisa 14:13

Musani waan jed'eeni, Insodaatina, jabaad'a, aka AABBO Waaqi isani baasu arra laala; wonti akanatiifi worri Misiri ka arra agartani kana deebitani haga jiru jireennale ingartani.

Bahisa 20:20

Jennaani Musani waan biyyaani jed'e, Insodaatina; wonti akanatiifi Waaqi isani laalu d'ufe, aka isani isa sodaatani ch'ubbu intolchine.

Isaya 12:2

AABBO Waaqi ya na baase, anini isa d'ugeefad'e woma insodaad'u inni irree jabeenna naa kenne, naa baase.

Isaya 35:4

Waaqi ya isani baasu d'ufe, aka nyaapa keesani balleesu.

Isaya 37:6

qonqo deebiseefi waan jed'e: AABBO Waaqi waan jed'u, Dubbi hojatu Ashuru, ta worri na arabse tana jettani insodaatina.

Isaya 43:5

Insodaatina, anini isani woliini jira! Lafa fagoo ta ilaborutiifi ta ila adu keesaa gumi tante galcha.

Isaya 44:2

Anini AABBO Waaqa, ka isani uume; haguma gaafa isani d'alattaniti anini ya isani qarqaare. Insodaatina isani hojatu tiyya, gumi tiyya ta anini jaalad'e fohad'e.

Isaya 49:8

AABBO Waaqi waan gumi ufitini jed'u, hojja guyyaani isani baasani gahu, anini isanii nahe, kad'acha teesani isanii d'agaye isani tisse isani qorqorad'e, kara keesanini gosa ch'ufa wold'aqisa woliini tolfad'a. Lafa teesani ta amma badde ona taate tana keesa deebise isani qubachiisa.

Isaya 50:9

AABBO Waaqa guddati na qarqaara eenuti dandae wollaala nati mura? Nami na himatu ch'ufti imbada, akuma woya bilaachi nyaate balleesu.

Isaya 52:7

Miili worraa odu dansa nagaya odeesu akami mid'aaga! Inni baafama odeese waan Sionini jed'u, Waaqi kanke hayyu lafa mohatu!

Isaya 60:19

Ifsa guyya ka adu deebite imbarbaadu, halkanile ifsa jiale woma ira inqabdu; ifsaani kanke ka jiru jireenna anuma, AABBO Waaqa, ifsaani guddinna kiyyaleeni sii ifsa.

Boha 3:57

na jalaa owaate, insodatini nani jette.

Danieli 10:12

Jennaani isiini waan nani jette Danieli, insodaatini, Waaqi haguma gaafa qara atini wo hubachaa jette ufi diqeesite yayu kad'acha tante d'agaye, aninileeni maro kad'acha tanteetitifi d'ufe.

Danieli 6:16

Jennaani hayyichi seera baase, Danieli qaba, goda nyeench'i miju keesa buusa jed'e. Duuba inni waan Danielini jed'e, Waaqi kanke, ka atini guyya ch'ufa kad'atu, si baasinna

Hosea 1:9

Jennaani AABBO Waaqi waan Hoseani jed'e, Maqa isaa, Nama kiyyaniti baasiifi; wonti akanatiifi isani nami Israeli nama kiyyaniti, anileeni Waaqa keesaniniti.

Hagai 1:13

Jennaani Hagai d'aamsa AABBO Waaqaa biyyati hime waan jed'e, AABBO Waaqi waan jed'u, Anini isani woliini jira.

Hagai 2:5

Gaafa isani lafa Misiri keesaa baatani, Haga jiru jireenna isani woliini taa jed'e, ammalle isanuma woliini jira, insodaatina jed'e.

Zekaria 10:12

Anini gumi tiyya injabeesa; worrileeni na kad'ate naa saalfata. Nami dubbi tana jed'e AABBO Waaqa.

Zekaria 10:6

Anini worra Yuda jabeese, worra Israeli baasa; anini worraa nahe worra ch'ufa ufiti deebise, worrileeni aka nama anini taka indidini taha. Anini AABBO, Waaqa worraati, kad'acha worrale ind'agayaafi.

Zekaria 13:9

Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna.

Luqaas 1:13

Ammo malaikaani waan jetteeni, Insodaatini, Zekaria, kad'acha tante la d'agayani, niitiini tante Elisabeti ilma sii d'alti, atini maqa isaa Yohana baafta.

Luqaas 1:30

Malaikaani waan jetteeni, Mariamu, insodaatini, Waaqi ya si eebise.

Roomaa 8:31

Ka waan ch'ufa garru, nu maani jenna? Yo Waaqi gama keenna jiraate, eentu dandae nu dabsata?

2 Korintho 12:9

Inni waan naani jed'e, Eebiti tiyya sii geeti; jabeenni kiyya hojja atini laafa waan gudda. Maro waan kanatifi anini guddo laafinna kiyyafi ufi guddisa, aka jabeenni Kristo na gubba tau.

Efessoon 3:16

Anini Waaqa kad'ad'a, aka inni durooma guddinna ufitiini jabeenna Lubbu Qulqullo ta garaa keesani jabeesitu isanii kennu,

Qaabacha Seera 20:1

Hojja isani nyaapa keesanini wolhad'u d'at'ani, gaari fardi hirkisufi fardoole askarti heddu ta teesani ira jirtu argitani, worra insodaatina. AABBO Waaqi keesani, ka lafa Misiri keesaa isani baase, isani woliini jira.

Filipi 4:13

Anini irre waan ch'ufaani dabsad'u qaba, jabeenna Kristoni naa kenneeni.

Yoshua 1:9

Anini qara ilaafini, garaa jabaad'i siini injenne? Sodaate garaa ilaafini, wonti akanatiifi anini, AABBO Waaqi kanke, fulla atini deemtu ch'ufa sii wahelcha.

Jaallaboota 6:16

AABBO Waaqi waan jed'eeni, Insodaatini, indandeeta, anumati si woliini jira. Atini worra Midiani yoosu balleesita, aka nama toko balleesani.