Isaya 40:26 - KITAABA WAAQA

²⁶ Me gubba ilaala, urji isani agartani tana eenuti uume? Nami uume isuma, ka isi tokotokooni gayaasu; inni haga isii imbeekha ammalle ch'ufa maquma isiitiini yaama! Irreeni isaa guddo jabdu, tanaafi urjini suni tokoleeni imbaddu!

Isaya 40:26 ပူးပေါင်းရင်းမြစ်များ

Uumama 1:14

Jennaani Waaqi waan jed'e, Ifsaani ha gubbaa mullattu, aka halkanifi guyya gargari beekhani.

Uumama 1:16

Akanaani Waaqi ifsa gugurda lama tolche, adu ta guyya mohatu, jia ka halkani mohatu; ammalle urjile mid'aase.

Faaru 102:25

Atini duri lafa uumte harka keetiini gubba mid'aasite.

Faaru 119:91

Wonti ch'ufti maro dubbi teetitiifi ammalle maro sii hojattufi haga arrale jirti.

Faaru 121:1

Anini hojja ch'ufa tae gaareeni ilaala. Qarqaarsi kiyya eesa gad'ufa?

Faaru 19:1

Gubbaani guddinna Waaqaa nama garsiifte, waan inni harka ufiitini mid'aase namati himti.

Faaru 66:3

Waan isani Waaqaani jettani, wonti atini hojattu ch'ufti waan mamaati! Irreeni tante guddo jabdu tanaafi nyaapi kanke mudame si durati qanch'oorata.

Isaya 34:16

Kitaaba AABBO Waaqa ka waan bineensa keesati t'aafani barbaada sooma. Bineensa kana tokole keesa ind'abdani, inni ch'ufti d'alaafi korma qaba. Nami bineensa kana wolti baase AABBO Waaqa, isumati wolti yaame.

Isaya 42:5

Waaqi gubba uume ballise, lafafi waan keesa jirale ch'ufa mid'aase, hafuura jireenna nama keesa tau ch'ufaa kenne, Duuba ammatana AABBO Waaqi waan hojatu isaatini jed'u,

Isaya 44:24

Anini AABBO Waaqa, ka isani baase; anumati isani uume. Anini AABBO Waaqa, ka waan ch'ufa mid'aase gubbale qofuma tiyya dirirse; gaafa anini lafa mid'aase namu na inqarqaare.

Isaya 45:12

Nami lafa mid'aase nama isi irati uume anuma. Harka kiyyaani anini gubba dirirse aduufi jiaafi urjileeni harka kiyya keesa jirti.

Isaya 45:7

Anini ifsa mid'aase dukanale uume gaargalaafi nagayale namaatiini d'ufa. Waan kana ch'ufa ana AABBO Waaqa tolcha.

Isaya 48:12

AABBO Waaqi waan jed'u, Ee Yakobo, na ch'aqasa, worra Israeli ka anini yaame! Anini Waaqa, ka qaraatifi ka eegeleni anuma!

Isaya 48:13

Anini harka kiyyaani lafa yayabe gubba dirirse. Lafafi gubbaleeni hojja anini yaamu maro tokotu d'ufte na dura ejiti.

Isaya 51:6

Gubba millad'a, lafale ilaala! Gubbaani aka aara badde, laftileeni aka woya ch'ich'ite, nami isii aka tiite hobaa. Ammo baafami, kiyya haga jiru jireenna taa, d'ugaani tiyya haguma jirtu imbaddu.

Isaya 66:2

Nami lafafi gubba uume anumaniti? Nami anini iraa gammadu, nama ufi diqeese ch'ubbu lakise, na sodaate naa saalfatu.

Qaabacha Seera 4:19

Ufi eegad'a aka ilaalacha keesa seentani waan gubbati gartani adu jia, yokhaani Urjiifa guddiftani kad'atani inhojanneefi. AABBO Waaqi keesani yayu waan kana biyya taani d'ibii kenne, aka worri kad'atu.