Isaya 4:4 - KITAABA WAAQA

⁴ Jabeenna isaatini AABBO Waaqi nad'eeni Yerusalemu qulqulleese ch'ubbu worratiifi d'iiga achiti jissani d'iqa.

Isaya 4:4 ပူးပေါင်းရင်းမြစ်များ

Faaru 51:2

Hameenna kiyya ch'ufa naraa d'iqi, ch'ubbu tiyya ch'ufa na qulqulleesi!

Faaru solomoni 3:11

Koota, nad'eeni Sioni, hayyu keesani Solomoni dawaad'a, inni sure hayyuma ta haati guyya fuud'a isaa ka gammadafi qilit'ama mata isaa ira keete ufira qaba.

Isaya 1:15

Yo isani harka nati oliqabattani na kad'attani anini isani illaalu. Ato isani haga feetani ch'ufa kad'attani, anini isani inch'aqasu wonti akanatiifi isani nama harka d'iigaati.

Isaya 1:25

Anini isaniti garagale, aka sibiila isani basse t'uri teesani ch'ufa isani iraa baasa.

Isaya 1:31

Akuma buuyo goddu qaanqeeni qabsiiftu, akasuma jari irre qabu huji ufii ta ch'ubbutiini badde, nami worra baddu d'owu injiru.

Isaya 27:9

Ammo hojaani Israeli daba araaramani, hojja d'akha sorio waaqa d'araati irati baasani ch'ach'absani daara tolchani. Ammalle waan hit'aani irati aarsanifi akheekha waaqa Ashera jed'ani balleesani ch'alla.

Isaya 28:6

Inni nama dubbi qoru qajeelche d'uga garsiisa; ammalle worra balbala fullo diraa qorqoratule jabeenna tahafi.

Isaya 9:19

Waan AABBO Waaqi guddaani guddo dallaneefi lafti ch'ufti gubate, ibidi gumi balleese, nami tokoleeni ka arma bahi woliini jed'u injiru.

Isaya 9:5

Kobele worra duulaatiifi woya isaani, ta d'iigi balleese, ibidaani gubani.

Boha 1:9

T'urini isi iti marate, ammo isiini waan iti deemtu iyyaalle. Isiini gaafa jidde aka hama lafa d'oofte; nami tokoleeni ka iraa hafi jed'eeni injiru. Nyaapi yayu isi dabsate, duuba isiini naasu AABBO Waaqaati booti.

Ezekieli 22:15

Anini nama kanke gosa ch'ufafi lafa ch'ufa keesa firfirse, huji tante hamtu ch'ufa hobaasa.

Ezekieli 36:25

Anini bisaani qullo isaniti fifit'e, akasiini waaqoota d'ara ka isani kad'atanifi waan hamtu isani ufiini t'ureesitani ch'ufa isani iraa qulqulleesa.

Ezekieli 36:29

Anini waan isani t'ureesa ch'ufa keesaa isani baase, isanii eebise, lafti teesanileeni aka isani deebitani beela ingarre, mid'aani guddo isanii baafti.

Sefania 3:1

Gaargala kanke Yerusalemu, dira ch'ubbuuni iraa dabarte, ka Waaqa dide nama ufile dabse.

Zekaria 13:1

AABBO Waaqi Guddaani waan jed'u, Gaafa guyyaani suni gahe, madda ilmaani Dauditifi worra Yerusalemu dabafi t'uri iraa qulqulleesitu banani.

Zekaria 13:9

Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna.

Malaki 4:1

AABBO Waaqi Guddaani waan jed'u, Guyyaani ind'ufa, ka ch'ubbichafi nami ufi saaduleeni aka buuyo godde gubatu. Guyya suni worri ch'ufti gubate hobae daara d'aba.

Matayo 23:37

Ee Yerusalemu, Yerusalemu, atini raagoota fitt'e ergattu Waaqi siti erge d'akhaani d'oossite. Maro hagami anini nama kanke ch'ufa, aka lukuuni ilmoole ufi koola jalati guuratu sila guuru fed'e, ammo atini indidde.