Isaya 4:2 - KITAABA WAAQA

² Guyyaani ind'ufa, ka AABBO Waaqi dame lafa keesa jirtu ch'ufa guddise mid'aadu tolchu. Nami Israelii ch'ufti, ka hafe, mid'aani lafti sunini baaftu iraa gammade, kiyyibaani.

Isaya 4:2 ပူးပေါင်းရင်းမြစ်များ

Faaru 67:6

Lafti yayu sagale baafte; Waaqi keenna ya nu eebise.

Faaru 72:16

Mid'aani ha bahani lafa ira dabraniti; mid'aani sunini ha kubilee ch'ufa ira guutani, mid'aani Lebanoni fakaataniti. Akuma buuyooni lafa guutte dirale ha nami keesa guututi.

Bahisa 28:2

Woya qulqullo oboleesa kanke Haruni hod'i, ta mid'aagumafi guddinna kennituufi.

Isaya 11:4

Inni hiyyeesa d'ugaani qore, nama qarqaarsa inqamne kalcha. Jecha isaa gula wollaala namati murani, dubbi isaatini nama ch'ubbu fit'ani.

Isaya 26:1

Guyya suni sirba kana lafa Yuda keesati sirbani: Diri keenna jaba! Waaqumati naabo isaa qorqorata!

Isaya 27:6

Guyyaani ind'ufa, ka worri Israeli, d'alooti Yakobo, aka mukha hidda baase, late daraare lafa ch'ufa mid'aaniini qabatu.

Isaya 30:23

Hojja mid'aani fach'aaftani, AABBO Waaqi bokaya isani erge mid'aani suni isanii baase sagale guddo isanii kenne, horiini keesanileeni marra guddo argata.

Isaya 45:8

Ee gubba, d'uga aka bokaya ga roobi, duumansi ha d'uga sunini d'ufu; lafti ha banamte baafami gadi yauti; d'ugaleeni ha woliini gadi baatu. Nami waan kana tolchu ana AABBO Waaqa.

Isaya 53:2

Inni AABBO Waaqa durati akuma mukha late, hiddi isaa lafa goddu keesati bahu jira. Inni guddinnaafi mid'aaguma nu isani millannu inqabu, wonti nami millate isaani jaalatu tokoleeni injirtu.

Isaya 60:15

Deebiani si jibbani aka dira bade ona tahe si biraa ingodaanani. Anini dira gudda mid'aaga si tolcha, ka hagu jiru jireenna nami keesati gammadu.

Isaya 60:21

Gumiini tante ch'ufti waan d'uga tolchite, haga jiru jireenna laftileeni ta worraa tati. Anini worra oobre mid'aasa, aka nami ch'ufti guddinna kiyya argu.

Isaya 61:11

Akuma sanyini fach'aasini baate latu, akasuma AABBO Waaqi guddaani gumi ufi baase gochiti ch'uftileeni isa faarsiti.

Yeremia 23:5

AABBO Waaqi waan jed'u, Guyyaani ind'ufa, ka anini d'aloota Daudi keesa nama d'uga toko fohad'e hayyu tolchu. Hayyichi sunini kara dansaani nama fidde, waan d'ugaatifi ka qajeela lafa ch'ufa keesati tolcha.

Yeremia 33:15

Gaafasi anini d'aloota Daudi keesa nama d'ugaa toko fohad'e, hayyu tolcha. Inni waan d'ugaatifi ka qajeela lafa suni keesati tolcha.

Yeremia 44:14

Nami Yuda ka hafe ka amma d'ufe lafa Misiri tau, tokoleeni baqate duraa imbahu. Nami tokoleeni lafa Yuda, ta guddo iti deebiu fed'uti, indeebiu, nama tatake toko ka baqate male.

Yeremia 44:28

Ammo isani nami takeeni iraa hafe lafa Misiri keesaa lafa Yudati deebia. Duuba akanaani jari hafe suni dubbi tiyyafi ta worra, ta d'ugaa taate, gargari beekha.

Ezekieli 34:29

Anini lafa guddo mid'aani baaftu worraa kenne beelale lafa suni keesaa balleesa. Gochiti d'ibileeni deebite worra goyeesite intufattu.

Ezekieli 36:8

Ammo isani, gumi tiyya ta Israeli gaareeni teesani gubba mukeeni deebite obeensaafi mid'aanile baafti Isanileeni d'iotu lafa teesaniti galtani.

Ezekieli 7:16

Hagiini aka sabaliisa bale keesaa rifatu rifate gaareeniti baqata. Nami ch'ufti ch'ubbu ufitifi laalefate boha.

Yoeli 2:32

Duuba nami maqa AABBO Waaqaa yaamatu ch'ufti imbaafama. Akuma AABBO Waaqi jed'e, Gaara Sionitiifi Yerusalemu keesale nami baqate fiigu injira; nami fiige suni worra anini fohad'e.

Yoeli 3:18

Gaafasi gaareeni mukha zabibu baaftu daad'iini iraa jidde, kubile aanaani iraa lolaani; lagi lafa Yuda ch'ufti iyyaa. Madditi Mana Waaqa keesaa yaate Bale Shitimuti naqati.

Obadia 1:17

Ammo gaara Sioni gubba worra baqate baheti taa; ammalle fullaani suni fulla woyyuma taati. Duuba worri Yakobo lafuma ufii ta qara argata.

Zekaria 3:8

Duuba Yoshua, qaallicha gudda ch'aqasi, ammalle qaalole wahela isaa isanileeni ch'aqasa, isani akheekha dansa milki ka d'ufu: anini hojattu tiyya ta Dame jed'aniini d'ufa!

Zekaria 6:12

Duuba waan jettuuni, AABBO Waaqi Guddaani waan jed'u, Namichi Dame jed'ani sunini aka dansaa fulla jiru suniiti late bahe Mana AABBO Waaqaa jaara.

Zekaria 9:17

Lafti sunini akami midaad'u dansa! Nami kaima mid'aanifi daad'i isiitiini jabaate irre baasa.

Malaki 3:17

AABBO Waaqi Guddaani waan jed'u, Worri suni worra kiyya taha, guyya anini wo tolchu. Ani worraa naha, akuma abbaani ilma isaa ka isaa hojatuu nahu.

Matayo 24:22

Ammo Waaqi ya guyya suni gabaabse; yo inni akasi intolchiini, nami tokoleeni sila imbahu. Maro worra inni fohateefi, Waaqi guyya ingabaabsa.

Luqaas 21:36

Hojja ch'ufa eegad'a, kad'ad'a, aka waan d'ufa kana ch'ufa jalaa baatani, Ilma Nama dura ejaanjattani.

Yohana 1:14

Dubbini nama taate, jiddu teenna teete, nu guddinna isaa agarre, akuma guddinna Ilma tokocha ka gara Abbati bahe, ka eebafi d'ugaani guutame.

2 Korintho 4:6

Waaqi, Dukana keesa ifsaani ha ifsu jed'eti ifsa kana garaa keenna keesati ifse, aka ifsa hubacha guddinna Waaqa nuu kennu ka fuula Kristoti ifsu.

2 Petro 1:16

Wonti akanatiifi nu odu duri ta woma keesa injirre gula, aka Aabbo Yeso Kristoni jabeennaani d'ufu, isaniti inhimne. Iluma teennaani guddinna isaa agarre!