Isaya 30:1 - KITAABA WAAQA

¹ AABBO Waaqi waan jed'u, Nami lafa Yuda mohatu waan na dideefi ya bade. Worri mala anini worraa ind'aini gula deeme, fed'i tiyya male wold'ageeti woliini tolfate, akanaani dabi worraa guddate.

Isaya 30:1 ပူးပေါင်းရင်းမြစ်များ

2 Hayyoota 18:21

Atini mala keeti waan worri Misiri si qarqaaru seeta, ammo mali sunini nama ilaadu ule sehe, ta yo inni lafati d'aabu ch'abt'e harka woraantu fakaata. Aki hayyuuni Misiri nama isa d'abatu tolchu akasi.

2 Hayyoota 18:24

Atini akami dandeete hojattu abba kiyya ta guddinna womaatu inqamne d'owarta, ka ufiftu waan worri Misiri gaariifi askarti farda sii kennu seeta?

Faaru 61:4

Mana kanke qulqullo keesa haga jiru jireenna na teesisi; gaadisa koola keeti jalati na tissi.

Isaya 1:2

AABBO Waaqi waan jed'e, gubbafi lafa, dubbi tiyya ch'aqasa! Ijoolleeni anini gugurdise ya nati garagalte na didde.

Isaya 1:23

Worri kanke gugurdaani nama d'ugaa dide hattu waheelchu: worri hojja ch'ufa gumbo jaalate waan nama ira nyaatu barbaada. Worri ilmaani hiyyeeyiti indubbatu, yokhaani nad'eeni hiyyeeyi dubbi isii jalaa inqabu.

Isaya 1:4

Badi teesani, isani gosa ch'ubbiti dabditi hameennani yaatu! Ch'ubbu teesaniti gadi isani hirkisa! Isani yayu AABBO Waaqa qulqullo Israeli diddani, dudda iti garagaltani.

Isaya 1:5

Isani maafi ammalle teetani na diddani! Isani gaargala hagasi ira argachu feetani? Ee Israeli, mataani keesani ya mamadae, garaafi qalbiini teesani fayya inqabdu.

Isaya 28:15

Isani kiyyibdani waan jettani, Nu yayu duisani wolti kakhaanne irreesaleeni wold'anne. Ammalle hojja gaargali hamani lafa teenna d'ufele woma nu intolchu, wonti akanatiifi, yayu d'ara fulla iti d'eennu tolfanne, fulla kiyyibati baqanne jettani.

Isaya 28:20

Isanii namicha sire diqo isa ingeenne ira rafu, ka woyaleeni miila ingeenne, fakaatani.

Isaya 29:15

Worri haga dandau mala ufi AABBO Waaqa d'ofatu ya bade! Worri d'ossani wo tolche waan jed'u, Eenuti na arga. yokhaani eenuti quba quba?

Isaya 30:9

Worri kunini hojja ch'ufa Waaqa dide d'ara dubbate barsiisa AABBO Waaqa gula deemu dida.

Isaya 31:1

Nama lafa Misiri qarqaarsa kad'achu d'aqu ya bade! Worri fardaafi gaari fardi hirkisufi askarti worraa heddu abdata. Ammo AABBO Waaqa Qulqullo Israeli, inabdatani, yokhaani qarqaarsa inkad'atani.

Isaya 32:2

Worri suni ch'ufti dao qilleensa nama ira d'owartufi fulla bubbe iti d'okhatani fakaata. Worri bisaani lafa gamooji keesa yaatifi gaadisa rabsu d'akhaa, ka lafa d'eebicha keesa tau, fakaata.

Isaya 4:5

Duuba gaara Sionitiifi nama achiti wolti d'ufu AABBO Waaqi guyyaa dumansa iti erge halkanile aarafi ibida bobau iti erga. Guddinni Waaqaa dira suni dumansaani d'ossa.

Isaya 5:18

Isani ya baddaani! Worra ch'ubbu lakisuu dide ufi gula hirkise yauuni,

Isaya 63:10

ammo worri isa dide, aka hama isa laalefachiise. Tanaafi AABBO Waaqi nyaapa worrati tahe worra had'e.

Isaya 65:2

Anini haguma duriti harka balliseti, worra mata jabaate, na dide, kara ufi gula yau kana yaama.

Isaya 8:11

AABBO Waaqi jabeenna isaatini na gorse waan jed'e, kara worri kunini gula yau gula indeemini.

Isaya 8:12

Mala worraa keesa inseeniini, waan worri sodaatu insodaatini.

Isaya 8:19

Ammo biyyiti waan isaniini jettu, Nama wo himu falfaltu, worra ekhera yaamatu, ka woch'e haasaani wo dubbatu, gaafad'a. Worri waan jed'u, silaaftu nami ergattu gara ekheraati d'ufte maro nama jiruti jed'e wo gaafata.

Yeremia 17:5

AABBO Waaqi waan jed'u, Anini nama na lakise abdi isaa nama ira keeyatu, ka yokhaani jabeenna namaa d'aabatu inabaara.

Yeremia 2:18

Mala keesaani, isani yo lafa Misiri d'at'ani, bisaani galaana isii d'uddani, waan woi keesaa argatani seetani? Mala keesaani, isani yo lafa Ashuru d'at'ani, bisaani galaana Frati d'uddani, waan woi keesaa argatani seetani?

Yeremia 37:7

Waan atini Sedekia ka gara kiyya si ergeeni jettu, Duuli Farao, ka si qarqaara karaa jiru, lafa ufiti dachaa.

Yeremia 4:17

Yerusalemu aka nama oobru tissu marsu, waan gumiini isii AABBO Waaqa diddeefi. Nami dubbi tana jed'e AABBO Waaqa.

Yeremia 42:19

Ammalle anini waan jed'e, Ee worra Yuda ka hafe, AABBO Waaqi waan isaniini jed'u, lafa Misiri ind'aqina. Aninileeni amma tana waan kana isaniti hima:

Yeremia 5:23

Ammo gumi tana, mataani keesani jajaba, waan didani male waan d'ibi imbeetani; isani ya naraa gortani, kara d'ibi iti d'abatani.

Ezekieli 11:2

Waaqi waan nani jed'e, Namicha, jari kunini waan hamtu herege dira kana keesati mala hama namaa d'aa.

Ezekieli 2:3

Namicha, anini gara gumi Israeli si erga. Worri ya nati garagale nyaapa nati tae, akuma ababooti worraa duri taate.

Ezekieli 24:3

Gumi mata jajabdu, ta na diddu tana mammaasa kana iti himi waan jettuuni, wonti AABBO Waaqi guddaani jed'u tana: Okote bisaani guuti, ibida ira d'aabi.

Ezekieli 29:16

Worri Israeli itumaa deebie qarqaarsa worra ind'aabatu. Duuba akanaani worri Israeli aka wonti worri duri Misiri d'aabateefi kaani wollaala arge hubata. Akanaani duuba worri Israeli aka anini AABBO Waaqa beekha.

Ezekieli 3:9

Anini adda tante aka d'akha jabeese aka sibiila si tolcha; worra na dide nyaapa nati tae kana insodatini.

Hosea 11:6

Nyaapi dira worraa keesati goraadeeni nama balleese, balbala fullo dira worrale ch'abse, maneeni worraa jajabdu keesati worra hobaasa.

Hosea 13:2

Ammalle amma tanale sibiila tumani, akheekha woi tolchani kad'atani, akasiini daba tolchani — woni kad'atani suni qarsi ogeeyiini oguma ufiitini mid'aasite. Duuba, sorio baasaafi biyyaani jed'ani. Nami akami dandae waaqoota aka akheekha korma looni mid'aasani d'ungata?

Hosea 7:13

Worri waan naraa gore na lakiseefi ya bade! Tanaafi worra ha balleesani! Anini qara worra baasu fed'e, ammo worri d'ugaani na inkad'anne.

Zekaria 4:6

Jennaani malaikaani suni waan naani jette, Tunini dubbi Waaqi Zerubabelini jed'e: Atini irreeniti yokhaani jabeennaniti lubbu tiyyaani wo dabsatta.

Henna 32:14

Amma isanileeni yayu abbooti teesani suni gula baatani, d'aloota d'ibi ka daba taatani, dallansu hamtu AABBO Waaqaa worra Israelitini d'uftani.

Roomaa 2:5

Ammo garaani kanke jaba hama. Tanaafi atini qorsuma tante, ta gaafa dalansufi qorsumaani Waaqa ta d'ugaa mullattule, iti darachu jirta.

Qaabacha Seera 29:19

Eegad'a, aka nami arra arma jiru tokoleeni, ka dubbi wold'aqisa tana d'agaye garaa ufii keesa ufi sobe, Anini woma intahu, wonti kiyya ch'ufti naa tolti, ato anini mata jabaad'e hereguma kiyya gula deemele jed'u injirre. Heregi sunini isani ch'ufa dadaansafi hamamole akuma taka balleesa.

Qaabacha Seera 9:24

Haguma anini isani arge isani dubbi AABBO Waaqa diddani.

Qaabacha Seera 9:7

Deebitani inded'ina, aka isani AABBO Waaqa keesani lafa aloo ta gamooji keesati dallansiiftani. Haguma gaafa duri lafa Misiriti kaatani armaani baatani isani dubbi isaa diddani.

2 Timotheo 3:13

ammo nama hamafi kiyyibaani ch'ufti ira hamaata, ufi sobani nama d'ibile sobani.

Yoshua 9:14

Duuba worri Israeli, ka AABBO Waaqaani ingahatini, sagale worra iraa fud'ate nyaate.