Isaya 3:10 - KITAABA WAAQA

¹⁰ Nami d'ugaa ingammada, wonti ch'ufti intoltifi. Worri waan hojate iraa wo argata,

Isaya 3:10 ပူးပေါင်းရင်းမြစ်များ

Uumama 18:25

Atini nama ch'ubbu inqamne dandeete ka ch'ubbu qabu woliini inhobaaftu. Suni sii imfakaattu. Yo atini akasi tolchite, ka ch'ubbu qabuufi ka ch'ubbu inqamneleeni woliini hobaa. Wonti kunini diqole intaatu. Jaallabi lafa tana ch'ufaa waan d'uga intolchu?

Faaru 58:11

Duuba nami waan jed'u, Nami d'uga qajeelani waan isaa malle ya argate; d'uguma Waaqati jira, ka lafa wollaala iti muru.

Bahisa 1:20

Duuba Waaqi deesiftu suni eebise, worri Israelileeni heddate jabeenna argate.

Mammaasa 10:6

Nami dansaani eeba argata, ammo nami hamaani dubbi afaani isa keesaa baatuni hameenna garaa ufi d'ofata.

Mammaasa 12:14

Nami woma jed'ufi woma tolchu gula waan maleefi argata.

Mammaasa 13:21

Gaargali ch'ubbicha hordofa, ammo nami d'ugaa hormaata argata.

Mammaasa 18:21

Dubbini atini jettu si ijeefti yokhaani si jireesiti, tanaafi waan dubbi tante ira siti gad'ufa, hamtufi toltule, ch'ufa fud'ad'i.

Abba herega 8:12

Ch'ubbichi dandae maro d'ibba toko hameenna tolche iraa hafe lubbu bula. Anini waan nami jed'u imbeekha; hojja atini Waaqa sodaatte woma intaatu,

Isaya 54:17

Ammo woraani tokoleeni dandae woma si intolchu; nama si himatu ch'ufa waan jettuuni qabda. Anini hojatu tiyya ch'ufaa kalche, waan ch'ufa worra dabsachiisa. Dubbi tana AABBO Waaqati jed'e.

Yeremia 15:11

Ee AABBO Waaqa, abaarsi worri na abaaru ha na qabatu, yo anini aka dansaa sii inhojatiini, ammalle yo anini nyaapa kiyya, ka gaargalafi d'ipu keesa jiru, jed'e si inkad'atiini.

Yeremia 21:14

Ammo anini maro waan atini taateefi, si gaargalche badda teesani gube, ibidi sunini waan d'aatu jira ch'ufa guba. Nami Dubbi tana jed'e ana, AABBO Waaqa.

Yeremia 22:15

Yo atini mukha hind'eesatini mana jaarate, waan hayyoota ch'ufa ira jirtu ufi seeta? Abbaani kanke nyaate d'uge waan d'ugaatifi ka qajeela gula indeemne? Tanaafi inni waan tolchu ch'ufa keesa eeba argate.

Yeremia 7:23

Ammo seera kana kenneefi: Dubbi tiyya guuta, duuba anini Waaqa keesani tahe, isani gumi tiyya taatani. Kara anini isani garsiise gula deema, duuba wonti ch'ufti isanii tolti.

Ezekieli 18:20

Abbuma ch'ubbu tolcheti dua — abbaaleeni ch'ubbu ilmati jed'e ingaargalu, ilmileeni ta abbaati jed'e ingaargalu. Nami d'uga d'uguma ufitini baha, ch'ubbichileeni ch'ubbuma ufitini bada.

Ezekieli 9:4

Beeni, dira Yerusalemu kana ch'ufa keesa deemi, nama waan hamtu dira kana keesati tolchani ch'ufaa jed'e laalefate bohu, adda isaani beesisa ira kayi.

Mika 7:13

Ammo lafti badde duwa taati, waan nami isi keesa tau ch'ufti ch'ubbu hojateefi.

Sefania 2:3

AABBO Waaqa barbaada, isani worri balchichi, ka seera isaa guutu. Waan qajeela barbaada, AABBO Waaqa durati ufi balchoomsa. Hegeri guyya dallansu AABBO Waaqa duraa baatanifa.

Malaki 3:18

Ammalle nama d'ugaafi ka d'ara, ka Waaqaa hojatufi ka inhojannele, gargari beekhani.

Luqaas 19:19

Duuba inni waan isaani jed'e, Atileeni dira shani mohad'u.

Qaabacha Seera 12:25

Yo isani seera kana guutani, AABBO Waaqi gammade, wonti ch'ufti isanifi ilmaani teesani tolti.

Ebrania 6:10

Waaqi ka d'ugaati. Inni huji isani maro isa jaalattaniifi tolchitani inded'u, hojja isani gumi Waaqa duri qarqaartani arrale qarqaartani.