Isaya 17:8 - KITAABA WAAQA

⁸ Worri deebie waan sorio irati baasani, ka harka ufiitini mid'aasani, inabdatu, yokhaani waan ufiini mid'aasani inheregatani — akheekha waaqa Ashera jed'anitifi waan hit'aana irati aarsani.

Isaya 17:8 ပူးပေါင်းရင်းမြစ်များ

2 Samueli 22:42

Worri qarqaarsa barbaade, ammo nama worra baasu d'abe. Worri AABBO Waaqa yaamate, ammo inni worra jalaa dida.

2 Odu duri 14:5

Waan inni fulla Waaqa d'ara iti kad'atanifi fulla hit'aani iti aarsani, dira Yuda ch'ufa keesa, balleesefi isaa jalati lafti nagaya horate.

2 Odu duri 31:1

Eegi jilti sunini ch'ufti dabarte, worri Israeli ch'ufti dira Yuda ch'ufa d'aqe d'akhaaye old'ad'aabani ch'ach'abse, akheekha waaqa d'ara ka Ashera jed'ani ch'ire, fulla sorio iti qalanifi ta waaqa d'ara iti kad'atanile balleese. Akasuma lafa Yuda ch'ufafi ta Benjaminitifi ta Efraimutifi ta Manase keesati tolchani, kaani worra ufiti galani.

2 Odu duri 34:4

Jecha isaa gula, jari isaa waan Baali sorio irati baasani ch'ach'abse, waan hit'aana irati aarsani, ka d'aatu jirale ch'ufa, balleesani akheekha Asheratifi ka waaqa d'ara d'ibile ch'ufa balleesani, bulla isaa awaala worra Waaqa suni sorio baaseti firfirsani.

Bahisa 34:13

Ammalle fulla worri sorio iti qalu balleesi, waan worri arti old'ad'aabufi akheekha waaqa worraa ka Ashera jed'ani ch'a ch'absi balleesi.

Isaya 1:29

Isani waan duri mukha kad'attani oobru woyyoomsitaniifi ingaabitani.

Isaya 10:20

Guyyaani ind'ufa, ka worri Israeli ka hafe gosa worra diquma inhobaasini taani deebie inabdanne, ammo AABBO Waaqa Israeli qulqullo abdatu.

Isaya 17:9

Hojja guyyaani sunini d'ufu, dira worra ka jabeesani jaarani keesaa baqatani ona tolchani, akuma dira worri Hiritifi ka Amori lakise kaani, gaafa worri worra Israeli duraa baqate.

Isaya 2:8

Lafti worraa worra waan harkaani boch'ani kad'atanini guutamte, worri waan harka ufiitini mid'aase yaamata.

Isaya 27:9

Ammo hojaani Israeli daba araaramani, hojja d'akha sorio waaqa d'araati irati baasani ch'ach'absani daara tolchani. Ammalle waan hit'aani irati aarsanifi akheekha waaqa Ashera jed'ani balleesani ch'alla.

Isaya 30:22

Duuba waan isani harkaani boch'ani kad'atani, ta qarsifi worqiini mid'aasani, aka waan t'uri qabaati gadigatani waan jettani, Na biraa bada, nara fagaad'a!

Isaya 37:19

Waaqa worrale ch'ufa gubde waaqa woma keesa injirre, ka nami mukhaafi d'akha boch'e harkaani mid'aafatu.

Isaya 41:29

Waaqooti akana kunini ch'ufti woma keesa injirtu; isiini dandeete woma intolchitu — irreefi jabeenna womatu tokole inqabdu.

Isaya 44:15

Duuba nami mukha taka ira gama toko qoraani tolfate gama toko boch'e waaqa tolfata, ammalle gama toko ibidaani bobeese nafaani owifate qit'aani d'aabata; gama kaani d'ibi waaqa tolfate kad'ata.

Yeremia 17:2

Worri keesani fulla sorio waaqa Ashera jed'ani iti qalanifi fulla akheekha isaa old'aabani, ka mukeeni gugurdofi kubileefi.

Ezekieli 36:25

Anini bisaani qullo isaniti fifit'e, akasiini waaqoota d'ara ka isani kad'atanifi waan hamtu isani ufiini t'ureesitani ch'ufa isani iraa qulqulleesa.

Hosea 14:8

Worri Israeli amma tana waaqoota d'ara maani iraa qaba? Anini kad'acha worraa d'agayeefi worra qorqorad'e, aka mukha doti worra gaadiseesa. Hormaati worraa ch'ufti naraa d'ufa.

Hosea 14:9

Nami qalbi qabu ha dubbi tana hubate, nami qaroleeni ha beekhuti. Karaani AABBO Waaqaa qajeela, nami qajeelani kara suni gula deema, ammo nami daba keesati gufata.

Sefania 1:3

namafi bineensafi simpirrefi qurt'umile. Anini worra ch'ubbu gaargalche badi itiini d'ufa. Ammalle nama ch'ufa balleesa, tokoleeni ka hafu injiru. Nami dubbi tana jed'e ana, AABBO Waaqa.

Zekaria 13:2

Gaafasi anini maqa waan harkaani boch'ani kad'atani kaani lafa keesa balleesa, nami tokoleeni deebie inqaabatu. Anini ammalle nama raaga ufi tolchufi herega waan boch'ani kad'ataniini kad'atani lafa keesaa balleesa.

Qaabacha Seera 7:5

Duuba waan isani taatani, fulla worra ta woyyu ch'ufa balleesa, d'akha woyyu ka worri old'ad'aabe ch'ufa ch'ach'absa, akheekha waaqa worra ka Asheri jed'ani ch'iraa balleesa, waan worri boch'e aka waaqa yaamatu ch'ufa gubba balleesa.