Isaya 12:2 - KITAABA WAAQA

² AABBO Waaqi ya na baase, anini isa d'ugeefad'e woma insodaad'u inni irree jabeenna naa kenne, naa baase.

Isaya 12:2 ပူးပေါင်းရင်းမြစ်များ

2 Samueli 7:24

Atini yayu worra Israeli haga jiru jireenna nama kanke tolfatte ammalle atini ee AABBO Waaqa, yayu Waaqa worraa taate.

Aayubu 13:16

Hegeri garaa jabeenni kunini na baasa wonti akanatiifi ch'ubbichi dandae Waaqa dura ineju.

Faaru 112:8

Inni yaada womatu inqabu, womale insodaatu. Duuba eege nyaapa isaa ka dabsatani arga.

Faaru 118:14

AABBO Waaqi na jabeesaa irre naa kenna inni ya na baase.

Faaru 118:21

Ee AABBO Waaqa, waan atini na jalaa owaate na baafteefi anini si faarsa.

Faaru 27:1

AABBO Waaqi ifsafi baafama kiyya; anini nama tokole insodaad'u. AABBO Waaqi gaargala lubbu ch'ufa duraa na baasa, anini woma insodaad'u.

Faaru 65:6

Atini jabeenna keetiini gaareeni fulla isii d'aabde, akasiini irre tante garsiifta.

Faaru 68:20

Waaqi keenna Waaqa nama baasu; inni AABBO, Aabbo keenna, ka duisa keesaa nu baasu.

Faaru 68:21

Waaqi mata nyaapa isa, ka kara ufi hama lakisu didu, ch'ach'absa.

Faaru 83:18

Worri ha aka atini AABBO Waaqi ch'allaani lafa ch'ufa mohate fidu, beekhuti.

Bahisa 15:2

AABBO Waaqi irre jabdu na qorqorattu; inni ya na baase. Waan inni Waaqa abba kiyyatiifi anini isa faarsa. Waan inni Waaqa abba kiyyatiifi anini isa guddisa.

Isaya 10:24

AABBO Waaqi guddaani waan nama isaa ka Sioni keesa tauni jed'u, Worra Ashuru insodaatina, ato worri aka worri Misiri duri isani gaargalche isani gaargalchele.

Isaya 17:10

Worra Israeli, isani ya Waaqa isani baase aka d'akha jabaate isani qorqorate deetani, fulla oobru woyyuma fach'aaftani waaqa gosa d'ibi kad'atani.

Isaya 27:5

Ammo yo nyaapi, gumi tiyyaa qarqaarsa naraa fed'ate, worri ha qara nagaya naraa barbaaduti. Ee, worri ha nagaya barbaaduti.

Isaya 32:2

Worri suni ch'ufti dao qilleensa nama ira d'owartufi fulla bubbe iti d'okhatani fakaata. Worri bisaani lafa gamooji keesa yaatifi gaadisa rabsu d'akhaa, ka lafa d'eebicha keesa tau, fakaata.

Isaya 33:22

Haadi hobolo suni woma keesa injiru, woya isiini deemsisani dandaani imbalisani! Nu hori nyaapa keenna boojine, horiini sunini lafa ira dabre qoodi isaa naafale ch'ufa gaha. AABBO Waaqati hayyu keenna tahe nu fide nu qorqorata.

Isaya 38:20

AABBO Waaqa, atini la na fayyifte. Nu ammatana haga jiru kirari d'oofne Mana kanke keesati si faarsina.

Isaya 45:17

Ammo AABBO Waaqati baafama haga jiru jireennatini worra Israeli baase, haga worri jiru ch'ufa ch'eeru d'owa.

Isaya 49:5

Ato anini ind'alatini, AABBO Waaqi na fohate, hojatu ufi na tolche aka anini worra Yakobo galche, worra Israeli ch'ufa fuud'e isati deebisu. AABBO Waaqi guddinna naa kenne, irre naa tahe na jabeese.

Isaya 50:10

Isani keesaa nami AABBO Waaqa sodaate dubbi hojatu isaa saalfatu, ka ifsa male dukanaani deemu, ka maqa AABBO Waaqa abdate, Waaqa ufi d'aabbatu eenu?

Isaya 51:12

AABBO Waaqi waan jed'u, Nami isani jabeesu anuma isani maanifi nama sodaattani, ka inni buuyo ira ingoomne?

Isaya 61:10

Anini AABBO Waaqa keesa gammade, waan Waaqi kiyya wo naa tolcheefi qilit'ama. Inni yayu woya baafama nati uyise, ubaara d'uga naa kaaye, akuma worri wolfuud'u faaya dadansa naqate ufi mid'aasu.

Isaya 62:11

AABBO Waaqi yayu dubbi tana muumme lafati hime waan jed'e. Waan isani gumi Yerusalemutini jettani, me ilaala, nami isani baasu d'ufuu jira! Inni gumi baaseni d'ufuu jira.

Isaya 65:18

Maro waan anini uume sunifi, gammada, qilit'ama. Wonti akanatiifi Yerusalemu hareetiini anini uume fulla gammada taate, gumiini isiileeni gammadi.

Isaya 7:14

Duuba amma AABBUMA Waaqati akheekha sii kenna: intalti dubra garaachoofte, ilma deete, maqa isaa Imanueli baaftiifi.

Yeremia 23:6

Gaafa inni hayyu tahu, worri Yuda soda nyaapa jalaa bahe, worri Israelileeni nagayaani taa. Maqaani isaani yaamani AABBO Waaqi d'uga keenna.

Yeremia 3:23

Kad'achaani gaara irati nu waaqa d'ara kad'annu woma nu imbaane, qarqaarsi Israeli garuma AABBO Waaqa keenna ch'allaa d'ufa.

Danieli 3:28

Hayyichi waan jed'e, Waaqa Shadrakatifi ka Meshekitifi ka Abednego faarsa! Inni malaika isaa erge, jara hojattu isaa ka isa d'ugeefate kana, baase. Worri lubbu ufi jibbaate seera kiyya ch'abse fulla gajed'e Waaqa isaani male waaqa d'ibi kad'atu.

Hosea 1:7

ammo gosa Yuda injaalad'a. Ammalle anini, AABBO Waaqi, Waaqi worraa, worra imbaasa, ammo had'iisa goraadetiini yokhaani guubetiifi t'iyatiini yokhaani ka fardafi ka nama fardaani lolutiini imbaasu.

Yoeli 2:23

Worra Sioni, gammada, AABBO Waaqa keesaniti qilit'ama. Inni bokaya hagayya ka haga isanii roobe, gannale isanii kenne, furmaatale akuma duri isanii roobe.

Yona 2:9

Ammo anini si faarse, sorio sii baase, waan siti kakhad'e ch'ufa guuta. Ka nama baasu AABBO Waaqa ch'alla!

Habakuki 3:18

anini inuma gammade qilit'ama, waan AABBO Waaqi na baaseefi.

Roomaa 1:16

Wonti akanatiifi anini Odu Dansa iraa inch'eeru: isiini jabeenna Waaqa ka worra d'ugefate ch'ufaani baasani, qaraa fiit'e Yahudi eegi suni gosa d'ibi.

1 Timotheo 3:16

Nami tokoleeni dandae aka aadaani teenna d'ossa qabdu imormu! Inni nafa namatiini d'ufe, aka inni qajeela Lubbuuni himte, malaikaleeni isa agarte. Gosa ch'ufati waan isaa odeesani, lafa keesati isa d'ugefatani, guddinnaani gubbati olfuud'ani.

Mudhii Yohaannisii 7:10

Qonqo guddooni iyani waan jed'ani, Baafami gara Waaqa keenna, ka barch'uma guddinna gubba taufi gara Ilme Hoolati.

1 Samueli 2:1

Jennaani Hanani Waaqa kad'ate waan jette: AABBO Waaqi yayu gammachuuni garaa kiyya guute; maro inni waan kana naa tolchefi amma garaani yayu na jabaate! Anini amma nyaapa kiyya kobla; anini akami gammachu qaba maro Waaqi na qarqaarefi!