Isaya 11:16 - KITAABA WAAQA

¹⁶ Ammalle worra isaa, ka worra Ashuru jalaa bahe, achiti hafe, kara balla tolchaafi, akuma duri ababoota worraa, ta lafa Misiri keesaa baate, tolche.

Isaya 11:16 ပူးပေါင်းရင်းမြစ်များ

Bahisa 14:22

Duuba worri Israeli galaana suni jiddu lafa goddu ira taake, bisaani gooraani mirgaa bitaa worraa ejani.

Isaya 1:9

Ato sila Waaqi guddaani nama gari hambisuu baate, Yerusalemu ya balleesani, akuma Sodomafi Gomora duri balleesani kaani.

Isaya 10:20

Guyyaani ind'ufa, ka worri Israeli ka hafe gosa worra diquma inhobaasini taani deebie inabdanne, ammo AABBO Waaqa Israeli qulqullo abdatu.

Isaya 11:11

Gaafasi Aabbooni ammalle harka ufii d'eerefate, nama isaa ka lafa Ashurutifi Misiritiifi, Pathrositifi Kushitifi Elamutifi Babilonitifi Hamathitifi lafa d'aatu baariinitifi lafa bisaani baariini jiddu jirtu keesati hafe, galcha.

Isaya 19:23

Gaafa guyyaani suni d'ufu, kara guddati Misirifi Ashuru jiddu baha. Worri Ashurutifi ka Misiri woli keesa imaltu yae Waaqale woliini kad'ata.

Isaya 27:13

Guyya suni magalata d'aani, worra Israeli ka, qara boojiani lafa Ashurutifi lafa Misiriti geesani, yaamani gadi deebisani. Duuba worri d'ufe gaara isaa ka woyyuma irati, Yerusalemu keesa, AABBO Waaqa kad'ata.

Isaya 49:11

Anini gaareeni gubbati kara gudda tolche, kara gumiini tiyya gula yaatu mid'aasa.

Isaya 49:12

Gumiini tiyya fago d'ufti, mirgaafi gama ila adule, ammalle gara Aswani ta bitale d'ufti.

Isaya 51:10

Nami baariini gosse, kara bisaani ke baase, worra atini baasuu jirtu taakisiise siiniti?

Isaya 57:14

AABBO Waaqi waan jed'u, Gumiini tiyya ha naa galtu. Gufu ch'ufa duraa gorsa, kara ch'ira, kurfeesa!

Isaya 62:10

Worra Yerusalemu, dira keesaa baha, worra keesani ka galu kara mid'aasa! Kara balla ch'ira, d'akha keesaa guura! Baandera oliqaba, gosa ch'ufa garsiisa.

Sefania 2:7

Worri Yuda ka hafe d'ufe lafa teesani fud'ate, ree ufii achiti tiffate mana dira Ashkeloni keesa rafa. Wonti akanatiifi AABBO Waaqi isaani akuma duri kaani horsisa.