Isaya 10:3 - KITAABA WAAQA

³ Guyya Waaqi gaargala isanitini d'ufu, maal taatani? Hojja inni lafa fagooti badi isanitini d'ufu, maal taatani? Nami isani iti baqatani qarqaarsa ira fed'atani eenu? Hori keesani eesati d'ofattani?

Isaya 10:3 ပူးပေါင်းရင်းမြစ်များ

Uumama 31:1

Yakobooni aka ilmaani Labani, Yakobooni ya hori abba kenna ch'ufa fud'ate horeeni jette d'agaye.

2 Hayyoota 7:15

Worri haga galaana Yordani yae, kara suni ch'ufa keesati woyaafi miha worra Shamu ka ato worri baqatu iraa jige argani. Duuba deebiani waan ch'ufa hayyuuti himani.

Aayubu 31:14

hojja Waaqi na gaafate anini maani taha? Hojja Waaqi dubbi suni barbaade anini maani jed'aani?

Mammaasa 11:4

Duroomi guyya dua woma si imbahu, ammo d'ugaani lubbu tante baafti.

Isaya 13:6

Laalefad'a, boha! Guyyaani AABBO Waaqaa yayu d'iaate, guyyaani Waaqi guddaani lafa balleesu.

Isaya 17:4

AABBO Waaqi waan jed'e, guyyaani ind'ufa, ka guddinni Israeli hobae, duroomi bade, hiyyumti d'uftu.

Isaya 20:6

Guyya suni nami Filisti ka afaani Baariini tau waan jed'u, Me, worra nu abdane waan worri hayyu Ashuru nura d'owu seene waan inni tahe ilaala! Duuba amma nu kara kamiini duraa baana re?

Isaya 26:14

Amma worri sunini ya due deebie injiratu; ekheraani worraa deebite inkaatu, wonti akanatiifi atini worra gaargalchite balleesite. Nami deebie worra inqaabatu.

Isaya 26:21

AABBO Waaqi mana isaa ka gubbati d'ufuu jira, aka nama lafa ch'ufa maro ch'ubbu isaanitifi gaargalchu. Lafti d'iiga d'ossaani gubbati jissani imulifti, nama isi irati ijeesanile deebite ind'ossitu.

Isaya 28:20

Isanii namicha sire diqo isa ingeenne ira rafu, ka woyaleeni miila ingeenne, fakaatani.

Isaya 29:6

AABBO Waaqi guddaani tassa d'ufe, mandie lafa chochoose, bubbe isaniti erge, ibida lafati kaye akanaani isani baasa.

Isaya 30:16

Waan nani jettani, Hiyo! Akasiniti nu nyaapa keenna dura fardaani baqanna. Inuma baqattani! Mala keesani, fardi keesani guddo oria, ammo worri isani reebu fardooleeni worraa hagasi ira oriiti.

Isaya 30:5

worri Yuda imaaga, waan worri gosa suni, ta hojja worri qarqaarsa fed'u ch'eersite qarqaaru dad'abde, d'ugeefateefi.

Isaya 30:7

Qarqaarsi worri Misiri namaa kennu woma imbahu, tanaafi anini worra Misiri Jawe woma keesa injirre jed'e, maqa iti baase.

Isaya 33:14

Worri ch'ubbichi Sioni sodaate aka hama mudame, waan jed'u, Eenuti dandae ibida wo balleesuni wolti gala? Nu nami dandae ibida suni ira hafu injira?

Isaya 39:3

Jennaani raagi Isayaani gara hayyu Hezekia d'aqe waan jed'eeni, Worri kunini eesaa d'ufe? Worri maani siini jed'e? Hezekiani waan jed'eeni, worri lafa tanaa ind'umne, Babiloni d'ufe, lafa ind'iaanne.

Isaya 5:14

Booliti Ekheraa worrati beelofte, afaani iti baante nyaati. Isiini worra gugurda Yerusalemutifi gumi farso d'udde machoofte taani liqimsiti.

Isaya 5:26

AABBO Waaqi gosa fago jirtu akheekha garsiise, worra muumme lafa jiru fiiquuni yaama. Duuba gochiti sunini hurifte utaalte d'ufti!

Yeremia 22:7

Anini nama isa balleesu, ka d'agara ufii harkaa qabu, siti erga. Duuba worri utuba hind'eesa mimid'aaga ch'ire ibida keesati d'abba.

Yeremia 4:30

Ee Yerusalemu! Atini ya badde! Atini maafi woya diimtu uyifatte, faaya worqi naqatte, ila kuulatta? Atini ufumaa ufi ch'ota! Jaalani tante ya si jibbite si ijeesu feeti.

Yeremia 5:31

raagooti dubbi d'ara ch'alla fadde; qaaloleeni dubbi worraa gula yaate, gumiini tiyyaleeni waan suni iti quufte. Ammo guyya muumme maani tahani?

Yeremia 9:9

Anini waan kana jed'e worra ingaargalchu? Gosa akana tana haalo imbaafad'u? Nami dubbi tana jed'e ana, AABBO Waaqa.

Hosea 5:13

Worri Israeli fayyad'aba ufii beennaani yokhaani Yudaleeni mada ufii arginaani lafa Ashuru d'aqani hayyu worraa gudda qarqaarsa kad'atani, ammo inni worra fayyad'abafi madale fayyisu dad'abe.

Hosea 9:5

Ammalle yo hojaani jila AABBO Waaqaa tolfatani geete, worri maani taha re?

Hosea 9:7

Guyyaani worra gaargalchani ya d'ufe, guyyaani haalo worraa baafatani ya gahe. Guyya suni Israeliini inuma beeti! Isani waan jettani, Raagi kunini daalle, nami woi fagu kunini ya maraate. Wonti isani akasi guddo na jibbitaniifi, waan ch'ubbu teesani heddutiifi.

Amosi 5:19

Nama nyeench'a baqate gorjamaani bahu fakaata! Yokhaani nama inni mana harkaani qabannaani bofi idde fakaata!

Mika 7:4

Worra nami keesaa goomuleeni aka mogore nama woraana, ka ira qajeelaleeni hanqare fakaata. Guyyaani Waaqi biyya balleesu, akuma inni qara afaani raagootatini nama gorse, ya d'ufe. Biyyiti amma ya waan taatu wollaalte.

Sefania 1:18

Guyya AABBO Waaqi dallanu, qarsifi worqiini worraleeni dandeete worra imbaaftu. Lafti ch'ufti dallansu isaatiini gubati. Inni nama lafa keesa jiru ch'ufa yoosu maro tokotu hobaasa.

Luqaas 19:44

Irreeni lafa si buusani, siifi ijoolle tantele, duuba d'akha kanke kana tokole woli irati inhambisani, waan atini guyya Waaqi d'ufe si baasu imbeenneefi.

Qaabacha Seera 28:49

AABBO Waaqi gosa isani afaani isii ind'ageenne muumme lafati isaniti erge, worri aka risa isani ira bua.

1 Petro 2:12

Adabi keesani gara worra Waaqa imbeenne ha dansa tahu, aka yo worri hameenna isani himate, huji teesani dansa argani, duuba Guyya d'ufiisa Waaqa isa faarsani.