Isaya 10:20 - KITAABA WAAQA

²⁰ Guyyaani ind'ufa, ka worri Israeli ka hafe gosa worra diquma inhobaasini taani deebie inabdanne, ammo AABBO Waaqa Israeli qulqullo abdatu.

Isaya 10:20 ပူးပေါင်းရင်းမြစ်များ

2 Hayyoota 16:7

Ahazini gara Tiglath-Pilesari, hayyu Ashuru nama erge waan jed'eeni: Anini hojatu tante ta guddo sii saalfatu. Kooti, hayyooti Shamutifi ka Israeli, ta na had'u jirtu, duraa na baasi.

2 Hayyoota 19:31

Yerusalemufi gaara Sioni gubbati nami inuma hafa, wonti akanatiifi AABBO Waaqi waan suni tolchu male intau.

2 Odu duri 14:11

Asani AABBO, Waaqa isa kad'ate waan jed'e, Ee AABBO Waaqa, atini dandeete jabaafi laafale qarqaarta, amma nu qarqari, ee AABBO Waaqa keenna, nu si abdanne, maqa kanketini duula muumme inqamne kana had'u d'ufne. Ee AABBO, atini Waaqa keenna; nami si dabsatu tokoleeni injiru jed'e.

2 Odu duri 28:16

Worri gosa Edomu ammalle worra Yuda had'e nama heddu boojie, tanaafi hayyu Ahazini hayyu Ashuru ka Tiglath-Pilezeri jed'ani qarqaarsa kad'ate.

2 Odu duri 28:20

Hayyuuni Ashuru fulla sila Ahazi qarqaaru, qarqaarsa lakise gaargala itiini d'ufe.

Kitaaba Izra'aa 9:14

Duuba nu akami ammalle seera kanke ch'absine worra t'uricha kanaani wolfuuna? Yo akasi taane, atini nuti dallante lafa iraa nu ch'ufa imballeesitu?

Isaya 1:9

Ato sila Waaqi guddaani nama gari hambisuu baate, Yerusalemu ya balleesani, akuma Sodomafi Gomora duri balleesani kaani.

Isaya 11:11

Gaafasi Aabbooni ammalle harka ufii d'eerefate, nama isaa ka lafa Ashurutifi Misiritiifi, Pathrositifi Kushitifi Elamutifi Babilonitifi Hamathitifi lafa d'aatu baariinitifi lafa bisaani baariini jiddu jirtu keesati hafe, galcha.

Isaya 11:16

Ammalle worra isaa, ka worra Ashuru jalaa bahe, achiti hafe, kara balla tolchaafi, akuma duri ababoota worraa, ta lafa Misiri keesaa baate, tolche.

Isaya 37:4

Hayyuuni Ashuru yayu namicha gudda hojatu isaa, Waaqa gudda arabsi jed'e erge. AABBO Waaqi kanke ha araba kana d'agaye worra isa arabsu kana gaargalchuti. Tanaafi atini amma worra keenna ka hafe Waaqa kad'ad'i.

Isaya 46:3

Isani d'alooti Yakobo, ka gumi tiyya iraa hafe, na ch'aqasa. Haga isani d'alattani asi anumati isani qorqorate.

Isaya 50:10

Isani keesaa nami AABBO Waaqa sodaate dubbi hojatu isaa saalfatu, ka ifsa male dukanaani deemu, ka maqa AABBO Waaqa abdate, Waaqa ufi d'aabbatu eenu?

Isaya 6:13

Ato nama kud'ani keesa nami toko hafele, takacha sunile imballeesani; inni hunda mukha dambi ka murani fakaata. Ammalle akuma hunda suni worri Waaqaa ka d'ibiini late ga baha.

Yeremia 3:23

Kad'achaani gaara irati nu waaqa d'ara kad'annu woma nu imbaane, qarqaarsi Israeli garuma AABBO Waaqa keenna ch'allaa d'ufa.

Yeremia 44:14

Nami Yuda ka hafe ka amma d'ufe lafa Misiri tau, tokoleeni baqate duraa imbahu. Nami tokoleeni lafa Yuda, ta guddo iti deebiu fed'uti, indeebiu, nama tatake toko ka baqate male.

Hosea 14:3

Worri Ashuru dandae nu imbaasu, ammalle fardi lolaleeni dandae woma nuraa ind'owu. Nu iti deebine waan harka keennaani boch'ine waaqa jenne inkad'annu. Ee AABBO Waaqa, nami hiyyeeyiini naasu iraa argatu siuma.

Hosea 5:13

Worri Israeli fayyad'aba ufii beennaani yokhaani Yudaleeni mada ufii arginaani lafa Ashuru d'aqani hayyu worraa gudda qarqaarsa kad'atani, ammo inni worra fayyad'abafi madale fayyisu dad'abe.

Mika 5:3

Tanaafi AABBO Waaqi gumi ufii harka nyaapa worraati lakisa, haga isiini dau geete ilma deetuuti. Jennaani worra gosa isaa ka boojiani worra isaani ka Israeliti deebisani.

Sefania 3:13

Nami lafa Israeli keesati hafe waan hamtu nama intolchu, d'arale dubbate nama insobu. Worri, ka woma insodaanne, marrafi bisaani aka dansaa soorate quufa.