Isaya 1:4 - KITAABA WAAQA

⁴ Badi teesani, isani gosa ch'ubbiti dabditi hameennani yaatu! Ch'ubbu teesaniti gadi isani hirkisa! Isani yayu AABBO Waaqa qulqullo Israeli diddani, dudda iti garagaltani.

Isaya 1:4 ပူးပေါင်းရင်းမြစ်များ

Uumama 13:13

Ammo worri Sodoma worra ch'ubbicha hama, ka Waaqa durati daba tolchu.

2 Hayyoota 21:22

Inni AABBO Waaqa ababooti isaa dide Seera AABBO Waaqa iraa gore.

2 Odu duri 12:1

Rehoboamuni akuma hayyu tahe irre horateeni isaafi worri isaa ch'ufti Seera AABBO Waaqaa lakisani.

2 Odu duri 27:2

Akuma abbaani isaa Uziani tolche, inni waan AABBO Waaqa gammachiisa tolche. Ammo inni aka abba isaa Mana Waaqa seene hit'aana aarse ch'ubbu inseene. Ato akasile tate, biyyiti ch'ubbu illakimne.

Nehemia 1:7

Nu si durati waan hamtu taane, aadaafi Seera atini Musa hojattu kanketini nuu kennite, guutu dinne.

Faaru 58:3

Ch'ubbichi haguma d'alate kara iraa gore, haguma garaa haad'aa keesaa bahe d'ara dubbata.

Faaru 71:22

Anini kiraari d'ae, maro d'uga teetitiifi si faarsa, Ee Waaqa kiyya. Anini dibbe d'ae sirbe si faarsa, Ee Qulqullo Israeli.

Faaru 78:40

Worri maro hagami lafa aloo ta gamooji keesati isaati gargale, isa dide garaa isaa yake!

Faaru 78:41

Worri maro heddu Waaqa laallate, Waaqa qulqullo Israelii dallansiise.

Faaru 78:57

isati garagale, akuma abbooti worraa isa dide, akuma guubeeni dabde qonyatu tahe.

Faaru 78:8

Akanaani worri ababoota ufi, ta mata jabaate, Waaqa dide, aka dansa garaa tokooni Waaqa d'ugeefate gula iyyaaiini iraa gora.

Faaru 89:18

AABBO Waaqa, atini wonte teenna; siuma Waaqa qulqullo Israeliti hayyu nuu kenne.

Bahisa 32:7

Jennaani AABBO Waaqi waan Musani jed'e, Beeni gabui, wonti akanatiifi worri kanke ka atini lafa Misiri keesaa baafte ya ufi yake;

Isaya 1:23

Worri kanke gugurdaani nama d'ugaa dide hattu waheelchu: worri hojja ch'ufa gumbo jaalate waan nama ira nyaatu barbaada. Worri ilmaani hiyyeeyiti indubbatu, yokhaani nad'eeni hiyyeeyi dubbi isii jalaa inqabu.

Isaya 1:28

Ammo inni nama ch'ubbu tolche, ka isa didu, balleese, nama isa lakisu hobaasa.

Isaya 10:6

Anini gosa Waaqa imbeenne ta na dallansiftuti erga, aka worra hatani saamani akuma huura kara keesati ira ejaanjatani.

Isaya 12:6

Nami Sioni keesa tahu ch'ufti ha lalabe, gammadaani isa faarsu! Waaqi, qulqullooni Israeli, gudda, inni gumi isaa keesa taha.

Isaya 14:20

Waan atini lafa tante balleesite, nama kanke fit'eefi, aka hayyoota d'ibi awaala dansa inargattu. Nami worra keeti, ch'ubbichi tokoleeni, ka bahu injiru.

Isaya 29:19

Hiyyeesafi nami guddinna inqamneleeni deebie gammade waan AABBO Waaqi qulqullooni Israeli namaa kennu argata.

Isaya 3:8

Yerusalemuni ya badde, Yudaleeni jiguu jirti! Worri waan hojatufi waan dubbatu ch'ufa keesa Waaqaani morka; worri diiduma keesa Waaqa didu jira.

Isaya 30:1

AABBO Waaqi waan jed'u, Nami lafa Yuda mohatu waan na dideefi ya bade. Worri mala anini worraa ind'aini gula deeme, fed'i tiyya male wold'ageeti woliini tolfate, akanaani dabi worraa guddate.

Isaya 30:15

AABBO Waaqi guddaani qulqullooni Israeli, waan biyyaani jed'u, hojja ch'ubbu iraa deebitani na d'ugeefattani baafamafi jabeenna argattani, ammo isani akasi diddani,

Isaya 30:9

Worri kunini hojja ch'ufa Waaqa dide d'ara dubbate barsiisa AABBO Waaqa gula deemu dida.

Isaya 31:2

Inni waan tolchu jiru imbeekha, gaargala namati erge, worra ch'ubbu qabuufi worra worra qorqoratule illakisu.

Isaya 37:23

Nama atini arabsite goyeesite kana eenu seeta? Nami atini tufate sunini anuma, Waaqa Israeli qulqullo.

Isaya 41:14

AABBO Waaqi waan jed'u, Israeli isani ato diqo muyole taatanile insodaatina; anini isani qarqaara. Nami isani baasu anuma, Waaqa qulqullo Israeli.

Isaya 41:16

Duuba isani qilleensati oldarbitani, qilleensi fuud'e, bubbeeni gargari firfirsiti. Duuba isani waan anini Waaqa keesani tahefi gammaddani ana, Waaqa qulqullo Israeli, faarsitani.

Isaya 41:20

Nami waan kana arge imbeekha, aka anini AABBO Waaqi akasi tolche. Ammalle aka Waaqi qulqullooni Israeli waan suni tolche inhubatani.

Isaya 5:19

ka AABBO Waaqaani, Atini waan tolchu feetu hurrisi tolchi aka nu arginu. Waaqi Israeli qulqullooni ha herega ufi guutu; eegi waan inni tolchuu fed'u ilaala jed'u.

Isaya 5:24

Tanaafi amma tana akuma okhayafi buuyooni godduuni ibida keesati gubatu, akasuma hiddi keesani shame, daraaraani keesani goge bubbeeni fud'atti, waan isani, waan AABBO guddaani, Waaqi Israelii, qulqullooni nu barsiise, diddaniifi.

Isaya 57:17

Maro ch'ubbufi sabdooma worraatifi anini worrati dallane, tanaafi worra gaargalche yaala bahe. Ammo worri mataa jabaate, kara ufi lakisu dide.

Isaya 58:2

Worri guyya ch'ufa na kad'ate waan jed'u, Nu kara kanke barbaanne, seera kanke guutu feena; nu seera d'uga siraa feena, ammalle sileeti d'iaachu feena.

Isaya 65:11

Ammo isani worri na lakise gaara qulqullo yaala bahe waaqoota milkifi ayyaana ta Gadifi Menini jed'ani kad'atu, aka d'ibi taha.

Isaya 65:3

Worri ch'ufti waan ch'eera tahe na dallansiise oobru woyyu keesati sorio baase, waaqa d'araati d'akhaye irati hit'aani aarse.

Isaya 9:17

Tanaafi AABBO Waaqi kaima tokole fiigu d'owu dide, nad'eeni hiyyeeyifi ilmaani hiyyeeyile nahu dida; wonti akanatiifi gumiini tokoleeni Waaqa imbeetu, waan hamtu tolchite hameenna ch'alla dubbatti. Ato akasile taate, dallansuuni AABBO Waaqaa isa ira ingaltu, inni harka d'eerefate ammalle worra d'aanuu fed'a.

Yeremia 15:6

Gumi tana, isani ya na diddani dudda nati galtani, tanaafi anini waan anini isani obsu dad'abeefi harka kiyya d'eerefad'e isani balleesa.

Yeremia 2:13

Wonti akanatiifi gumiini tiyya yayu kara lamaani ch'ubbu tolchite: Worri yayu ana madda inch'inne lakise, qaba bisaani, ta babaqat'e bisaani keesa inteenne heddu qotate.

Yeremia 2:17

Ee Israeli, waan kana isanumati ufitini d'ufeeniti? Ka AABBO Waaqa keesani, gaafa duri inni isaniini godaane lakiftani.

Yeremia 2:19

Hameenni keesani isani gaargalche, badiini isani naraa baddani wollaala isaniti murti. Aka hojja isani na lakiftani na gula deemu diddani, wonti sunini hamtu, herega, arga. Nami dubbi suni jed'e ana, AABBO Waaqa gudda.

Yeremia 2:31

Worra Israeli, dubbi tiyya ch'aqasa. Anini yayu aka lafa aloo ta gamooji, yokhaani aka lafa dukanooftu soda qabdu, isaniti tahe? Isani duuba maanifi, Nu waan feenu taana deebine siti indeebinu nani jettani?

Yeremia 2:33

Isani d'uguma jaala barbaadu beetani. Nad'eeni nad'eeni ch'ufa ira hamtuleeni dandeete isani iraa wo baratti!

Yeremia 2:5

AABBO Waaqi waan jed'u, Ababooti teesani wollaala maani narati garteefi naraa fagaate waan woma intahini gula yaate ufile akasuma taate?

Yeremia 32:32

maro worra Yudatifi ka Yerusalemutifi hayyootafi jaaroleefi qaaloleefi raagooti worraa hameenna tolchiteefi, anini dira suni fuula kiyya duraa balleesu fed'a.

Yeremia 50:29

T'iyoleeni, Babiloni had'a jed'a. Nama t'iyaafi guubeeni woi had'u beekhu ch'ufa yaama. Dira marsa, nama baqachu fed'u, d'owa. Waan isiini tolchite isumati deebisa, woma isiini nama tolchite isiile tolcha; wonti akanatiifi isiini ana, qulqullo Israeliti kiyyibde.

Yeremia 51:5

Anini AABBO Waaqi guddaani worra Israelitiifi ka Yuda illakimne, Ato worri, ana qulqullo Israeliti ch'ubbamele.

Yeremia 7:19

Nami worri wo tolchu jira d'uguma ana? Hiyo, worri ufuma wo tolche ufi ch'eersu jira.

Yeremia 7:26

Taatule nami tokoleeni ch'aqase na jalaa inqamne. Isani ababoota teesanile ira mata jabaatani na ch'aqasu diddani.

Ezekieli 14:5

Wonti harkaani boch'ani sunini ch'ufti yayu worra Israeli naraa garagalchite, ammo anini dubbuma tiyya tanaani worra ufi gula deebisa.

Ezekieli 16:33

Sharmut'a hori baasani, ammo atini gaarayoota tante ch'ufaa woi kennite, akasiini worra gumbeesite, gara ch'ufa ufiti ga fuute ufi bira bulchite.

Ezekieli 16:45

Atini d'uguma akuma haad'a teeti d'alate; ta d'iirsafi ilmaani ufi jibbite. Ammalle atini akuma oboleyaani tante ta dubra, ta d'iirsafi ilmaani ufi jibbite jirta. Siifi oboleyaani tantele haati teesani gosa Hiti, abbaani keesanileeni gosa Amori.

Danieli 9:11

Nami Israeli ch'ufti seera kanke ch'abse, jecha kanke ch'aqasu dide iraa gore. Nu siti ch'ubbamne, tanaafi atini abaarsa, seera hojattu tante Musa keesati t'aafani, nutini d'ufte.

Sefania 1:6

Ammalle anini worra garagale na gula yau dide, ka nati d'ufe qarqaarsa naraa imfed'anne, imballeesa.

Henna 32:14

Amma isanileeni yayu abbooti teesani suni gula baatani, d'aloota d'ibi ka daba taatani, dallansu hamtu AABBO Waaqaa worra Israelitini d'uftani.

Matayo 11:28

Nati koota, nami dad'abefi ka baa ulfo baatu anini isani boqachiisa.

Matayo 23:33

Isani bofafi ilmaani bofaati! Murisa hegeri dandeetani duraa imbaatani.

Matayo 3:7

Farisayoofi Sadukayoni hedduuni aada batiso fed'achu d'umnaani, Yohanani waan worraani jed'e, Isani ilmaani bofaati, eentu dalansu hegeri duraa baqad'a isaniini jed'e?

Roomaa 8:7

Tanaafi nami waan nafa heregu nyaapa Waaqaa taha; inni Seera Waaqa inguutu, guutule indandau.

1 Korintho 10:22

Yokhaani Aabbo qot'isisu feena? Waan nu isa ira jajabo

Qaabacha Seera 29:25

Duuba nami d'ibiini waan jed'u, wonti inni akasi taheefi, gumi AABBO Waaqati wold'aqisa qara Waaqa ababoota worra gaafa inni worra lafa Misiri keesa baase woliini tolfatani ch'abse.

Qaabacha Seera 31:16

Jennaani AABBO Waaqi waan Musani jed'e, Atini amma ya fulla ababooti tante jirtu d'aqu geete, ammalle eegi atini doote, gumiini naraa gorte wold'aqisa anini worra woliini tolfad'e ch'absiti. Ammalle na lakisani, waaqa worra na imbeenne, ka lafa worri iti qubachu gahe suni keesa jiru, kad'atani.

Qaabacha Seera 32:19

AABBO Waaqi akasi arge jennaani dallane, ilmaani isaa ta d'iiratifi dubrale dide.

Qaabacha Seera 32:5

Isani worra dugeefataniiniti, ka gumi isaa tau himmaliini, gosa nama sobdu, ch'ubbiti.

Kolosai 1:24

Anini amma waan maro teesanii gaargaleefi gammada. Wonti akanatiifi, maro gaargala nafa kiyyatiifi, anini gaargala Kristoni maro nafa isaatiifi gaargale ka hafe hobaasa. Nafi isaa gumi isaati.

Mudhii Yohaannisii 18:5

Wonti akanatiifi daba isii haga gubba gahuti wolti tuulani. Waaqi kara isii hama inqaabata.

Jaallaboota 10:10

Jennaani worri Israeli AABBO Waaqati bohe waan jed'eeni, Nu yayu ch'ubbu si durati hojanne, waan nu sii Waaqa keenna, lakimne waaqoota Baali jed'ani kad'anneefi.