Isaya 1:31 - KITAABA WAAQA

³¹ Akuma buuyo goddu qaanqeeni qabsiiftu, akasuma jari irre qabu huji ufii ta ch'ubbutiini badde, nami worra baddu d'owu injiru.

Isaya 1:31 ပူးပေါင်းရင်းမြစ်များ

Isaya 24:6

Tanaafi Waaqi yayu lafa abaare, biyyitileeni maro wollaala ufitifi gaargaluu jirti. Duuba biyyiti d'umatte, nami diqayaani hafe.

Isaya 26:11

Nyaapi, kanke aka atini worra gaargalchu feetu imbeekhu. Ee AABBO Waaqa, worra ch'eersi gaargalchi. Ha gaargala atini worraa kurfeesite argatuti. Aka atini worra kanke jaalatu worra agarsiisi.

Isaya 27:4

Anini dallansu oobru zabibuti dallanu ya lakise. Ato sila qoraatifi mogoreeni ch'allaani na gaargalchite, gube balleesa.

Isaya 33:11

Isani mala woma keesa injirre d'aatani, wonti isani tolchitani tokoleeni woma imbaatu. Lubbuuni tiyya ibida isani balleesu fakaati.

Isaya 33:14

Worri ch'ubbichi Sioni sodaate aka hama mudame, waan jed'u, Eenuti dandae ibida wo balleesuni wolti gala? Nu nami dandae ibida suni ira hafu injira?

Isaya 4:4

Jabeenna isaatini AABBO Waaqi nad'eeni Yerusalemu qulqulleese ch'ubbu worratiifi d'iiga achiti jissani d'iqa.

Isaya 43:17

Inni duula gudda baditi geese duula gaarifi fardaani yau. Worri jige, kau dad'abe, akuma ifse d'aamfani d'aame.

Isaya 5:24

Tanaafi amma tana akuma okhayafi buuyooni godduuni ibida keesati gubatu, akasuma hiddi keesani shame, daraaraani keesani goge bubbeeni fud'atti, waan isani, waan AABBO guddaani, Waaqi Israelii, qulqullooni nu barsiise, diddaniifi.

Isaya 50:11

Isani ch'ufti ka ibida bobeesitani nama d'ibi balleesu feetani, karuma isani namati malatani suniini isani balleesani, AABBUMA Waaqati waan kana tolcha; isani badi hamtu argattani.

Isaya 66:17

AABBO Waaqi waan jed'u, worra ufi qulqulleese, aada hamtu waaqoota d'ara tolfate, oobru woyyuti wolgula yae, booyyeefi hantutafi sagale t'uri d'ibi nyaate, muummeeni worra ya d'iaate.

Isaya 66:24

Worri hojja galu, reefa worra na dide arga. Raamooni worra nyaatu haguma jirtu indootu, ibidi worra gubu haguma jiru ind'aamu. Reefa suni nami ch'ufti ilaani jibba.

Isaya 9:19

Waan AABBO Waaqi guddaani guddo dallaneefi lafti ch'ufti gubate, ibidi gumi balleese, nami tokoleeni ka arma bahi woliini jed'u injiru.

Yeremia 21:12

worra d'aloota Daudi! AABBO Waaqi waan jed'u, Guyya ch'ufa waan tolchitani ch'ufa d'uga gula tolcha. Nama dabsani harka nama dabse jalaa baasa. Yo baasu baatani, wonti hamtuni isani tolchitani kuni dallansu tiyya aka ibida nami dandae ind'aafine bobeesiti.

Ezekieli 32:21

Jara duri jannoomaani gurra baafateefi ammalle jari woraana keesa worra Misiriti kalche, ka amma due boola ekhera keesa jiru, boola suni keesati worra Misiri ka raawateeni dubbate waan jed'u: Worri waaqa imbeenne ka woraanaani raawate kaani, ya arma d'ufe, ka ch'iisu kana, laala!

Malaki 4:1

AABBO Waaqi Guddaani waan jed'u, Guyyaani ind'ufa, ka ch'ubbichafi nami ufi saaduleeni aka buuyo godde gubatu. Guyya suni worri ch'ufti gubate hobae daara d'aba.

Matayo 3:10

D'agara yayu hidda mukha jala kayani; mukha mid'aani dansa imbaamne ch'ufa muraniti ibida keesa buusani.

Matayo 3:12

Hafareeni isaa harka isaa keesa jirti. Oobdi ufi inqulqulleesa, dargaye wolti qabe khod'oti naqa, ammo qola ibida haga jiru ind'aamneti naqa.

Mudhii Yohaannisii 19:20

Bineensa kaanifi raaga d'ara, ka waan mama isa durati tolche, woliini qabani. Inni qara waan mama kanaani worra beesisa bineensa ufiraa qabu sobe, worra fakeenna bineensa ka boch'ani kad'atele. Bineensafi raagi d'ara, ato jiranu, galaana ibida keesa buusani gubani.

Mudhii Yohaannisii 20:10

Jennaani Sheet'ana, ka worra sobe, galaana ibida keesa buusani, fulla bineensafi raaga d'ara qara buusani, halkani guyya haga hegeri worra gaargalchani.

Jaallaboota 15:14

Inni Lehiini bahe jennaani, worri Filisti isati iyye iti orie. Jennaani Yoma suni irreeni AABBO Waaqa isa jabeesite, inni haada harka isaatini hid'ani kaani ch'ire, akuma liilana qaqalla ch'irani.