Isaya 1:28 - KITAABA WAAQA

²⁸ Ammo inni nama ch'ubbu tolche, ka isa didu, balleese, nama isa lakisu hobaasa.

Isaya 1:28 ပူးပေါင်းရင်းမြစ်များ

Faaru 1:6

AABBO Waaqi worra d'uga tisse qorqorata. Ammo ch'ubbicha karuma isaa suniti baditi isa geesa.

Mudhii Yohaannisii 21:8

Ammo nama daafanafi kiyyibafi hamafi nama nama ijeesufi algalaafi ka murma baafatufi ka waan harkaani boch'ani guddisuufi ka nama sobu, fullaani worraa galaana ibidaati, ka duisa lameeso.

Isaya 30:13

Tanaafi amma wollaala qabdani. Isani naabo d'akhaa ta old'eeresani jaarani ta ammalle jidduti gargari baqate, ta ato nami imbeenne tassa jiddu, fakaatani.

Aayubu 31:3

Inni nama waan hamtu tolche gaargalaani iti d'ufe imballeesu?

2 Petro 3:7

Ammo lafafi gubba amma jirtu tana ya olkayani, dubbuma Waaqa suniini, aka ibidaani balleesani. Inni guyya nama daba ch'ufa qorani balleesaniifi olkaye.

1Tasaloonqe 5:3

Yo nami, Wonti ch'ufti nagaya bad'aad'a jed'u, badiini tassa d'ufti! Nami tokoleeni duraa imbahu. Aka nad'eeni ch'iniinfatu jirti.

Isaya 66:24

Worri hojja galu, reefa worra na dide arga. Raamooni worra nyaatu haguma jirtu indootu, ibidi worra gubu haguma jiru ind'aamu. Reefa suni nami ch'ufti ilaani jibba.

Isaya 65:11

Ammo isani worri na lakise gaara qulqullo yaala bahe waaqoota milkifi ayyaana ta Gadifi Menini jed'ani kad'atu, aka d'ibi taha.

Isaya 50:11

Isani ch'ufti ka ibida bobeesitani nama d'ibi balleesu feetani, karuma isani namati malatani suniini isani balleesani, AABBUMA Waaqati waan kana tolcha; isani badi hamtu argattani.

Mammaasa 29:1

Nama mata jabaate gorsa fud'achu didu takaa tana imballeesani, deebie inkau.

Faaru 125:5

Ammo hojja atini worra ch'ubbu gaargalchitu, nama kara kanke lakisule gaargalchi. Worri Israeli ha nagayaani tau!

Faaru 104:35

Worra ch'ubbuu ha lafaa d'abani. Lubbu tiyya AABBO Waaqa faarsi! AABBO Waaqa faarsi!

Faaru 92:9

Nu imbeenna, nyaapi kanke ch'ufti inhobaa, nama ch'ubbu tolche ch'ufa imballeesani.

Faaru 73:27

Nami si lakisu inuma badda; atini nama siraa gore imballeesita.

Faaru 37:38

Ammo ch'ubbicha balleesani, ilmaani inni d'alelle ch'ufa fit'ani.

Faaru 9:5

Atini gosa si imbeenne wollaala iti murte ch'ubbichale balleesite; deebiani maqa worraa hind'aani.

Faaru 5:6

Atini d'articha balleesite, nama kiyyiba waan ijeesu ch'alla fed'u jibbita.

1 Odu duri 28:9

Amma atinileeni, ilma kiyya Solomoni, Waaqa abba kanketi beekhi, garaa tokofi qalbi tokooni isaa hojad'i. Inni heregaafi fed'i teenna ch'ufa imbeekha, yo barbaadde isa inuma agarta; yo atini isa iraa gorte, inni haga jiru jireenna si abaare si lakisa.

1 Samueli 12:25

Ammo yo isani ammalle ka ch'ubbu illakimne taatani, isanifi hayyu keesani imballeesani.

Isaya 1:4

Badi teesani, isani gosa ch'ubbiti dabditi hameennani yaatu! Ch'ubbu teesaniti gadi isani hirkisa! Isani yayu AABBO Waaqa qulqullo Israeli diddani, dudda iti garagaltani.

Isaya 24:20

Lafti aka nama farso d'uge machae daat'e, aka hoosa bubbeeni chochoofte taati. Dabi lafa ira dabre lafa balleese, deebie kau d'owa.

Isaya 33:14

Worri ch'ubbichi Sioni sodaate aka hama mudame, waan jed'u, Eenuti dandae ibida wo balleesuni wolti gala? Nu nami dandae ibida suni ira hafu injira?

Isaya 50:1

AABBO Waaqi waan jed'u, Isani waan anini gumi tiyya, aka niiti d'iirsi ufi jalaa baasu, ufi jalaa baasu seetani? Yo akasi taate tatabeeni anini ufi jalaa baaseni meeti? Isani waan anini harka nama isani boojieti isani gurgure seetani? Akuma nama ilmaani ufi tisoomaa gurguru. Hiyo akasiniti, maro daba keesanitifi isani boojiani, maro ch'ubbu teesaniifi ufi jalaa isani baasani.

Isaya 58:2

Worri guyya ch'ufa na kad'ate waan jed'u, Nu kara kanke barbaanne, seera kanke guutu feena; nu seera d'uga siraa feena, ammalle sileeti d'iaachu feena.

Isaya 66:17

AABBO Waaqi waan jed'u, worra ufi qulqulleese, aada hamtu waaqoota d'ara tolfate, oobru woyyuti wolgula yae, booyyeefi hantutafi sagale t'uri d'ibi nyaate, muummeeni worra ya d'iaate.

Yeremia 17:13

Ee AABBO Waaqa, nami Israeliini abdatu sii, nama si lakisu ch'ufa inch'eersani. Worri akuma maqa d'uke keesati t'aafani bada, waan si AABBO Waaqa, bisaani madda jireenna lakiseefi.

Yeremia 44:12

Worri Yuda ka hafe, ka amma lafa Misiri d'aqe achi tau fed'u ch'ufa imballeesa. Worri sunini ch'ufti, diqaafi guddaleeni lafa Misiri keesati woraanafi yokhaani garaachani hobaa. Nami worra arge iraa rifate worra tufate maqa worratiini woli abaara.

Hosea 14:9

Nami qalbi qabu ha dubbi tana hubate, nami qaroleeni ha beekhuti. Karaani AABBO Waaqaa qajeela, nami qajeelani kara suni gula deema, ammo nami daba keesati gufata.

2 Odu duri 21:10

Worri Edomu haga arra finna worra Yuda jala injiru. Baruma suni worri Libnaleeni finna worra Yuda jalaa bahe, wonti akanatiifi Yehoramuni AABBO, Waaqa ababoota isaa, lakise.

2 Odu duri 28:23

Inni sorio Waaqa Damaskiti baase, ka ufiftu isa dabsate. Duuba waan jed'e, Waaqi Ashuru hayyoota Ashuru qarqaare, tanaafi yo anini sorio baasufi waaqi suni hegeri na qarqaara. Wonti kunini isaafi gosa isaa badi itiini d'ufte.

Aayubu 34:26

Inni, ato nami ch'ufti argu, worra ch'ubbu gaargalcha,

Aayubu 34:27

waan worri isa iraa gore kara isaa yaalu dideefi.

Isaya 64:6

Nu ch'ufti nama dabaati, hujiini teenna dansaleeni ch'arqi t'uriti fakaati. Maro daba keennatifi nu baala mukha ka qanch'oorate, qilleensi fud'ate, fakaanna.