Huji Ergattu 8:21 - KITAABA WAAQA

²¹ Atini waan kana keesa diqole qooda inqabdu, garaani kanke fuula Waaqa durati dansaniti.

Huji Ergattu 8:21 ပူးပေါင်းရင်းမြစ်များ

2 Odu duri 25:2

Inni waan dansa tolche AABBO Waaqa gammachiise, ammo waan suni guddo garaa tokooni intolchine.

Nehemia 2:20

Jennaani anini waan jed'eeni, Waaqa gubbati nu eebise nu qarqaara, duuba nu hojattuuni isaaleeni kaane jaara. Ammo isani waan tokole Yerusalemu keesaa inqabdani, aada isiile tokole keesa injirtani.

Faaru 36:1

Ch'ubbicha ch'ubbu garaa isaa keesa jirtuti hasaani; inni Waaqa dide diqole insodaatu.

Ezekieli 14:3

Namicha, jari kunini yayu Waaqa d'ara, ka harkaani boch'ani kana jaalate gula yae, akanaani ch'ubbu keesa ufi buuse. Worri waan anini dubbi worra jalaa qabu seha.

Lawi 13:8

Qaallichi ammalle ha isaa ilaale, yo isiini guddatte, Nami kunini qulqullooniti jed'e ha biyya beesisu; madaani sunini d'ukuba hama aka qomaat'a.

Habakuki 2:4

Duuba dubbini tana: Ch'ubbichi inhafu, ammo nami d'uga maro d'ugefacha isaatiifi injiraata.

Luqaas 1:6

Worri lachu Waaqa durati worra d'ugaati, wollaala male seera isatiifi aada isaa ch'ufa guutani.

Yohana 21:17

Ammalle maro sadeeso Yesoni waan jed'eeni, Simoni ilma Yohana, Atini naa feeta? Petroni garaa ufi keesati lalefate waan inni maro sadeeso, Atini naa feeta? jed'eefi. Inni waan jed'eeni, Aabbo, atini waan ch'ufa imbeeta, aka anini si fed'u imbeeta. Yesoni waan jed'eeni, Hooliye tiyya nyaachisi.

Huji Ergattu 8:37

Filiponi waan jed'eeni, Yo atini garaa kanke ch'ufaani d'ugefatte si batisani, Inni waan Filiponi jed'e, Ind'ugefad'a aka Yeso Kristo Ilma Waaqa.]

Efessoon 5:5

Waan kana aka dansaa beekhu maltani: nami algali, t'urichi, sabdiini (ka Waaqa wollaale waan nami harkaani mid'aasu kad'atu) qooda Finna Kristotiifi ka Waaqa keesaa inqabu.

Qaabacha Seera 10:9

Wonti gochiti Lawi qooda lafa aka gosa taani, inargatiinifi waan kana: Akuma AABBO Waaqi worraa kakhate, qoodi worraa huji qaallu.

Qaabacha Seera 12:12

Achiti isa durati, isanifi ilmaani teesanifi hojattu teesanifi worri Lawi ka dira keesani keesa tauleeni gammada; qaabad'a aka worri Lawi qooda lafa inqamne.

Ebrania 4:13

Waan tokole dandaani Waaqa ind'ossani. Wonti lafa keesa jira ch'ufti ila isaa dura jirti; isa durati waan keenna ch'ufa himachu malle.

Yoshua 22:25

Inni galaana Yordani seera jiddu teennafi isani worra Reubenitifi worra Gadi tolche. Ammalle isani AABBO Waaqa qooda womatu iraa inqabdani. Akasiini hegeri ilmaani teesani ilmaani teenna AABBO Waaqa kad'achu d'owarti.

Mudhii Yohaannisii 2:23

Anini ijoolle isile d'ae fit'a, duuba gumiini ch'ufti aka anini heregafi garaa nama ch'ufa ilaalu baratti. Ammalle anini isanii ch'ufa, huji teesani gula, woi isani kenna.

Mudhii Yohaannisii 20:6

Ayyaanafi gammada worra kaisa qara kana keesa qooda qabuuti. Doti lameeso dandeete worra indabsattu, worri qaalole Waaqatiifi ta Kristo tahe, isa woliini haga ganna kunki tokoti lafa fida.

Mudhii Yohaannisii 22:19

Yo nami waan tokole fagiisa kitaaba kana keesaa fuud'e, Waaqi qooda mid'aani mukha jireenna isa duraa fuud'a, qooda isaa ka Dira Qulqullole, ka kitaaba kana keesati t'aafani.