Huji Ergattu 7:43 - KITAABA WAAQA

⁴³ Waaro waaqa Moloki jed'ani baatani, ammalle fakeenna urji waaqa keesani ka Refani jed'ani; wonti isani kad'attani suni waan harkaani boch'ani. Tanaafi anini lafa Babiloni mogaani isani baasa.

Huji Ergattu 7:43 ပူးပေါင်းရင်းမြစ်များ

1 Hayyoota 11:7

Gaara Yerusalemuni ilaboru irati inni fulla Kemoshi waaqa hama Moabutifi Moleki waaqa hama Amoni iti kad'atani jaare.

2 Hayyoota 17:6

ka ammalle haga Hosheani lafa mohate ganna sagali, hayyuuni Ashuru dira Samaria dabsate, worra Israeli boojie, lafa Ashuru geese, ka gari dira Hala geese, ka gari d'aatu galaana Habori, ka lafa Gozani, geese, ka gari dira worra Medi geese achiti qubsise.

2 Hayyoota 18:11

Hayyuuni Ashuru worra Israeli boojie, ka gari Hala geese, ka gari galaana Habori, ka lafa Gozani, geese, ka gaari dira worra Medi geese achi qubsise.

2 Hayyoota 21:6

Inni ilma isaa sorio gubani baase ammalle nama wohime, murma baafate, worra ayyaanatifi falfaltu d'ugeefate gula deeme. Inni ch'ubbu guddo hamtu tolche akasiini AABBO Waaqa dallansiise.

Yeremia 32:35

Ammalle Bale Hinomu keesa fulla sorio iti qalani Baalii jaarani ilmaani isani waaqa Moleki jed'ani sorio baasani. Anini, waan kana tolcha worrani injenne, yokhaani aka worri waan akana kana tolche worra Yuda ch'ubbu keesa buusu diqole inherenne.

Lawi 18:21

Ijoolle tante tokole gubde waaqa Moleki jed'ani sorio imbaasini wonti akanatiifi yo akasi taate atini ya maqa AABBO Waaqa ch'eersite.

Amosi 5:25

Isani gumi Israeli, gaafa lafa aloo ta gamooji keesa ganna afurtama teetani, soriofi waan naa baaftani d'ibi, ya na d'uftaniini?