Huji Ergattu 5:28 - KITAABA WAAQA

²⁸ Nu ya aka isani maqa kanaani imbarsiimne isaniti seereeyu? Ammo isani ya Yerusalemu dubbi tanaani guuttani, ammalle d'iiga nama kana mata keenna ira kayu feetani!

Huji Ergattu 5:28 ပူးပေါင်းရင်းမြစ်များ

1 Hayyoota 21:20

Ahabuni Eliya arge jennaani waan jed'eeni, Atini, nyaapa kiyya, ammalle ya na d'aqabde? Eliyaani waan jed'eeni, Ee, ya si d'aqabe.

1 Hayyoota 22:8

Ahabuni waan jed'eeni, Ee, toko d'ibiti jira, ka Mikaya ilma Imla jed'ani. Ammo anini isa injibba; wonti akanatiifi inni waan hamtu male waan dansa na infagu. Yehoshefathini waan jed'eeni Akasi, injed'ini.

Yeremia 26:15

Ammo waan toko hubad'a: yo na ijeeftani, isanifi nami dira kana yayu nama woma iyyakini ijeeftani wollaala seentani; wonti akanatiifi nami na erge dubbi suni, worra kanati himi nani jed'e, AABBO Waaqa.

Yeremia 38:4

Jennaani jari hojattu kaani gara hayyu d'aqe waan jed'e, Namicha kana ijeesu malani, dubbini isaa tunini askarti dira keesati haftele garaa laafifti, ammalle nama d'ibi ka dira keesati hafele, akasuma garaa laafifti. Inni diqole nama qarqaaruti injiru, ammo balleesuu jira.

Amosi 7:10

Amaziani, qaalluuni Betheli, qonqo gara Yeroboamu, hayyu Israeli, erge waan jed'eeni, Amosiini si jala jira, inni gumi Israeli keesa dedeeme si balleesu fed'a. Dubbini isaa suni lafa balleesiti.

Matayo 21:44

Nami d'akha kana gubbati jigu imbututa; yo d'akhaani nama gubba buele nama butucha.]

Matayo 27:25

Gumiini ch'ufti waan jette, D'iigi isaa mata keennafi ka ijoolle teenna gubba jira.

Huji Ergattu 5:40

Worri dubbi isaa quufe, ergattu yaamani d'aanani, aka worri deebie maqa Yeso Kristotiini nama imbarsiimne seeraani gallakisani.

Huji Ergattu 7:52

Raaga kami ka ababooti teesani ingaargalchiini? Ammalle worri ergattu Waaqa, ta d'ufiisa Nama d'uga himu d'ufte, ijeese. Isanileeni ammatana isa gurgurtani ijeeftani.