Huji Ergattu 26:20 - KITAABA WAAQA

²⁰ Qara worra Damaski barsiise, ammalle worra Yerusalemu barsiise, duuba eege nama lafa Yudea ch'ufaafi ka gosa d'ibile ch'ufa barsiise aka worri daba lakise Waaqati deebie huji daba iraa deebiti garsiisu.

Huji Ergattu 26:20 ပူးပေါင်းရင်းမြစ်များ

Faaru 22:27

Gochiti ch'ufti AABBO Waaqa qaabate, fulla jirtu ch'ufa isati deebiti; nami gosa ch'ufa isa dura d'ufe kad'ata.

Isaya 55:7

Ch'ubbichi ha kara ufi lakisu, nami hameenna gula deemu ha herega ufi garagalfatu. Inni ha AABBO Waaqa keennati deebiu. Duuba inni naheefi hurrise araaramaafi.

Yeremia 18:11

Amma waan atini worra Yudatifi ka Yerusalemutini jettu, AABBO Waaqi waan jed'u, Anini isaniti malachuu jira, aka isani gaargalche isani balleesu. Tanaafi isaniini ch'ufti kara keesani hama lakisa, amalafi adaba keesani jijirad'a.

Yeremia 35:15

Anini maro heddu raagoota hojattu tiyya isaniti erge worrileeni isani gorse waan jed'e, Isani nami ch'ufti hameenna lakisa, waan d'uga gula yaa. Waaqa d'ibi gula yaatani inhojatinafi. Duuba yo suni, lafa anini ababoota teesani kenne nagayaani keesa teetani. Ammo isani dubbi tiyya ind'ageenne yokhaani na jalaa inqamne.

Boha 3:40

Koota me, aka dansa ufi qorre AABBO Waaqati deebina.

Hosea 12:6

Tanaafi isani ammatana Waaqa keesani d'ugeefad'a, iti deebia; jaalalaafi d'uga jabeesa, biraa indeemina, obsaa, waan Waaqi keesani tolchu eega.

Hosea 14:2

AABBO Waaqati deebia, dubbi dansaani waan jettaniini, Ch'ubbu teenna ch'ufa nuu araarami, kad'acha teenna ch'ufa nuu d'agayi, duuba akuma qara jenne kaani si faarsina.

Matayo 3:2

Daba iraa deebia, Finni gubba ya, d'iaate.

Matayo 3:8

Mid'aani daba iraa deebianiini baasa.

Matayo 4:17

Haga guyya suniti Yesoni odu dansa odeese waan jed'e, Daba iraa deebia, Finni gubba ya d'iaate.

Matayo 9:13

Beena, waan jecha kana hubad'a, Anini naasu fed'a, sorio imfed'u. Anini nama daba male, nama d'uga yaamu ind'umne.

Mariko 6:12

Tanaafi worri kae yae, Daba iraa deebia jed'e nama barsiise.

Luqaas 1:16

Inni ijoolle Israeli heddu gara Aabbo Waaqa isaani deebise,

Luqaas 13:3

Waan anini isaniini jed'u, Hiyyo, akasiiniti. Ammo yo isanileeni daba iraa deebiu baatani akasuma baddani.

Luqaas 13:5

Waan anini isaniini jed'u, Hiyyo, akasiiniti. Ammo yo daba iraa deebiu baatani isanileeni akasuma baddani.

Luqaas 15:10

Waan anini isaniini jed'u, Akasuma malaikaani Waaqa gammaddi, hojja nami toko ka daba qabu daba suni iraa deebiu.

Luqaas 15:7

Waan anini isaniini jed'u, Akuma suni gammadi guddaani gubba jira, hojja nami daba toko daba iraa deebie, fulla nama d'uga sagaltami sagali ka waan iraa deebiufi inqamne.

Huji Ergattu 11:18

Waan kana d'ageennaani dubbi isaa quufani, Waaqa faarsani waan jed'ani, Waaqi gosa d'ibile ya daba iraa deebise jireenna kenneefi.

Huji Ergattu 15:19

Tanaafi wonti anini heregu tana: Nu worra gosa d'ibi ka Waaqati deebie gaargalchu himmalle.

Huji Ergattu 17:30

Haga nami isa imbeenne kana ch'ufa Waaqi ya bira namaa dabre, ammo ammatana aka nami ch'ufti daba iraa deebiu fed'a.

Huji Ergattu 2:38

Petroni waan jed'eeni, Daba iraa deebia, isaniini ch'ufti maqa Yeso Kristotiini batifama, aka daba keesani isanii araaramani; duuba qarqaarsa Waaqa ka Lubbu Qulqullo argattani.

Huji Ergattu 20:21

Anini Yahudifi gosa d'ibileti layu hime, aka daba lakisani Waaqati deebiani Aabbo Yeso d'ugefatani.

Huji Ergattu 26:17

Anini harka biyyatiifi harka gosa d'ibi, ta anini ammatana iti si ergu, keesaa si baasa.

Huji Ergattu 26:19

Tanaafi, ee hayyu Agripa, anini daayya gubba suni ch'aqasu indinne.

Huji Ergattu 3:19

Tanaafi daba iraa deebia, Waaqaati fuula deefad'a, aka inni daba isani iraa d'iqu,

Huji Ergattu 9:15

Ammo Aabbooni waan isaani jed'e, Beeni d'aqi, anini yayu isa fohad'e, aka inni maqa kiyya gosa d'ibiifi hayyootafi ijoolle Israelile durati odeesu.

Huji Ergattu 9:35

Nami Lidiafi Saroni keesa tau ch'ufti isa arge Aabbooti dedebie.

Roomaa 2:4

Hegeri arjoomafi naasufi obsa isaa tuffatta. D'uguma arjooma Waaqa, aka inni daba ira si deebisu fed'u, inagarta.

2 Korintho 3:16

Ammo daandaani iraa fuud'ani, akuma t'aafiini jettu, Musani Aabbooti deebinaani hagogo iraa fuud'ani jed'ani.

2 Korintho 7:10

Lalefacha Waaqi hujiini hojate suniti garaa keesani gaargalche baafama isanii kenne, maro waan sunitiifi nu ufi ingaabinu! Ammo lalefachaani nama duisaani d'ufti.

Efessoon 4:17

Maqa Aabbootiini anini waan kana jabeese jed'a: aka worra Waaqa imbeenne, ka qalbiini worraa woma imbaanne,

1Tasaloonqe 1:9

Nami ch'ufti waan gaafa nu gara keesani d'umne, ka isani aka dansa nu bulchitani, dubbata, aka isani waan harkaani boch'ani lakiftani Waaqati deebitani, Waaqa d'uga ka jiru hojattani,

Mudhii Yohaannisii 16:11

maro madaafi d'ukubsacha ufitiifi, Waaqa gubbaa arabsa; ammo hameenna ufi iraa indeebine.

Mudhii Yohaannisii 2:21

Anini guyya qabeefi, aka isiini daba iraa deebitu, ammo isiini sharmut'oma suni iraa deebiu didde.

Mudhii Yohaannisii 2:5

Aka guddo jidde qaabad'u, daba iraa deebii, waan duri hojatte hojad'u. Yo daba iraa deebiu baate, anini d'ufeti ifse tante fulla isiiti fuud'a.

Mudhii Yohaannisii 3:3

Barsiisa ati qara d'ageete fud'atte qaabad'u; jabeesi, daba iraa deebii. Yo atini kau didde, anini aka hattu siti d'ufa, atini hojja anini d'ufule imbeetu.